Sunday, February 18, 2007

Help your self..

البوستايه دي ليها علاقه ببوستاية امبارح اللي بعنوان
بلد يفط صحيح
و ده لأن برنامج 90 دقيقه النهارده استكمل بقية
الموضوع او زيّ ما تقول كده مش بقيه
هو حادث مشابه00و هو انفجار لماسورة
ميه في احد ارجاء منطقة المعادي00 بس انا مش كاتبه
البوستايه عشان الحادثه نفسها لأن خلاص ما بقاش في جديد
انما انا كتبت لأن شدّ انتباهي جدا التعليق اللي قالته
مراسلة البرنامج ساره اسامه و هي بتنقل الواقعه
صوت و صوره قالت ساره في نهاية نقلها
للموضوع000ان المسؤلين شعروا بالاحباط من كتر
ما الناس بتقول انهم مقصرين ؛ و ان المفروض
لما ماسوره تضرب الشعب ينشف الشوارع من سكات؛
و اما المترو يتعطل الركاب تنزل تزق من سكات برضو ؛
و اما القاهره تولع يبقي الشعب يهف و يطفي النار ؛
و لكن الا التسبب
في احباط المسؤلين00
طبعا انا لما سمعت الكلمتين دول ضحكت لما اكتفيت
و هي المراسله تشكر علي طريقة ادائها كان هايل
و كان تعليق معتز الدمرداش ما معناه ان ربنا يستر عليها ؛
ياه ه ه ه 00ده احنا شعب ما يجيش غير بالشبشب الزنوبه
ازاي كده نسبب احباط للمسؤلين و هما مقطعين
هدومهم عشانا 00 بس انا عايزه اطمنكوا ان الناس
النهارده مع الماسوره الضاربه دي و تأكدهم انهم هيتحلقلهم
زيّ غيرهم فعلا وقفوا هما و سمعوا الكلام من سكات و استعملوا اسلوب
help your self
بس انا سؤالي الأخير هو 00هل احباط المسؤلين كان شديد
اوي يدخلهم في حاله نفسيه و لا عادي قرصين مهدئ
و الحاله تفوت؟؟؟؟؟
اصل انا صحة المسؤلين عندي بالدنيا00
سلااااااااااااااااااااااااااااااام

9 comments:

كلام لوجيك said...

دايما بسأل نفسى
ليه الموظفين المصريين بيتعاملوا بالشكل الوقح ده مع اخواتهم الموطنين؟؟
ليه التكشيرة الدائمة والنرفذه والعصبية وتعطيل خلق الله؟؟
ونفس السؤال على الشرطة
بيجيبوا منين السادية والوحشية فى التعامل؟؟
ازاي بيعذبوا المواطن بكل هدوء اعصاب وبشكل روتينى يحسسك انه بيعمل حاجه عادية خالص

هل دول مش بنى ادمين زينا؟
مش مصريين زينا؟؟
ماعندهمش احساس ودم زينا؟؟

بالنسبة لموضوعك بقى
للاسف الشديد مصر عمر ما كان فيها مسؤل او موظف عنده الشجاعه انه يعترف بخطأه ويتحمل المسؤليه
من اصغر موظف وحتى اكبر وزير
فهم منزهزن عن الاخطاء دائما
الا فى حالة واحده ، عند وجود كبش فداء فى اي مصيبه

اللى غايظنى حاجه واحدة بس
كل فترة بسمع فى الاخبار عن مسؤول يابانى انتحر لأنه حدث تقصير منه او خطا فى مجال عمله
شوفتى العالم دي ضميرها وحيائها من المجتمع وصل بيهم لغاية ايه؟؟
الانتحار
عشان تفضل صورته قدام اهله وابناءه وشعبه واضحة ونقية

اما احنا
فللاسف الشديد مفيش عندنا تأنيب ضمير حتى
مفيش رمش مسؤوول بيهتز مهما حصل
حتى لو حدث مصيبة وراح فيها المئات من شعبنا المقهور

سوري عشان حرقت دمك بكلامى ده
بس انتى كمان حرقتى دمى بسؤالك عن الحالة النفسية للموظف الغير محبط

بهزر مابتكلمش جد

koukawy said...

