Thursday, February 15, 2007

موت و خراب ديار00

يا جماعه سؤال برئ00
هل من المنطقي و العقل ان 10 يمشوا علي مزاج واحد؟
ده حته بيقولوا بالبلدي00رأي الأغلبيه
طب هل من المنطقي ان عشان فرد منطقه بحالها
تقف اللي راكبين و اللي ماشيين؟
طبعا هتقولولي لأ مش منطقي00
هروح انا قايلالكوا00بس احنا هنا في
مصر اي شئ مش منطقي بيبقي منطقي بلوي الدراع00
ايوه بجد00عشان مش معقوله ابدا ان عشان
فلان معدّي نروح قافلين الاشارات و نحط حديد
علي الرصيف و نحجز الناس من انها تمشي
في الشارع و نعطلها علي اشغالها و مشاويرها
عشان في تشريفه00و تخيلوا بقي لو واحد
ضرب بكلامهم عرض الحائط و كبر دماغه
و عدّي هيكون ايه مصيره00
انا ساعات بقعد اتخيل ان اي فلان من الفلانات
اللي بيقفلولهم الطرق عشان يعدّو ماشي جنبي
في الشارع و لا حاخد بالي منه اصلا؛
يا تري هو لو راح يحج بيروح بالتشريفه دي
و يمنعوا الحجاج عن الطواف لغاية ما هو
يطوف براحته؟
مفكروش هيعملوا ايه يوم القيامه يا تري هما
فاكرين انهم هيتحاسبوا بالتشريفه برضه؟
انا عندي اقتراح لطيف اوي00
يا ريت اليوم اللي هيكون في فلان
او علان معدّي تدّوا الناس اجازه او عذر تأخير00
ما هواصل الواحد يتلطع بالساعات في اشاره و كمان يتخصمله
من المرتب عشان وصل متأخر او ياخد لفت نظر مثلا00
ده كده يبقي موت و خراب ديار
سلام

6 comments:

khaled said...

طبعا لازم يتخصمله
هو ايه اللى خلاه ينزل من بيتهم السعادى

أميرة البلطجية said...

بلاش انت يا كوكوووووووووووووووووووو
ههههههههههه
اقولك ايه
اصل انا عانيت (لأ..مفيش بني ادم معاناش) من القصةدي
وطبعا الذكريات كتير
لكن..
قضى الامر الذي فيه تستفيان
اييييييييييه
ربنا يلهمنا الصبر

koukawy said...

خالد 00صحيح علي رأيك ما هو لازم يكون المظلوم و المجني عليه هو اللي غلطان
lol
**************************
يا بلطجيه 00بدعي معاكي
الصبر من عندك يا رب العالمين

SomeOne said...

طبعا زي ما انت عارفة انا جديد في العشة

بس بجد بحييكي على مواضيعك البنائة اللي الواحد سعات مبيلقيش كلام يقوله

بس طبعا المواضيع الهادفة و المكتوبة كويس لا تحتاج للكومنتات

هي محتاجة ان فكرتها توصل للناس

على فكرة مدونتك ممكن تكون سبب في اصلاح ناس كتير

تحياتي

koukawy said...

يا شادي 00 ربنا يخليك انا لو عملت كده و قدرت اعمل و لو تغيير واحد
هبقي سعيده اهو الواحد يبقي عايش لهدف في الحياه عشان ربنا يو م الحساب لما يسألني الاقي حاجه اقولها و مبلعش لساني
انت كومنتاتك مشجعه00و بعدين مدام دخلت العشه يبقي ماتبقاش جديد انت كده من اهل العشه
lol

kozo127 said...

بجد انا مش عارف اقولك ايه؟
يعني هيا ضاقت بيه الشوارع ويمشي في الشوارع اللي معدي فيها سيادته؟؟
امال هما عاملين الدائري ليه .. والشوارع الجانبيه المتسفلته والمنظمه واللي مش زحمه ليه .. عيب عليك يا شعب يا مجرم يا قليل الادب .. دي مش اصول مش سيادته دا بيجري هنا وهناك عشان مصلحتنا .. كمان نزعل انه بيزحم الشوارع قد ست سبع ساعات عشان يعدي ويوصل بسرعه ويلحقنا قلب ما نموت من الجوع والبطاله والسرطان والعنوسه و و و و و و و و و و و.

عيب عيب