Tuesday, February 27, 2007

جبتك يا عبد المعين 00

جبتك يا عبد المعين تعيني 00 لقيتك يا عبد المعين عايز تتعان

الموضوع ده بقالي فتره عايزه اكتب فيه و بقول لنفسي
يا بت مش مهم اعملي نفسك مش واخده بالك ؛ بس الاقي
نفسي تاخد بالها برده 00 و انا اقول يا واد طنش خالص
بس خلاص الموضوع بقي رخم و لازم اتكلم فيه 00
من المفروض يا جماعه ان اي راجل امن او عسكري
او شرطه يكونوا هما اللي بيحموني و انا ماشيه في الشارع
يعني لو حد عاكسني مثلا المفروض اول واحد اجري عليه هو راجل
الأمن 00 انما لما الاّيه تنعكس و يبقي راجل الأمن هو اللي بيعاكس
يبقي انا المفروض اجري علي مين ؟؟؟؟؟؟؟؟؟؟؟؟؟؟؟؟؟؟؟
و الحاله اللي انا بوصفها دي بتحصل جنب 00
كشك واقف فيه عسكري قدام سفاره مثلا و زهقان من الوقفه و يطلعه
علي كل واحده معدّيه بقي
اي عربية امن مركزي راكنه تلاقي العساكر هتكسر الحديد اللي محبوسين
وراه و بيدّوني احساس بالكلاب المسعوره اللي بتطلع رياله
من جنب بوزها 00 محبش اوصف بني اّدم بحيوان بس هو ده اقرب
تشبيه بيجي في بالي 00
ده غير بقي لو داخله عماره فيها واحد من الأمن و مسبلاتي
انا تعليقي علي الموضوع المتفاقم ده هو المثل اللي بيقول 00
جبتك يا عبد المعين تعيني 00 لقيتك يا عبد المعين عايزلك كلمتين في جنابك
سلام

17 comments:

amany said...

والله بتحصلى على طول الحكاية دى

ومهما الواحد يتكلم فى الموضوع دة مافيش فايدة

بصى يابنتى
الراجل فى مصر يغلب عليه افكاره الذكورية عن اى شىء فى الدنيا حتى الواجب

Human said...

هههههههههه حلوه دي فعلا لاحظتها كذا مره ..بالذات عساكر الأمن المركزي اللي بيصعبوا عليا ..بيكونوا عيال سمرمصريين السذاجة في عيونهم ورؤسهم بيضحكوا عليهم للأسف ..

شادي فايد said...

كانت ليالي المر ع القلب قاسية تمر

ايامي مش بتسر
وضحكتها غريبة

يااااااااااااا حبيبة
يااااااااااطبيبة
رجعتلك
قلبي هلك
ولا بمتلك
الا دموع البعد والغيبة
--------------------------
لم اجد كلام اكتبه لكي سوي اغنية منير اللي كنت بسمعها وانا بقرا البوست ده
----------------

koukawy said...

اماني 00 من رأي ان المشكله اكبر بكتير
من الذكوريه المشكله مشكلة امان
*****************************
human 00
بحس ان السذاجه اللي فيهم دي مؤذيه
**************************
شادي 00 انا علي العموم بحب محمد منير
***********************
سمسم 00 بص كل التعليقات اللي قبلك اللي انت اعترضت عليها احتنمال تكون مشس منطقيه مثلا لأن الموضوع رخم اوي بجد ؛ و انا شايفه ان انت وصلك وجهة نظري صح لأن انا مكنش الغرض اني اتكلم عن المعاكسه انما الطرف اللي المعاكسه جايه منه هو اللي يضايق لأن كأنك اتسندت علي حيطه مايله 00 و العموم و لا يهمك طول براحتك و هقولك زيّ البلطجيه ما قلتلك انا بحب التعليقات تبقي كده 00
و علي فكره انا الحمدلله كويسه

حسن محمود said...

