Thursday, February 1, 2007

اذا كان رب البيت00

اذا كان رب البيت بالدف ضارب00فشيمة اهل البيت الرقص
قريت في احد البلوجات واحد كاتب بيشتكي من سلوك ابنه
اللي عنده 14 سنه بأنه شافه بيتفرج
علي حاجات خليعه و هو اتصدم و معرفش يعمل ايه00
و بعد البوستايا دي بتصفح البوستات التانيه لقيته عنده كاتيجوري بخصوص
الجنس و حاجات مخله و كاتب مواضيع فجه اوي00
طب يعني انت مستغرب من سلوك ابنك و مش مستغرب انك انت
المفروض قدوه و هو بيقلدك00الحقيقه انا بتكلم عن الموضوع
ده كمثل من امثال كتييييير بشوفها00يعنين منين أم تقدر
تقول لبنتها او ابنها متشربش سجاير و هي بتشرب 00
او ازاي اب يقول لأبنه اتأدب و ماتشتمش و هو لسانه فالت
بيتهيألي انه هيكون صعب و هيبقي شكلك وحش اوي
قدامه لما يبتدي يدرك00و اظن ان المثيرات اللي حواليه
كفايه اوي انها تفسد اخلاقه و هو في بيئه صالحه
تخيلوا بقي لو ان البيئه مش صالحه هيكون ايه الوضع00؟
هو في حل من الاتنين00يا اما ميخلفش و يعيش براحته
و يشيل ذنب نفسه00او يبقي رب بيت بصحيح لأنه هيتحاسب
عن الذريه دي00يعني بالبلدي بلاش يضرب هو بالدف
و يستغرب بعد كده ان شيمة اهل بيته الرقص00
سلام

3 comments:

أميرة البلطجية said...

ناس معندهاش دمممممم

ehab.ibrahim said...

هو انا يا اميره كل ما ادخل مكان الاقيكي ايه يابنتي انتي مراقباني ولا ايه؟ المهم طبعا اهلا بيكي في اي مكان حتي لو كان بيتنا

طبعا صاحبنا اللي بيشتكي من ابنه ميعرفش ان بنته كمان بتعمل كده ومن مكاني ده بقوله الله يحرقك ويحرقك عيالك يا جزززززززمه ويحرق الرسيفر بتاعك ويارب التليفزيون بتاعة يبوظ والريموت يضيع

ويجعله عامر يا كوكو

Anonymous said...

يا كوكو تلاقيه متضايق ان ابنه دخل على الحاجات دي من غير ما يقولوا على مكانها والواد اتفرج لوحده ..