Monday, February 19, 2007

القضيه 2007

قال ايه 00 وقفوا عرض مسرحيه بعنوان00
القضيه 2007 كانت بتتعرض علي مسرح الهناجر
و اللي وقفها مصدر مش معروف لحد دلوقتي
تعرفوا و قفوا عرضها ليه يا اصدقائي الحلوين؟؟؟؟؟؟؟
عشان لا مؤاخذه احنا بلد مش متربيه علي راي صديقنا
البلوجاوي ضياء
لما كتبلي كده في كومنت في بوست لي بعنوان
C.T.A
احنا ليه بقي بلد مش متربيه 00عشان وقف المسرحيه
تم بسبب انها بتمس شرف المحروسه امريكا العظمي
و بتنتقد سياستها 00 فطبعا مصر زعلت عشان
انتيمتها و راحت واقفه المسرحيه 00
و لسه في مشاورات و مناورات و محاورات لاعادة
فتح المسرحيه من تاني 00
انا برضو مقلتلكوش سبب اني اقتبست لفظ اننا بلد
مش متربيه 00 السبب هو اننا بلد تموت في الهجايس
و الهلس ؛ يعني في منطق يقول ان مسرحيه هادفه
تتوقف ؛ و افلام السبكيه و الفيديو كليبات اللي
تحولت لعرض ازياء لملابس داخليه و دعاره مقنعه
تتعرض و الناس تصقفلها كمان ؟؟؟
يعني انا فعلا نفسي اشوف الشخص اللي وقف المسرحيه
عشان اسأله السؤال اللي فات ده 00
و الله فكروني بعادل امام في شاهد ما شافش حاجه 00
الواحد يتكل علي الله و يشتغل رقاصه احسن 00
يا اااااااااا رب
سلام

10 comments:

الأباصيرى said...

أحنا مش بلد مش متربية

أحنا بلد جبانة
والجبن يعلم الارنب الخوف حتى من خيالة

الواحد لو أشتغل فى السياسة هيعتقل لاجل غير مسمى

ولو اشتغل رقاصة الكل هيسقفلة ويحترمة

بلد عجب
أحوالها عجب
حكامها عجب
سكانها عجب
من كتر ماشفت فيها العجب
بصرخ وأقول ياللعجب

.:.-=- ELGaZaLy-=-.:. said...

ياه على الشعب الواطى دة ...

بقى البلد مش متربية اتارى بقى فى سرقة وكدة

اه يا شعب يا وحش ...وازاى نتكلم على امريكا احنا قد امريكا اصلا...

لما يدوسو عليك بالجذمة عاتى...

لما يهينو النبى...هانقول حرية عقيدة يا اخى انت عليك تلاكيك

لكن تتجن فى مخك وتقارن نفسك بيهم منين طيب وانت دمك احمروهما دمهم اسود بلون النفط فى العراق الشقيقة...

اه يا بلد انما الاخراج بالنية!!


وبعدين احنا فعلا بلد كخة خالص ولا ينصح بها لاى حد بيفهم...

الانجلز دخلو مصر وهما ملوك الارض

وخرجو بسم الله ما شاء الله حمير رسمى...

الفرنسوين كذالك...شعب لا يقهر...

طبعا انتى لية مش حاسة باهداف افلام السبكية ..بتريح الشباب وكدة!!

وبتحرق تفكيرهم وامخاخهم وينصب التركيز على مناطق بعينيها..

وشوية ويسربو سي دى للاخت دينا..

بتتتحدث مع الاخ حسام ابو الفتوح فى مسائل امنية بحتة الشعب ينشغل اكتر

الفيديود كليب بيورى العالم الريادة المصرية حتى فى الدعارة ...مش لبنان بس الى فيها موزز على راى اخويا الصغير

لا مصر فيها مزز وكثيرة والى ما يشترى يتفرج...


