مصائب قوم00
مصائب قوم 00عند قوم00فوائد
هو ليه الناس مش بتمشي صح من نفسها؟
ليه لازم يتحط غرامات و عقوبات عشان الناس تلتزم
بالقواعد و الروابط و النظام؟
هويعني كان لازم يوقفوا مفتشات عشان الستات
متزوغش من دفع تذاكر المترو؟
اه بجد هو ده اللي حصل00
اللي حصل انهم مسكوا في الرجاله كتير بتزوغ من دفع التذكره
في المترو00فراحو معينين عدد كبير
من البنات كمفتشات للسيدات عشان يكون ليهم
الحق في دخول عربية الستات و يقدروا
يحصروا عدد المزوغات 00و كانت الكارثه
انهم مسكوا في حوالي شهر اكتر من الف ست
مزوغه من دفع التذكره00طب ليه تكسفوا
نسفكوا 00انا اصلي حطيت نفسي في مكان واحده
او واحد من المزوغين لو اتقفشت هيبقي شكلي
ايه 00حسيت انه هيبقي شكلي سخيف و مبلول
طب لو مش مهم الشكل و الاحراج قدام الناس00
قدام ربنا ده الأهم لأن دي سرقه00
و انا باعترف اعتراف اني بعتبر نفسي
واحده من المساعدين علي السرقه لأن لما واحده
بتجيلي في المترو و تقولي ممكن اعدّي وراكي
مبعرفش اقوللها لأ بس مش عارفه اعمل ايه
غير اني اعديها00بس اللي جه في دماغي علي
طول اول ما سمعت موضوع تعيينات البنات
في الوظيفه دي 00المثل اللي بيقول00
تذاكر قوم عند قوم00 فوائد
سلام
10 comments:
ده بينطبق تماما على الدكاترة
تحياتي
sharm00
عندك حق ممكن تطبق المثل ده علي حاجات كتير غير الدكاتره كمان00
اهلا بيك في العشه نورتها
امممممممممم
الناس تقولك
دا مال حكومة
يعني حلال
منطق يغيظ
وما مصر الا عشة صغيرة
اهو يا شادي الناس اللي بتفكر بالمنطق ده علي رأيك بيفكروا بالشقلوب
هو كده يا بنتي طول ما في قط طول ما الفار هيشتغل كويس ..... لكن لو المثل اتعكس .... إن غاب القط العب يا فار
متهيالى امور كتيرة متشابهة بين كتاباتنا يا كوكو ...اهمها الحرص على ..ابدا بنفسك..اتمنى لك التوفيق ..و التواصل
الفيلسوف00نورت العشه و شئ يشرفني اننا نتشابه في حملة ابدأ بنفسك00و يا رب تجيب نتيجه
****************************
شمس 00علي رأيك يا اختشي
على فكرة
الناس دي معتبره نفسها مبتسرقش
ولها ستمييييييييييت مبرر يخلوكي تعيطي قبل ما يوصولوا للمبرر رقم تلاته من التعاطف معاهم
بيني وبينك
دماغات الناس في بلادنا عايزة تتنفض
تتفرمت وينزلها ويندوز من اول وجديد
عموما يا كوكي اهتمامك واهتمام ناس زيك بالموضوع علامة ايجابية
اممم
عل وعسى
الناس معزوره وبس
الناس شايفه اللى بيحصل حواليها .لا والله الناس مبقتش شايفه من اللى بيحصلها الناس اتطحنت ومعدش فيه ناس انتى بتتكلمى عن حد موظف والا حد مش بيشتغل علشان كده دخل يركب المترو ويدفع جنيه تمن التزكره تفتكرى جنيه فى المشوار الواحد ممكن المواطن المصرى يجيبه منين فى الظروف دى او ممكن يجيب بيه ايه لولاده والا لبناته دا جنيه للرحله الواحده فى المرواح وجنيه وهوه راجه يبقوا اتنين جنيه فى الشهر يبقوا 60جنيه دا لو ركب مرتين بس فى اليوم . صدقينى انا مش قصدى انىاساعد الناس على السرقه لكنى ما كتبتش الكلام دا الا لما عرفت انه لا يجوز ان الحاكم يطالب الناس بزكاه ازا مكانتش الارض طلعت حصاد ودى زكاه يعنى حق ربنا
بلادي00اهلا بيك و انت طبعا عندك حق في كل اللي بتقوله00بس حسه ان اذا كانت الفلوس قليله و الناس مطحونه و انا منهم طبعا؛بس لو مشيوا في الحلال حتي بأقل
دخل ربنا هيبارك اكتر
بس العشه نورت بيك
Post a Comment