Saturday, February 10, 2007

يا واخد القرد00

يا واخد القرد علي ماله00يروح المال و يبقي القرد علي حاله
هو في شباب عايزه تتجوز؟؟
هو في حاجه اسمها جواز دلوقتي؟؟
الجواز ده كان زمان ايام العز و الناس اللي عايزه
تفتح بيت بصحيح
كل الكلام ده بنسمعه من الأهالي الأفاضل
اللي عندهم بنات عايزين يجوزوهم00
و ده رأيهم و هما حرين00
انا بقي معترضهههههه جدا00لأن الشباب عايزه
تتجوز بس مش عايزه تتدبس او حد يبيع
و يشتري فيها او يحس انه رايح يشتري غساله00
الأهالي بيغالوا في المهور و الطلبات زياده
عن اللزوم و الحاله ضنك00و ممكن تبقي البنت موافقه
علي انها تتجوز بأقل الامكانيات و ربنا
يسهل بعد كده ما الجواز بييجي برزقه
و رغم كده تلاقي الأهل بتتكلم في
حاجات سطحيه متوقفش الحياه00زي مثلا ان يكون
المطبخ من عمرو حلمي اللي ب20 الف
و الحلل تكون من اللي ب الف مش ب800
يعني انا مش فاهمه هتفرق ايه00
انا من رأي ان الأهل بالطريقه دي بيعجزوا الشباب
و بيضطروهم للجواز العرفي و للغلط00و بعدين
هل الاب او الام هيتبسطوا لما يجوزوا بنتهم لواحد
محشي فلوس بس معندوش دين و مش بيراعي ربنا
و ممكن يكون عجوز00و في كل الحالات يبقوا قضوا عليها
و ساعتها الفلوس و لا هتنفع ده حتي الناس بتقول
ان الفلوس مش كل حاجه00الفلوس مش بتشتري السعاده
و احنا بنشتري راجل00انما مش بنشتري بنك
لأن ممكن ببساطه البنك يفلس و المال يروح
و ماناب اللي اتجوزت الا التدبيسه في القرد لامؤاخذه
طب ليه البهدله دي00و ليه
لما الشاب يجي يدخل من الباب تضغط عليه
و تحسسه انه ما ينفعش يتجوز و يروح ينتحر احسن
يا ابهات يا امهات00حرام عليكوا انتوا
بتعملوا كارثه و انتوا مش حاسين00
و بعدين علي رأي المثل اللي مكتوب فوق
و المثل التاني اللي بيقول00
خدوهم فقرا يغنيكم ربنا00
سلام

5 comments:

أميرة البلطجية said...

كان مان الناس بتعمل كده عشان البنات كانوا قليلين والقاعدة كانت الجواز
اما دلوقتي
فالشباب واهليهم بقوا هم اللي بيطنطوا ويبيعوا ويشتروا في الناس عشان طبعا بقي بضاعة نادرة
وكمان الجواز مبقاش الاساس
الترويش والحرية والعزوبية واللف والدوران وتقطيع السمكة وديلها بقوا هم القاعدة
.
.
عايزين نعمل احنا اجتماع على مستوى القعدة برضه نناقش فيه المشكلة دي
ههههه
خلاص يا بنتي الايامة قربت تقوممم

Anonymous said...

انا شايفه ان الكلام دا كان زمان دلوقتى الاب و الام لما بيصدقو يلاقو واحد خبط على بابهم و يقعدو يقولو القليل عليك و الكتير علينا و احنا مبيهمناش الماده و الكلام دا و كل الخطوباط اللى انا بشوفها بيبقى العريس اصلا معندوش شقه و لا اى حاجه بس كفايه انو دخل البيت رسمى و قال دا و ساعتها الاهل بيقدرو دا ,,,,,
مش كده ولا ايه
و شكراااااااااااااااااااا

koukawy said...

يا شيمو 00انا معاكي ان فيه ناس بتعمل اللي انتي بتقوليه
بس انا قابلت ناس من النوعيه اللي انا بتكلم فيها دي كتير
و تشوفيه زيّ ما يكون هيجوز الأميره ديانا انا نفسي الحقسقه ان الناس تبقي اغلبها
من النوعيه اللي انتي بتتكلمي فيها
***********************
يا بلطج افندي 00انا مش عارفه بس احنا هنعمل اجتماع في ايه و لا ايه
lol

Shiko said...

كوكو

انا معاكى ان فيه مغالاة فى المهور والشبكة وطلبات الجواز

وحجه الاهل فى المغالاة دى ان لما الشاب يتعب عقبال ما يتجوزك ما يهونش عليه يبيعك بالساهل

وطبعا دى حجه واهيه لان لو الانسان فكر يبيع مبيدورش على عفش ولا مهر ولا شبكه

وكمان المغالاة دى ليست من الاسلام فى شئ فالرسول عليه الصلاة والسلام زوج احد الصحابه وكان فقير ببضع ايات كان يحفظها من القرآن الكريم

ربنا يصلح حال الامة
تحياتى

kozo127 said...

اميره معلش انا ممكن اسألك سؤال .. انتي متجوزه او مخطوبه ..
العرسان ما بيطنططوش ولا حاجه ..
المصيبه ان الحقيقه فعلا ما فيش حد بيتجوز في الظروف اللي زي الطين اللي احنا عايشينها ..
انا واحد من الناس عانيت من الاهالي كتير ..
يقابلوني احسن مقابله واحنا بنشتري راجل لبنتنا .. وما يهمناش كذا ولا كذا .. وتو ما تتقري الفاتحه وتلبس الدبل .. تعالى يا حلو ..
خدي عندك .. اشي الاتفاقات دي مش عاجبه عمتي .. تيته بتقول الاصول ان العريس المفرض يجيب كذا .. وتلاقي طلبات هايفه وتافهه وممكن تبوظ الجوازه .. مع ان من الممكن الحاجات دي تيجي بعد الجواز .. وفعلا البنت اللي عايزه تعيش قلت جدا زي الراجل اللي عايز يستقر ما اهو قل .. وترجعوا تقولوا اصل العنوسه .. وما فيش رجاله .. على الاهل دور