Saturday, February 17, 2007

بلد يفط صحيح00

اللي اتفرج النهارده علي حلقة برنامج 90 دقيقه كان هيشوف
مأساه حصلت في اماكن كتيييييير و برضه كل مره بيبقي
نفس رد الفعل من جهة الحي او المنطقه المسؤله00
عرضت حلقة البرنامج بالصوت و الصوره الناس في منطقه
معينه في انحاء الهرم و فيصل غرقانين في مية المجاري00
لدرجة ان واحده من السكان بتقول ان مية المجاري دخله
جوه شقتها00و ست تانيه جابوها بتعيط بالدموع
لأنها معندهاش مكان تاني تروحه غير بيتها اللي
عايم في المجاري00و كان اجماع كل السكان
المتتضررين انهم بعتوا شكاوي كتير و طلبات اكتر
عشان ينقذوهم و لكن كالعاده نفضولهم و حلقولهم
زي ما بيحلقوا للخروف بالظبط 00هو الشئ اللي
كان مضحك جدا في الموضوع رغم انه مأساه00
و اللي شد انتباه مراسلة البرنامج00ان في يافطه
كبيره محطوطه في وسط مية المجاري مكتوب عليها
00النضافه من الايمان00و يافطه تانيه مكتوب عليها
00ان السبب الرئيسي في تلوث البيئه هو دخان السيجاره
طبعا انا بعد موضو ع اليفط ضحكت من قلبي الصراحه00
و افتكرت عادل امام في فيلم انا و هو وهي و هو بيقول00
بلد شهادات صحيح00بس زيّ ما في نيو لوك لكل حاجه
من حقي بقي اني اقول انها00
بلد يفط بصحيح
سلام

6 comments:

heba said...

ولا في حد بيعبر المجاري ولا حد بيعبر اليفط ولا حد بيعبر الناس .. الظاهر عايزين يخلصوا مننا دول ولا ايه ؟
بلد متعبرش صحيح

كلام لوجيك said...

احنا بلد يفط وبلد شعارات وبلد القوانين اللى بتشرع دون ان تطبق
احنا احسن ناس تتكلم
انا كنت كاتب عندي فى مدونتى موضوع اسمه
بلادنا بلاد شعارات
كنت بتكلم فيه عن الاف الشعارات اللى اطلقناها فى الهواء ولم تنفذ ويقيت فى حناجرنا فقط
مثلها مثل القوانين التى بقيت حبرا على ورق
من كل الشعارات اللتى اطلقناها ، لم ننفذ منها الا شعارا واحدا فقط ، وهو شعار
مطرب لكل مواطن

للاسف احنا وصلت لأدنى مراحل الانحطاط والفوضى والعشوائية
وليس هناك من منجد ولا مغيث للمواطن المصري
الحكومة لم يعد لديها حتى اقل القليل من الحياء
ولن يجدينا نفعا اي كلام او احتجاج
لأنها حكومه قادرة ومفتريه

اعتذر عن الاطالة
خالص تحياتى
ودمتم بخير

نسيت احييكى على المدونة الجميله والتصميم الهايل
وبالتوفيق دائما

Unknown said...

المجاري دي جمييييييييييييييييييله
احنا اللي شعب ابن ................................. مش بنحمد ربنا علي حاجه

koukawy said...

شمس00 و لا حد بيعبر البني ادم نفسه
****************************
ساكاماكا00 انت تطول برحتك ده شئ يبسط كوكو جدا00و اهلا بيك العشه احلوت بقدومك الجليل00
و انا هدخل اقرا البوست بتاعك ده
************************************
ايهاب00 يا شعب ما يستاهلش المجهودات اللي بتتعمل عشانه

أميرة البلطجية said...

هههههههه
دي بمناسة ان الصيف داخل كمان كام شهر وان هؤلاء الموطنين (الشعب ابو جزم بكعب على راسه) معدوش المقدرة المالية انه يروح مرينا ولا بلاج ابو حلموس ..وعليه فنديهم شوية ميه عشان ميعدوش يقروا ع البهوات اللي بيحجزوا المصايف من دلوقتي

السؤال بقي؟ يا تري الشعب عنده مايوها كفايه للمصيف البيتي ده؟

koukawy said...

بلطجيه 00 انا تاني بوست كتباه في شهر يناير كان بيقول عن موضوع المايوهات ده
lol