السلام عليكم
أول مره أعلق عندك
صحيح جاى على مشكله انما معلش
ياستى اذا الموضوع ده زاد عن حده قوى وضايقك ممكن سعادتك تعملى الاتى
تروحى أقرب قسم بوليس فى التو واللحظه وتقولى لحضرة الظابط النبطشى على اللى بيحصل ليكى
وانتى وظروفك بقى
اذا كان الظابط كويس وابن حلال ممكن يهتم بمشكلتك ويبعت وراكى حد متنكر علشان يشوف الناس اللى بتعاكسك
أما بقى اذا طلع وحش أمرك لله
لو الموضوع ضايقك قوى قوى يعنى تروحى مديرية الأمن بنفسها بقى
مافيش مفر غير كده
بس كله على حساب وقتك
وكان الله فى العون

Diyaa' said...

kont mashy m3 bnt brdo odam elm3rd w 7sl nfs elmwkf
lw kont the Hulk kont rmet el3rbya fy 2asr elryasa :D
u know why ?! l2n elbnt didnt wear anything makes her sexy...y3ny elbalad b2et tafha awy
bs da msh m3nah en elbent tlbs mn 3'er hodom w t2ol aho kda kda ht3akes yb2a albs zy ma ana 3yza
3moman..ana 2olt zman masr balad msh mtrbya w gave up mn elgomla dy
bs enty 3mala tktshfy blawy fy masr..rbna ysbrk
enty shklk lesa fy sen so3'yr w htt3by kter :(
s7e7 why u keep putting 000s in the posts & the comments ?!
i dont get it
anyway kfaya r3'y ana bt5n2 bsr3a mn elr3'y 3la elpc :(
slamo 3lekom

الأباصيرى said...

مرة كنت ماشى فى الشارع انا وأختى
ومعديين جنب عربية جيش من الكبيرة قوى
ومليانة عساكر

قام واحد منهم أتجن فى عقلة وبيعاكس أختى
على أعتبار ان أنا قفص جوافة واقف جنبها

طبعا وقفت وفتحت صوتى على الأخر
لغاية لما نزل الضابط المسئول عن العربية وحكيتلة الموضوع

العسكرى خذ تهزيء يكفى بلد كاملة
وقالة لما نوصل تجيلى المكتب

لازم ساعتها كنتى تشوفى مين المسئول عنة
وتشتكية عشان يحرم يعمل كدة تانى

أميرة البلطجية said...

كوكي
العساكر دول بظبط زي التابعين
نبصلهم من بره نلاقيهم أوف ويع ويخخخخخخخ
لكن هم زي ما قال سمسم
ضحايا
وفعلا ميعرفوش حاجة م الدنيا غير كوباية الشاي والمتعة المعفنة والوكلللل
وحتة الطين اللي عندهم في الكفر
والجموستين والبقرتين
وامه اودام الفرن
والمؤدب فيهم يمكن يعرف الشيخ حسان والدرس في الجامع بعد صلاة المغرب
ويمكن يعرف البت بهانة
وبيحلم يرجع الكفر يروح يقابلها من ورا ابوها عند الساقية
الناس دس كمان فيها مشكلة
انها من كتر الاهانة والتهزيأ..تنحوا
كنت في الاول بحتقرهم موت
لازت طبعا بتخنأ من معاكساتهم عشان المعاكسات عموما تخنأ
لكن بيني وبيني مبأتش ناقمة عليهم
تحياتي

أميرة البلطجية said...

نسيت احيكي على السكشن الجديد اللي عندك
"كوكو يقاطع هذه الاشياء"
صحيح هي عملت دعاية للبلوج اياها
(صراحة انا رحت اتفرج)
بس جميل منك انك تعلني موقفك
صحيح
دكتور محمد
egyptian in the uk
بعاتلك تحياته
عشان هو خد كلمات اغنية هنا القاهرة اللي انتي حطاها
وكتب بوست من وحيها
زويه وشوفيها
هو عندي في قائمة البلوجات المفضلة
حدوتة مصرية ع المصطبة

koukawy said...