بس معتقدش هاتنفى راقصة..بذمتك شوفتى حد اسمة كوكو الجميل او حتى كوكو الشرس شغال راقصة

مش هاينفع فكرى فى فكرة احسن..اشتغلى فى جمع العنب فى الشقيقة فرنسا

وارجعى مصر قولى انك درستى دكتوراة فى الاخراج وحبة كليبات وهاتبقى هايلة..

تحياتى

SomeOne said...

والغريب لما تلاقي ممثل كبير
حاشر في الفيلم مشهد جنسي
ويقولك اصل المشهد ده
هو اللي بيخلي الرقابة تعدي الكلام اللي بيقوله في السياسة

كلام يفطس من الخنقة

الفيلسوف said...

متهيالى مش حاتنبسطى لما تشوفيه؟
و هناك ماهو اهم الان من شتيمة التهجيس و الهلس يا كوكو..متهيالى محتاجين نحط اساس يفكر الناس باالى مش هلس اصلا لاحسن نسيوه؟

koukawy said...

اباصيري 00 ميرسي علي الشعر
*********************
الغزالي 00 علي رأيك و اهو العنب طعمه حلو
*****************************
شادي 00 ما هو ده اللي بيجيب فلوس و بيسوقوا بيه
*****************************
فيلسوف 00 شكلك شوفت العرض و ما عجبكش؟؟؟
ما هو كل واحد بيقولك الناس عايزه كده و ده زوقها 00 نثبت ازاي ان ده مش زوق الناس الأعم

heba said...

احنا صحيح بلد مش متربية بس عشان احنا متربيناش صح من الأول ودايماً كل ما يعملوا فينا حاجة ونعترض عليها نفضل ساكتين يعني مفيش عرض للمسرحية الفلانية نسكت ونقول حاضر .. ومش بعيد نقول كماااااان أما فكرة الرقاصة فهي فكرة هايلة .. تيجي؟

أميرة البلطجية said...

غريبة انهم وقفوها..رغم اني اظن ان كان فيه حاجات لمحمد
صبحي وغيره بتمس نفس الموضوع وكانت بتتعرض
مش متابعة الفن اوي..

yasser_auf said...

احنا موش بلد موش متربية لا احنا حكوماتنا هي الي ما ورضتش علي تربية كل منهم خايف علي كرسية و خايف لا يزعل الي اكبر منة فيتقلش
يعني علي سبيل المثال و ليس الحصر فاكرين موضوع الطفلة الي اتلغالها امتحانها علشان انتقضد بوش و هي في مصر و هو بامريكا قام ناظر المدرسة وقفها عن التعليم و حولها للادارة القانونية
يعني بوش نفسة بيتشتم في بلدة عيني عينك و ما يقدرش يفتح بقوة لانة بلد المفروض ديمقراطي داخليا لاكن سياستة الخارجية ديكتاتوري بحت

عادي في اي مظاهرة في امريكا بالاعتراض يتحرق فيها العلم الامريكي
هنا بقي لو حرقتي العلم الاسرائيلي حتي موش الامريكي تتحولي امن دولة و علي المنفاخ يا عيني علي المنفاخ

بصراحة احي رايء كل من الاباصيري و الجزالي لانهم مكملين لبعض و جابوا من الاخر بس خلاص

Unknown said...

عيب كده ياولاد, عيب أوي
البلد مالهاش ذنب, يعني الحكومه تغلط البلد تتشتم
الناس تغلط, برضو البلد تتشتم.
طب هي البلد ذنبها ايه؟
ذنبها يعني انها اديتكم جنسيتها, العيب مش في البلد, العيب في اللي مسكين البلد.

koukawy said...

شمس 00 انا اعتقد اني مش هنفع ممكن الم النقطه 00
************************
بلطجيه 00 ما هو الظاهر في محسوبيات
*****************************
ياسر عوف 00 انا فاكره البنت دي اسمها الأء 00
*********************************
اسراء 00 انا مقصودش البلد بمصر نفسها انما اقصد بالناس اللي المفروض هما مصر ما هو البلد ايه غير ناسها