Friday, February 2, 2007

القرش الأبيض

القرش الأبيض 00ينفع في اليوم الأسود
ياه ه ه ه ه 00انتوا عارفين يا جماعه اعتقد ان المثل ده ا تكتب
ايام الجنيه الجبس 00لو كان حد سمع عنه00
ايام ما كان القرش بتشتري حاجات بيه و ممكن تحوّش كمان
انما دلوقتي حتي الميت جنيه البيضه ماتنفعش في اليوم الاسود
لأن برضه درجة الأسود زمان كانت فاتحه شويه عن دلوقتي
يا جماعه الواحد زمان يعني علي سنة حاجه و تمنين مش
بعيد اوي 00كان يشتري بجنيه فول يقضيه هو الأسره
المكونه من خمس افراد مثلا و خمس ارغفة عيش
كل واحد رغيف يشبع لأن الرغيف كان ماشا الله
بخيره00انما دلوقتي حتي الفول اللي هو المفروض
اكلة الناس الغلابه بقي غالي بقي الحبه اللي بجنيه
بقوا زيّ الحبه اللي بربع جنيه زمان 00و الشخص الأكيل
مش هيقضيه رغيف لأن الرغيف انا اتنبأله انه قدام هيبقي في حجم
العيش الكيزر و هيبقي علي رأي المثل00لا بيحوق و لا بيلوأ
شوف انت بقي جنب الفول و العيش حزمتين جرجير علي شوية
قوطه و خيار و مخلل هتبقي اكلة الفطار واقفه عليك بكام
و لسه في غدا و عشا و تحلّي و تشرب شاي و قهوه
شوف كده في اليوم واقف عليك الأكل بس بكام00
و شوف كده انهي قرش ابيض ده اللي ينفع في
هذا اليوم الاسود الحالك السواد
قلبت عليكوا المحافظ 00بفتح الميم00معلش
سلام

3 comments:

أميرة البلطجية said...

بتفكريني الاسوع اللي فات اعدنا انا وموسوليني نكلم كتير في موضوع رغيف العيش ده ووصلنا لأيه؟
اني هو بيضطر يشترى الرغيف ابو ربع او ابو خمسين
مرتش اقوله انا مبكلش غير فينو من عيال رجب
ووصلنا لأن البلد بلد بنت تيييتتتتتت

koukawy said...

بصي احنا نلغي فكرة مشروع الميكروباص اللي اتفقنا عليه يا اميره و كوكو يلم شويه من اتباعه و انتي شويه من البلطجيه و نفتح فرن و اهو ناكل من عرق جبينا00و الله الواحد مش عارف هيشتغل ايه و لا ايه في البلد اللي احنا فيها دي

أميرة البلطجية said...

محل كشرى وجمبيه مكنة تصوير
والله نبقي مليونيرات في سنة