Monday, February 19, 2007

ادخلوها بسلام 00

تلاقي ساعات عربية كدبه مكتوب عليها 00
و كلوا من طيبات ما رزقناكم
او محل عصير قصب كاتب 00
و سقاكم ربكم شرابا طهورا
تخيل انت كده ان الكبده المسممه اللي علي عربيه في
الشارع بقت 00 طيبات 00 و لا عصير القصب
بقي الشراب الطهور 00 كانت بتلفت انتباهي اوي
اليفط دي 00 انما النهارده القدر ودّاني قدام يافطه
كان كل اللي عليه لما قرتها اني ضحكت فجأه
لدرجة ان الناس اللي حواليّ في الميكروباص
بصولي و اكيد قالوا معلش مجنونه 00
اللي حصل ان صدفه الميكروباص خرم من شارع جانبي لتفادي
الاشاره و فجأه لقتني قدام قسم الدقي و انا ببص
لقيت ورا البوابه الحديد مكتوب يافطه كبيره
عليها كلام كتير اوي ؛ انما اللي لفت انتباهي
هي الاّيه القراّنيه 00
ادخلوها بسلام امنين
يا تري اعتبره وعد؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لا تعليق
سلام

6 comments:

الأباصيرى said...

عادى بقى ياكوكو

أدخلوها بسلام أمنين

وأطلعوا منها مدشدشين

.:.-=- ELGaZaLy-=-.:. said...

هههههههههههههههههههههههههههههههه

هاموت من الضحك حرام عليكى

اصلى شوفت اليافطة دى قبل كدة

مسخرة بجد

بس هوا وعد طبعا...لانك هاتخشيها بسلام

حد قال حاجة عن الخروج اصلا!!

ركزو بقى

Anonymous said...

على فكره الكبده بتاعت بره دى كويسه جدا و انا اعرف ناس كتير بتاكل منها ومش بيحصلها حاجه على العموم انت يا كوكو بادا الكلام بكلمه عربيه الكده زى اللمبىىىىىىىىىىىىىىىىىىىى
و شكرا

koukawy said...

اباصيري 00 اهو ده اللي اعتبره و عد
***************************
الغزالي 00 علي رأيك هو دخول الحمام زيّ خروجه
*****************************
شيمو 00 شكلك بيقول انك بتكلي من الكبده اللي في العربيه؟؟؟؟؟؟؟؟؟

أميرة البلطجية said...

ههههههههههههههههههههههههههههههههه

Unknown said...

هو قال ادخلوها بسلام .. مقالش حتطلعي عامله ازاي ولونك ايه .. وعدد اطرافك كام.. وقواكي العقليه راحت فين

لا لازم تركزي كويس .. حرف ممكن يفرق في المعني كله