Tuesday, February 6, 2007

كوكو لقا الحل00

الحلقه اللي فاتت000
كوكو وصل كوكوهايه البيت و رّوح مشي عشان مفلس
حلقة النهارده00
و فضل كوكو ماشي من الصبح لحد بليل00
و في السكه يقعد شويه علي الرصيف يريّح رجله00
و فييييين وصل كوكو تحت الشجره اللي عليها بيته الكميل
ووقف كوكو محتار يعمل ايه ازاي هيطلع و هو مش بيطير
و قال 00انا هخلي صديقي نقار الخشب يعملي سلم عشان
استعمله لغايه مخف و ارجع كميل00و بالصدفه كانت
جارة كوكو الست ام مكاوك نازله تشتري حاجه
و شافت كوكو 00و حاكلها اللي حصل فقالت له00
استني يا ابني انا هطلع و ادلدلك حبل الغسيل و اشدك
رد كوكو 00ميرسي يا طانط00و طلعت الست ام مكاوك
و صوصوة لكوكو راح متشعلق بمنقاره الكميل و شدت
طانط الحبل ووصل كوكو فوق و شكر طانط 00و قعدت
تدعيله بالشفا00دخل كوكو البيت و كان خلااااااص مش قادر
يقف 00ركليه الكميله يا حرام كانت ورمااااااا00
و دخل كوكو لقا انكل كاكا سايبله ورقه انه اضطر يسافر
للخارج لفتره عشان عنده شغل00و حس كوكو الكميل انه وحيد
و ان محدش معاه في الدنيا00و دخل الحمام و هو راسه
مدلدله من الزعل و ملا طشط ميه
و حط فيها ملح و حطها قدام الكلفزيون00و حط رجليه فيها
و قعد 00كان كوكو بيبص علي الكلفزيون و كان شغال فيلم
كوكوهات لكن ظرفاء 00بطولة الفنانين اكمل مظهر و كادل امام
بس كوكو ماكنش مركز مع الفيلم خالص لأن دماغه كانت شغاله
بتفكر ازاي يقول لكوكوهايه ان هو كوكو الكميل00و جلس
يفكر و يفكر00و سرح يفكر و يفكر 00 و صوصو يفكر و يفكر
و فجأه00ظهرت علي راس كوكو لمبه كميله منوره00
و قال00وجدتها 00 وقام نط 00و اقلب
الطشط و غرق الدنيا00
كاكان

4 comments:

kozo127 said...

الحل ان كوكو الكميل هيروح لكحمد كشوب الكاكييير ويركبله ريش ويرجعه لشكله الاصلي .. او يزرع ريش في لبنان ..عموما قلبي معاك يا كوكو ..

Anonymous said...

البلوج بتاع كميل يا كوكو
وانا مش بس بازورك لكن كمان عايزاك تقبل التاج اللى فى البلوج بتاعى
بالنسبه للبلاير يا كميل انت اصلا مرفعتش اغانى عشان تشتغل
اتبع التعليمات واحده واحده وانت هتلقيها اشتغلت

أميرة البلطجية said...

ربنا معاك يا كوكو
على فكرة انتي ان شاء الله حتبقي ام تحفةةةةةةةة

koukawy said...

نورتي العشه يا شيكو00
بس انا معرفش اقبل التاج يعني ازاي؟
و الأغنيه و حياتك انتي عندي رفعتها و موجوده علي السايت و مكتوب اسمها كمان
******************************
البلطجيه اللي علي طول رافعه معنوياتي
هي المشكله انا خايفه اخلف ابقي اعيل منهم00