Thursday, February 22, 2007

لا حياة لمن تنادي 00

دي تاني مره اكتب بوست في الموضوع ده بس المره دي
هيكون الكلام مختلف حبتين 00 بس احب اقول الأول
ان البوست القديم كان بعنوان
شقاوة عيال
كلاكيت تاني مره 00 كابلات الكهربه و العواميد
مفتحه و السلوك خارجه منها و عريانه 00
يا جماعه مستنيين ايه عشان تحلوا المشكله
دي ؟؟ مستنيين كام كسيح و معاق تاني
بعد اللي اتأذوا قبل كده ؟؟
الواحد كبير و خايف من الكهربه طب العيال الصغيره تعمل ايه؟
و لا هترجعوا تقولوا ان الكهربه مبتشدش حد و ان العيال
هما اللي اشقيه و بيلعبوا فيها 00 زي سيادة
وزير الكهربه و الطاقه لما قال رأيه في الموضوع
بعد حادثة الولد اللي في البوست القديم 00
مش مصدقيني 00 طب اسألوا مني الشاذلي
مقدمة برنامج الساعه العاشره و هي تقولكوا انه ده كان رأيه
لما استضفته في الحلقه 00
يا تري ايه الحل ؟ و لا مش هيبقي فيه حل
و هنعتمد علي الجهود الذاتيه برضو زي المجاري ؟؟
طب انا عندي اقتراح 00 لو اننا هنعتمد علي الجهود الذاتيه
خلاص عينونا بفلوس و احنا ننضف المجاري و نسد بوكسات الكهربه
و نرصف الشوارع و نسد البلاليع المفتحه و00و00و00
و اهو حتي البطاله تقل شويه 00
ما هو احنا لحد امتي نترجي و نقول الكهربه بتاكل العيال
و نتحايل و نطلب و نقبل القدم و نبدي الندم ان يكون في حل سريع 000
لا حياة لمن تنادي00
حقيقي ؛ السؤال لغير الله مذله
سلام

5 comments:

heba said...

انت حطيتي ايدك عالجرح يا كوكاية ربنا ينتقم منهم .. عايزين يخلصوا مننا بأي طريقة . ماحنا ملناش قيمة عندهم

SomeOne said...

انا من رأي ان لو كل واحد شاف سلك عريان او عمود خربان
قدم شكوة ولم يسكت

أكيد حيتصلحوا

سكوتنا هو اللي عامل فينا كده

koukawy said...

شادي 00 انا مش عارفه ان كلامك فيه امل و ده مش وحش ؛ بس ياما ناس بتقدم شكاوي علي حاجات كتييييييييييير و لا حد بيعبرها فأنا من رأي ان الجهود الذاتيه اسرع و اضمن

mariam said...

انا متفقه معاكى جدا
ياما ناس قدمت شكاوى
و ياما ناس ماتت و اتأذت
و محدش اتحرك
لا حياة لمن تنادى
و مش عارفه اقول ايه

SomeOne said...

ياما ناس
؟؟

كام واحد بيشتكي يعني

الاغلبية ساكتة وما بتعملش حاجة

لكن لو كله اشتكي

مش حيقدروا يتجاهلونا