Saturday, February 24, 2007

الواسطه المحموده 00

نجوم اف ام النهارده كانت بتتكلم في واحد من برامجها
علي موضوع 00 الواسطه
و قد ايه ان الواسطه شئ غير مشروع و غالبا
ما بتدّي ناس متستحقش مناصب و حقوق
غيرهم من اللي معندوش واسطه احق بيها
كل الكلام كده تمام و فل و عال العال00
لغاية ما المذيع قال 00 انما يا جماعه
في نوع من الواسطه اسمه الواسطه المحموده
اللي هي مش وحشه زي الواسطه التانيه
و قعد يشرح ايه هي الواسطه المحموده
اللي متبقاش حرام و مؤذيه 00
بس الصراحه كنت انا لهذا الحد و داني قفلت
و مكنتش عايزه اسمع اكتر من كده
لأن الكلام معجبنيش ؛ و فكرني باللي
بيعمل حاجه غلط و يغير اسمها عشان يبقي فيه مبرر
انه يعملها 00 زيّ الكداب اللي بيقولك 00
لأ دي كانت كدبه بيضه
و ده اسلوب لف و دواران
سلام

9 comments:

Anonymous said...

حاجه مش مستغربه من نجوم اف ام لان المحطه نفسها معموله من الواسطه يعنى محدش يقدر يعمل محطه راديو فى مصر الا لما يكون ليه واسطه جامده

safa7_karmooz said...

الاول...ااحب اسجل اعجابى بعشة كوكو الكميل ...هههههههههه

تانى حاجه ...يعنى ايه واسطة محمودة ...كلهم واسطة...ورغم انى بكره الواسطة ...بس غصب عنى بستخدمها ....

يعنى مثلا وانا يقدم زماان فى الحربية واقف فى الطابور وكلى امل وابتسمة ان هدخل بسلام...بس العسكرى اللى ماشى يضربنا فى الرايحة والجاية ...خلانى ااستخدم الواسطة فى الدخول للكشف و..الخ...عشان ااهرب من العذاب

نفس الشىء فى اغلب المجالات ....لانها للاسف بقت واقع مفرووض علينا

اهم حاجه بقى...نحمد ربنا ان الكتابة هنا ودخول العشة مش بالواسطة :p

moodysalihamidzic said...

مين النهاردة مش بيشتغل بالواسطة وبمعرفة حد؟
حتى بتوع نجوم اف ام اللى بيتكلموا دول
اللى بنت سفير واللى بنت مشعارف مين
وربنا يوفقنا جميعاً
البلد حالتها تقرف اصلا

أميرة البلطجية said...

بس قضا اخف من قضا يا كوكي
يكمن المقصود بيها ان حد يزق في حد في مكان هو فعلا مناسب ليه لكن مكنش حيوصله بالضالين

SomeOne said...

بصراحة انت انتاجك متميز جدا
بس غزير زيادة عن اللزوم

انا عايز اتابع بس مش ملاحق

بيتهيألي

بوست في اليوم كفااااااااااااية قوي

هو احنا مورناش غيرك نقراله ولا ايه
:)
:):):)
:)
:)

كلام لوجيك said...

كل حاجه بقت محموده دلوقتى
الواسطه المحموده والكدبه البيضاء وابتسامة المجاملة وحتى الورم الحميد بعيد عن السامعين

لكن انا اتحدى ان اي حد من اللى بيهاجموا الواسطة يقولى انه لا يلجأ الا الواسطه او لا يستخدمها احيانا لإنجاز معامله تستعصى على الانجاز او حتى لأخذ حق من حقوقك لا تستطيع اخذه بالشكل الطبيعى

المشكلة مش فينا
المشكلة فى سيستم حياة احنا عايشينه وفى نظام بيروقراطى عقيم

ساعات كتير الانسان بيلجألها عشان يخلص امور عالقة ولازم تخلص

الواسطة مش معناها دايما انها بتستخدم فى التعيين وفى الحاجات المؤثرة

فى بلد زي بلدنا
لواسطة معناها انك تحاول تاخد حقك الطبيعى بيها
انك تهرب من دومة اجراءات غبية ممكن تخسرك كتير لو اتبعت الطرق التقليدية واستنيت انها تخلص بالشكل المعتاد

انا لا اشجع عليها ابدا ولا احبها
ولكنى اتكلم عن واقع نعيشه وعن حقيقة ماثلة امام العيون
واتحدى ان حد يكون فى ايده واسطه ويقول لأ
انا همشى بشكل طبيعى من غيرها
ده تصوري عن الموضوع
خالص تحياتى
دمتم بخير

koukawy said...

بلادي 00 معلومه جديده علي
**************************
سفاح كرموز 00 العشه بتشكرك و كوكو الكميل مبسوط بزيارتك 00 و متقلقش كوكو الكميل 00
anti wasta..lol
*************************
مودي 00 نفس المعلومه الجديده علي
**************************
بلطجيه 00 ما انا عارفه بس انا كان اعتراضي علي التسميه لأن ها تفتح باب بقي لحاجات كتير شبه كده
******************************
شادي 00 انت احرجت كوكو الكميل هو اصله عنده اسهال بوستات بس انا مبكتبش غير اتنين في اليوم
و قعدت يومين مكتبش عجبك 00 و بعدين اصل الحياه حوالينا مليانه و مشجعه
******************************
ساكاماكا 00 معاك حق بس معرفش انا بس التسميه استغربتها اوي 00 كنوع من تحليل الحرام
************************

SomeOne said...

انتي زيعليتي
!!!!!!!!

انا بقول الكلام ده بهزار والله

koukawy said...

لأ طبعا يا شادي مزعلتش ده كوكو بيمرح
lol