Monday, February 5, 2007

موضة المشاكل العاطفيه00

اجتياح علي جميع شاشات التلفيزيون و الراديو00
حل المشاكل العاطفيه و الشخصيه و الجنسيه
هو معقوله ان الشعب بقت مشاكله محصوره
بس في المشاكل دي لدرجة ان يتعملها كل العدد ده
من البرامج و اللقائات00دي بقت تجاره00
بسمع الراديو علي قناة نجوم اف ام
الاقيلك الفنانه سين الظاهر مش لاقيه
شغل و قاعده فاضيه00
اسماعها بوداني دول اللي يكلهم الدود
بتقول00لو حد عنده مشكله يتصل بيا
علي 0900 مش عارفه و كام و انا هحلهاله
طب يا تري هي تحلهاله علي اساس ايه؟
و هل يا تري لو انا عندي مشكله هتصل
بيها في التليفون ليه00ما انا اتكلم مع حد اعرفه
يوم تاني يا اخوانا افتح القناه الجديده
المدوره اللي لسه فاتحه من كام يوم00
الاقي برنامج مستضيف خبيره في حل المشاكل
العاطفيه و بيقولوا00 و انتوا كمان لو عندكوا
مشاكل عاطفيه اتصلوا بينا00
طب بلاش 00في مذيع مبجل بيحب العصير اوي
انتشر بسرعه رهيبه
من كام سنه زي اليوم اللي انتشر فيه الجراد في مصر00
اهه الأخ المذيع ده كمان عجيب00 حلقه اه و حلقه
لأ بيجيب الدكتوره بتاعة الطب الجنسي00
شئ غريب مش كده00
هو اللي انا بقي شايفاه اغرب ما في الموضوع ان الناس
بتتصل و تحكي مشاكلها و حياتها الخصوصيه
اوي و بيحكوها بعشم و لا لما يكون
اللي بيحكولوا ده من بقيت عيلتهم00
و مابيتكسفوش 00يعني الناس اللي
بتعمل كده مش حاسه انها بتعمل حاجه غريبه؟؟
و هل ياتري لما بيتصلوا بيلاقوا فعلا حل لمشاكلهم؟؟
و الكلام ختام00
سلام

5 comments:

Unknown said...

الفنانه سين ياتري حلت مشاكلها علشان تحل مشاكل الناس؟

ولعلمكم لو حد عنده مشكله يكلمني 0123819...... وانا هحلهاله وده لاني بحب حل المشاكل ومن غير 0900 ومن غير القناه المدوره ومن غير العصير

وسلمولي علي المترو

kozo127 said...

يا ستي

kozo127 said...

انا عايز اعرف انتي ليه نسيتي الاستاذ الفاضل النحنوح / اسامه منير
دا راجل بيحل مشاكل كل الناس وخصوصا المراهقات .. يعني بجد بدل ما يقول للبت اللي عندها 14 و15 سنه روحي اقريلك كلمتين ينفعوكي يروح يقولها انشاء الله ربنا يعوضك بحد احسن منه يحبك ويخاف عليكي .. اما عن المشاكل الجنسيه ..فدي كارثه ( ان لم تستحي فافعل ما شئت )
والحمد لله الحياء عندنا بيحتضر
وسلامات يا حياء

أميرة البلطجية said...

هاى كوكو
اهي البلد بقيت مولد وصاحبه غايب وكله بيسترزق
على فكرة انا كنت هنا امبارح وسبت كومنت مش فاكرة فين بس مش لقياه

koukawy said...

كنتي هنا يا بلطجيه في نفس البوست
اصل انتي عارفه غلوتك عندي عمري ما امسحللك كومنت ابدا
***********************
يا كوزو هو انا تفوتني الحاجات دي برضه 00اسامه منير موجود في البوست اللي اسمه حاجات تفور الدم رقم 2 او تلاته