Monday, February 26, 2007

كوكو و الدرس 00

الحلقه اللي فاتت 00
كوكو و كاكوكاكو خدوا الحاجات اللي اشتراها كاكوكاكو
و دخلوا يا خدوا الدرس
الحلقه دي 00
دخل كوكو الكميل الأوضه بتاعته و ووضب المكتب
بتاعه و كان عنده سبوره صغننه و اقلام فلوماستر
راح مطلعهم و قال لكاكوكاكو 00 حط يا كاكوكاكو
السبكوره دي هناك و حط علي الرف بتاعها الأقلام اللكلوماستر
و شال كاكوكاكو السبوره و راح جايب بعديها كرسي و حطه قدام السبوره
و راح كوكو مطلع الخرزانه و الكراسه وقال 00 امسك يا كاكوكاكو
الكراسه دي عشان تكتب فيها و متنساش و تذاكر منها
ياللا بقي نبتدي 00 بص يا كاكوكاكو انت اما تيجي تكلم كوكوهايه
تقولها انتي كميله 00 و يرد كاكوكاكو 00 انتي جميله 00
لأ يا كاكوكاكو مش جميله بص ك م ي ل ه 00
يرد كاكوكاكو 00 ك م ي ل ه 00 برافو يا كاكوكاكو
اكتبها بقي عشان متنساش 00 و دي اهم كلمه
لما تيجي تكلمها يا كاكوكاكو تبص في عينيها اوي
و متعليش صوتك و اما هي تقولك حاجه وشك يحمر
عشان كوكو الكميل خجلان و لما تقعد معاها في حته
انت اللي تدفع و اوعي تخليها هي اللي تدفع اي
حبوبورو خالص مالص 00 ايه يا كاكوكاكو بتكتب و لا لأ
رد كاكوكاكو 00 بكتب يا كوكو بكتب 00
اوعي تكون بتكتب خلط يا كاكوكاكو وريني كده 00
ايه ده ؛ ايه ده يا كاكوكاكو افتح كناحاك 00
رد كاكوكاكو 00 لأ يا كوكو بلاش تضربني
رد كوكو 00 لأ افتح كناحك عشان تتعلم و تفتكر و مش
تنسي خالص 00 و فتح كاكوكاكو كناحاته
و ضربه كوكو علي كناحاته بس ضربتين كميلين مش كامدين اوي
و قاله 00 بعد كده يا كاكوكاكو لما تيجي تكتب لازم تشيل البرنيطه
بتاعت القلم و تكتب بالمنقار بتاعه عشان كده مش كميل
و هتخليني اعيد الدرس من الأول يا للا مش مهم اهو التكرار
يعلم الكوكوهات 00 و عاد كوكو كل اللي قاله تاني
و فضل يدرس لكاكوكاكو و يضربه و بعدين يصلحاه لغاية ما كاكوكاكو
حفظ كل حاجه و بقي يسمع من غير ما يبص في الكراسه
و قال كوكو 00 ها لو سألتك انت بتحب تشرب ايه هتقول ايه؟
رد كاكوكاكو 00 كوكولا
رد كوكو 00 برافوووو يا كاكوكاكو ؛ طيب انت كنت في كلية ايه؟
رد كاكوكاكو 00 كلية الحكوكو عشان بحب اجيب حقوق لأ حكوك
الكوكوهات 00 و فضل كوكو يسأل و كاكوكاكو يجاوب
لحد ما قال كوكو 00 انت كده برافو عليك يا كاكوكاكو خلاص
تقدر تقوم تنام و بكره نبدأ اول زياره لكوكوهايه 00
و بص كوكو لقا كاكوكاكو فعلا نام خلاص
فصعب عليه و شاله هيلا بيلا و دخله السرير
و غطاه 00 و خرج قعد قدام التليفيزيون
يدعي و يقول 00 يا رب وفقنا و خلي كوكوهايه تحبني
و اكوزها 00 و حس كوكو و هو قاعد بريشه جديده طلعه
و هي ريشة 00
المعلم
كاكان



4 comments:

Anonymous said...

حلوه
قصة جميلة
لا بجد صحيح سعادتك بتدرسى ايه؟
جبتى فن القصه ده منين؟
والله ليكى مستقبل
بس ممكن سؤال صغير؟
الدرس ده كان فى ماده ايه ؟
:)
وعلشان الانسان طماع بطبعه
معلش ممكن أعرف ليه اختارتى كوكو كاسم للمدونه بتاعتك؟

أميرة البلطجية said...

لازم ريشه يطلع بقي
انا مش عايزة حد يروح يكلم كوكوهاية غير كوكو
وبسجل اعتراضى
هه

koukawy said...

حسن محمود 00 انا يا سيدي بدرس مادة الحياه اللي حواليه ؛ و في مادة الحياه في احلي فن للقصه ؛ ياه ه ه ه ه
سؤال صعب اوي لو عايز تعرف الدرس كان في مادة ايه لازم تدخل علي اليمين في الكاتيجوري بتاع مغاملاات كوكو الكميل و تقرا القصه من اول حليقه خالص
لأ انت مش طماع و لا حاجه ؛ بس انا اخترت الاسم عشان انا كوكو و مش كوكو بس لأ الكميل اوي كمان 00
*******************************
البلطجيه 00 معلش يا بلطجيه انت عارفه ان كوكو كميل و برئ و مش بيفكر ان في حاجات وحشه حواليه

heba said...

كوكو مدرس ممتاز بس انا زعلانة منه عشان بيضرب صاحبه كاكوكاكو .. المفروض يدرسله من غير ضرب ويارب يوفقهم في الزيارة الكاية