Tuesday, February 13, 2007

روتين حتي مع الوفيات00

اكيد طبعا سمعتوا عن انابيب البوتاجاز اللي بتنفجر
و مات بسببها ناس كتير لحد دلوقتي و ناس
منهم كانوا عرسان في ليله الزفاف00
و بعد ما طلع احد الأحاديد في التليفزيون
و قال 00ان الغلطه غلطة اللي بيشتري الأنبوبه
و طبعا كالعاده المجني عليه هو اللي غلطان00
بس ابشروا الحمدلله حبايبنا خدوا بالهم بعد الهنا بكام
شهر و تفضلوا و اخدوا القرار00
اخيرا00تقريبا بعد ما الناس حبت علي ايديهم00
هيجتمعوا في مجلس
الشعب و يناقشوا المشكله00
و طبعا هذا النقاش سينبثق عنه اجتماع
و الاجتماع سينبثق عنه لجنه و اللجنه
بعدها لجنه كبري ثم لجنه اكبر ثم0000
و هلم جر00بظبط زي مشهد الشنكل
بتاع حسن مصطفي في فيلم ارض النفاق00
يعني انا مش فاهمه هو عادي كده الناس تموت
و لا عشان هما لسه اعداد الوفيات في العشرات فبتعتبر
حالات فرديه00 زي ما بيسموها دايما00
اصل انا بصراحه مش شايفه لزوم للجنه او اجتماع
عشان فحص انابيب او حل مشكله00ما هو عقبال
ما ده يحصل هيكون الأموات وصلوا للمئات00
و لا هو لا غني عن الروتين00 حتي مع الوفيات؟؟؟؟؟؟؟؟؟؟؟
سلام

3 comments:

أميرة البلطجية said...

يا كوكو انت كميل اوي وبرئ اوي والله
انت لسه يا بني بتكلم ع اللي ماتوا في الانابيب..محنا بنروح عادى في القطرات والمراكب والحرايق ومحدش بيعد
بص ..اصل صراحة المصريين كتروا اوي...ملوا البلد يعني وبقي واجب التخلص منهم
طب بزمتك مش عاملين زحمة؟

koukawy said...

اه و حياتك يا بلطجيه يا اختي زحمه ومفيش نفس

heba said...

يا كوكه مصر لو بطلت روتين متبقاش مصر .. مع الوفيات ولا مع غيرها هتفضل طول عمرها متخلفة بسبب الروتين ده