ساكاماكا00 كنت دايما اسمع ان بتوع بلاد بره دول زي ما بيسموهم00 مسلمين بدون اسلام 00
انا مكنتش فاهمه ليه 00 بس دلوقتي فهمت
انت محرقتش دمي و لا حاجه بالعكس انا دايما بكتب لفتح باب الحوار

.:.-=- ELGaZaLy-=-.:. said...

اه يا بلد عايزة ولد..بس انا مش فاضى الايام دى..
بتنقل الواقعه..والمسئولين شعرو بالاحباط بسم الله ما شاء الله..لا معذورين يا اخوة...مهم بيتعبو وكدة...
طيب انا شايف ان الشعب ميستحقش المسؤلين دول لانهم احسن منا ومن هنا بطالبهم بانهم يرحمو انفسهم يا اخوة ويحلو عن سمانا... وفعلا دة شعب قليل الادب..المفروض لما مسورة تتنسف حد يتطوع وينزل يسلها

هايموت اية يعنى كلة فدا مصر..

مواعيدنا تتعطل ومتلقيش حق اللقمة لا انت ولا عيالك مش مهم علشان السؤلين يعيشو اما انكم شعب قليل الادب صحيح

لكن تعملهوم احباط وكدة عيب يا شعب
يا قليل الادب يا شعب..


طيب الواحد من هنا بينادى اى طبيب نفسى زميل

همة على البلد اننا لازم نتكاتف يا اخوة من اجل فك احباط المسئولين

اى حد عندة اى موهبة لازم يطوعها فى خدمة المسئولين.؟..

اما شعب قليل الادب صحيح

koukawy said...

الغزالي 00 انت ضحكتني جدا 00
انا كان نفسي اكون دكتور نفساني عشان ينولني الشرف ده الصراحه
اهلا بأول كومنت ليك
و نورت العشه

بيتنا القديم said...

الكوكو الكميل
*************
علي فكرة انا كل يوم بعدي علي ماسورة الميه اللي طفحت في المعادي علشان هي جنب الشغل بتاعي

وإمبارح لأقيت ناس كتير ماشية بتلعن وتسب في الحكومة...وبوش...وانفلونزا الطيور معاً

مش عارف ليه...حسيت إني عاوز اضحك بس مش من الآم الناس طبعاً

إنما لما طافت بزهني اغنية للعندليب تناسب حرارة الموقف...وعياط الناس...وشحفتهم...والتي يقول مطلعها

آي دمعة حزن...لا..لا...لا

heba said...

اسم الله عليهم وعلى حواليهم أيه يا كوكو ده .. ده كله الا الحالة النفسية بتاعة البشوات الكبار .. المفروض نقوم نكسرلهم ماسورة ونصحلها علشان نوريهم اد ايه احنا شعب .. متعاون

Unknown said...

طبعا لما يبقي المسؤلين زي بتوعنا والشعب زينا, الشعب ده اللي مفيش حاجه بترضيه رغم ان الناس شايلينه علي كفوف الراحه, يبقي لازم الاحباط يكون جامد وحبتين المهدئ مش هيعملو حاجه, هو فعلا الشعب لازم ياخد باله من النقطه دي جدا, ياجماعه هو احنا يهمنا ايه غير نفسية المسؤلين؟

koukawy said...

سمسم 00 انت ازاي ضميرك يسمحلك انك تعدي جنب الماسوره و متنزلش من بيتك بجردل و خيشه و تنشف 00 اهو انت كده من المساعدين في عملية الاحباط
************************
شمس 00 هما بينفجروا و يكسروا لوحدهم متستعجليش يا ما هنشف 00 بس يا رب تبقي مية المواسير بس
***************************
اسراء 00 ما هو بقي د الحمله اللي جايه اننا نطعم السؤلين ضد الاحباط

أميرة البلطجية said...

وانا كمان ميرضينيش نفسوية السيد المسئول تتعب
فاكرة المنفسنين بتوع كوكو؟
اهو الشعب اوب جزمة بكعب عامل كده
منفسن ع السادة المسئولين الكاميلين
عيب يا شعب ..عيب