Saturday, February 3, 2007

كوكو و الغرام00

الحلقه اللي فاتت00
كوكو وهو واقف علي محطة الأوتوبيس شاف عينين كميله
الحلقه دي00
كوكو تنح في العينين الكميله اللي شافها و فضل متنح شويه و بعدين
ابتدي يعمل زووم اوت بعينيه عشان يكمل الصوره اللي حوالين
العينين و شاف كوكو كوكوهايه زي القمر واقفه جنبه علي محطة
الأوتوبيس00و قال كوكو جوه نفسه00ياه ه ه معقوله الكوكوهايه
الكميله دي تركب كوكوبيس مش ممكن00 طب انا و ريشي واقع
هي ليه تنزل الأرض اللي مش كميله مش كانت خليتها في السما
احسن 00و افتكر كوكو الملايه اللي هو متغطّي بيها و حاول يظبطها
عليه عشان يبقي شكله كميل و قال في نفسه00مش لو كان عندي ريش
دلوقتي كان زماني نفشته قدامها و سرحته و عملته فورمه كميله00
و افتكر كوكو انه لازم يكون راضي و ما يتمردش علي شكله فحط
ايده علي ريشة الرضا اللي علي راسه و قال00و فيها ايه
الكوكو اصلا مش بريشه المهم اللي جواه الكيمال كيمال الروح
اجمد يا كوكو00و فاق كوكو من سرحانه علي صوت الأوتوبيس
اللي وصل المحطه00و طلع كوكو الكوكوبيس و فضل يقرب من الكوكوهايه
الكميله لما بقي واقف في ضهر الكرسي بتاعها00و قال كوكو في نفسه
انا مش هنزل من الكوكوبيس لغاية ما هيا تنزل عشان لو حد عاكسها
و في نفس الوقت امشي وراها اشوف هيا سكنه فين 00واحمرت خدود
الكوكو الكميله و هو بيقول جوا نفسه00اهو يمكن اروح اشرب الكهوه
مع باباها00
كاكان

6 comments:

Amr Ahmed said...

والله شكله هايتدبس ويروح ياخد الشاي
والكيك مع بابا

وهوب المعلم ااتجوز

هوب عيال

كل سنة وهو طيب

وضاع العمر يا ولدي

تحياتي

أميرة البلطجية said...

منطق كل الرجالة اللي مش كاميلين يا عمر
لكن لأن كوكو كميل فهو حيفتح عشة ويستر على ولايا الناس
ربس ربنا يستر ومتطلعش مجوزة اصلا
حكم "الفكى" لما يسعد

ehab.ibrahim said...

فكرتوني يأيام زمان لما كنت مره ماشي مع بنت وانا في تانيه ثانوي وكنا في جامعة الدول وعايشين الحياه الورديه وبنحلم هنغش ازاي في الامتحان " وده لان طبعا وقتها مش في دماغنا جواز والحركات دي" وبنسبل لبعض انا من ورا نضارتي وهي من ورا كشاكيلها اللي كانت دايما شايلاهم علي صدرها
وفجأه ....................في حد خبط علي كتفها وبصت وراها ولقيتها بتقول بابا ....طبعا انتم متخيلين وضعي كان عامل ازاي وقتها كل حته ف جسمي كانت بتجيب ميه.
وقاللي ازيك يا حبيبي انت زميل ....في الدرس فقلتله ااااه
قاللي طب يابني مش اللي عاوز حد يدخله من الباب احسن ما يدخل من الشباك .
وكنت اول مره اسمع الجمله دي في الحقيقه .كنت طول عمري اسمعها في الافلام
وحسيت من جوايا انه هيكتفني ويجوزني بنته بالعافيه لمجرد اني كنت بتفق معاها علي ازاي نغش
وفجأه اخدت ايدي في سناني وهاتك يا جري لغاااااااااااااااااااااية اول فيصل خوفا من ان ابوها يمسكني

koukou el kemil said...

لأ يا ايهاب كوكو الكميل بيدخل من الباب علي طول مش زيّ الناس الوحشين

R.R said...

السلام عليكم
كنت بتمشى على النت لقيت كوكو الجميل
دخلت لقيت
ابقى سلم
فدخلت اسلم
ظريف الاسم بس اشمعنى؟

koukawy said...

اهلا بيك او بيكي يا
r.r
يا تتمشي كتير و تعدي اكتر
و بالنسبه للاسم عشان انا كوكو الكميل بس
هستاناكي تاني