حسن محمود 00 و عليكم السلام ؛يا رب متكونش اّخر مره تعلق ؛ بس انت فهمتني غلط انا مقصدش المعاكسه لأن المعاكسه دي موضوع قرف تاني غير ده انا بس بقول ان مفيش امان ؛ علي الهموم العشه نورت بقدومك يا ابو علي
*********************************
diyaa ..i saw those ppl a lot but it`s the first time i write about
it am not really so young as u think but inside me i look so.. and for the 00 it`s instead of the points cause when i use the points in arabic mesh ba3raf a7otaha el makan elly 3ayzah ..and for the ra3`y , bera7tak el mic ma3ak
lol
*******************************
الأباصيري 00 هو في كلمه في القاموس اسماها مسؤل يا اباصيري عيب عليك يا راجل
*******************************
بلطجيه 00 هما احيانا بيصعبوا عليه بس برضو بتخنق بس انا برضو مصره علي ان انا مكانش قصدي مناقشة المعاكسه انا كنت بناقش غياب الأمن و الامان
بالنسبه للدكتور محمد انا دخلت و سبتله كومنت و اتبسط اوييييييييييييييي
بس زعلت انه مش بيخش العشه كتير

safa7_karmooz said...

ههههههههه

طب يا كوكو تعملى ايه لو عرفتى ان البنات اللى اعرفهم من الجامعه الامريكية ...اشتكوا كتييييييييير ان العساكر بتوع الحراسة بيعاكسوهم

على راى الجميل اللى بيغنى عندك

هنا القااااااااااهرة

انا هاخد لنك مدونتك عندى ..:)

shiko said...

العيال دى بالفعل بيفكرونى ببيادق الشطرنج اول حاجه بتتاكل وهما اللى فى وش المدفع

هما حاسين باضطهاد جامد لكن اضعف من انهم يقدروا يعملوا حاجه

وعشان هما مش عارفين يعملوا حاجه اخرهم يعاكسوا البنات

والله انا مش عارفه الواحد يلقاها منين ولا منين البنت مننا خارجه بحجاب اطول منها وبرضو ببتعاكس

يا كوكو ما تضايقيش نفسك فوضى امرك لله هو الحافظ

esraa said...

والله يابنتي انت قولتي التعليق الوحيد الي ينفع يتقال.

koukawy said...

سفاح كرموز 00 طب و ادارة الجامعه ساكته ليه يعني؟؟ ايه الناس الوحشه دي
و بالنسبه للينك يا سلام و لا يهمني انا كمان حطيتك في الفافوريتس
***********************************
شيكو 00 و لا بتفرق دول بيعلكسوا المنقبات
*********************************
اسراء 00 ربنا يخليكي

قطر الندي said...

الابصيري بينصحك كنتي تشتكي للمسئول عنه طيب تقول ايه بق يا اباصيري في اني او و صديقه ليا كنا قاعدين في جروبي بتع وسط البلد و عربيتين امن مركزي وقفين برا و دخل الظباط المسئولين عنهم الكوفي شوب و تصور بقي انهم برغم انهم مش صغيرين و معاهم ظابط رتبه كبيره و مع ذلك فضولوا يديقونا و يعكسونا انا و صحبتي لحد لما اضطريت اني اهزء الظابط بس بشكل مش مباشر طبعاً و دي مش اول مره تحصل لأ اكتر من مره بتطلع من ظباط يعني مش مجرد عساكر الامن اللي مش فاهمين اساساً هما شغلتهم ايه الموضوع كبير فعلاً و مرسيه ليكي اوي يا كوكو علي اثارته مين عارف يمكن نلاقي حل

Diyaa' said...

mmm ok thanx cuze u clarified it...i was confused m3 eno simple thing
u didnt tell me ur opinion in my long talk...u disagree w mksofa wla eh ?!
ok elmic kan m3aya w 5lst elklma
w i agree wiz u tht u looks younger inside u but still curious ..range kam kda ? 20s ?
asl this thing help me shwya fy fhm elly odamy w elposts m7taga afhm brdo elly ktbha seno kam t2reban :)
thx anyway & slam 4 now

shams said...

شفت بقى يا كوكو ساعة المعاكسة مبتفرقش أمير من غفير أو حتى عسكري من ضابط أمن .. قال ضابط قال .. ده هم اللي عايزين حد يضبطهم .. معانا ربنا