Thursday, February 1, 2007

اكتب وصيتك00

اذا كنت ناوي تخرج ابقي اكتب وصيتك قبل ما تنزل و سلم
علي كل الناس حبايبك لأنك مش ضامن ترجع00عارفين ايه السبب
لأن اللي بيعدّي شارع في القاهره زيّ اللي بيعمل عمليه استشهاديه
او انتحاريه00العربيات سايقه علي سرعه فظيعه و اللي
واقفين علي الجناب عايزين يعدّوا دول انشالله ما عنهم عدّوا
و الغريبه ان انت تنزل و تحاول تعدّي و تبقي واقف في وسط
العربيات و لا كأنك واقف و فين و فيييين لما تلاقي حد عنده
شويه من اللي لونه احمر و يعديك00
ما هو حاجه من الاتنين هتحصل يا انت هتستعجل و تعدّي
و تتشاهد و انت بتعدي و نعتبرك في عداد الأموات00
او هتفضل واقف علي الرصيف تستني الفرج
و هي نفس نتيجه الحل الأولاني 00لأنك هتفضل
واقف مكانك و تمر عليك الشهور و السنين
لغاية ما اجلك يجيلك00
سلام

5 comments:

أميرة البلطجية said...

أه يا كوكي والواحدة بتبقي في نص هدومها..طويلة وهبلة كده وواقفة نص ساعة مستنية تعدي الشارع!

Unknown said...

هههههههههه اميره والله انتي عسل ياتري مريتي بالموقف اللي انت شرحتيه ده قبل كده ههههه؟
كوكو يا كميل وحشتني والنعمه
عارفين ليه الواحد مش بيركز ان في ناس عاوزه تعدي الشارع ليه؟ لان كل شوارعنا مليانه عربيات نقل وميكروباصات وكلها مكتوب عليها"متبصليش بعين رضيه بص للي ادفع فيا"و"الحلوه مش بالورث دي جايه بخلع الضرس"وطبعا تلاقيهم كلهم فجأه مخلفين امراء واميرات وملوك وكاتبين اساميهم علي العربيه " الاميره مريم والامير عبد الله.
بعد كل ده عاوزين اللي راكبين عربيات يركزوا مع الناس ولا يركزوا مع الحكم والمواعظ بتاعة السواقين.
وارحمنا برحمتك يااااااااااارب

Unknown said...

Ehabpop_00@hotmail.com

أميرة البلطجية said...

هاي ايهاب..طبعا انا مرقباك لاحظ اني اميرة البلطجية والرجالة بتوعي ببعتهم وار اي حد فخد بالك من نفسك
وطبعا أه بتحصل المواقف العجيبة دي الشارع واحيانا الواحد يهنج ورجله تحلف مهي معدية الا لما الطريق يفضا خالص وعادة ينتهي الموقف بأن واحد ابن حلال يجي يعدي قوادمي ويبقي عايز يقولى "عيب على سنك"
بتحصل في احسن العائلات

koukawy said...

يييه انا ياما يا ايهاب و اميره بلزق في حد معدّي و بتبقي كاسفه فظيعه لما ملحقوش و يعدي و يسبني
بيبقي شكلي اهبببببببببل