Monday, February 5, 2007

كوكو يفكر00

الحلقه اللي فاتت00
كوكو اتمشي هع كوكوهايه لغاية بيتها و بيفكر ازاي يقولها الحقيقه
حلقة النهارده00
اخيرا وصل كوكو تحت بيت كوكوهايه و كان طول الطريق
سرحان و مركزش في السكه 00و قالت له كوكوهايه00
انا هسيبك بقي يا استاذ كوكو و اطلع و هنزلك السبت
و فيه ملايه 00 و رد كوكو 00لأ استني انا كنت عايزك في حاجه
و جوه نفسه بيقول 00اقول ما قولشي00و قالت له كوكوهايه00
قول يا كوكو 00فرد كوكو عليها بعد تردد00لأ مفيش انا كنت
عايز اكولك بس انك لطيفه جدا و انا اتبسط اني اتعرفت
عليكي00و ابتسمت كوكوهايه و طارت و طلعت بيتها
و فضل كوكو الكميل تحت يفكر برضه 00و سمع
كوكوهايه بتصوصو00فبص فوق لقاها بتنزل السبت من
الشباك00و دخل كوكو جناحه في السبت و طلع الملايه
و لفها عليه00و مشي كوكو الكميل بضهره و عينيه
الكميله لسه متشعلقه علي شباك كوكوهايه 00
لغاية ما قفلت كوكوهايه شباكها00 لف كوكو و مشي عادي
و قعد يلعب بركليه الكميله في الطوب اللي في الأرض و يشوطه
و فجأه00افتكر كوكو انه دفع الفلوس اللي معاه في الكوكوبيس
و قال00يا نهاري انا هرّوح مشيّ يا عيني علي ركليا الكميله00
كاكان

4 comments:

ahmEd_H said...

الكوكو بيس دا غير كوكوباص طيب لماا هو حبييب كدا ماكان يركبها الكوكوأكسى

بوست جامد

ehab.ibrahim said...

هههههههههههههههههه جااااااامد موووووووت الكوكو اكسي وياريت وياريت يكون كوكواكسي الكاصمه

koukawy said...

hi AHMED_H
نورت العشه00بس انت و ايهاب طماعين اوي الكوكولكسييت غاليه
و كوكو الكميل لو انتوا متابعين من زمان فلوسه راحت في الحادثه
و بعدين هو بيكّون نفسه
متقلوش عليه بقي حرام عليكوا

kozo127 said...

احسن يستاهل عشان يعمل فيها كوكيو
وربنا يستر وما يغنيش كبكوب وكبت وعملت برم وفي الكوكوبيس حاسبت