Friday, February 16, 2007

كوكو عند الحلاق00

الحلقه اللي فاتت00
كوكو وكاكوكاكو سابوا الهديه لكوكوهايه قدام الشباك
و رّوحوا00
الحلقه دي00
كوكو و كاكوكاكو صحيوا من النوم مكسرين بعد يوم امبارح
اللي كان متعب و مليان مغامرات00دخلوا فطروا
و لبس كوكو البلوفر بتاعه و هو بيلبس قال لكاكوكاكو00
تفتكر يا كاكوكاكو الهديه عجبت كوكوهايه و لا ايه؟
رد كاكوكاكو00طبعا يا كوكو هتعجبها انت مش بتعمل
حاجه وحشه 00رد كوكو وهو بيحط الزعبوط علي راسه
الكميله و قال00طب ياللا بينا ننزل نروح للحلاك بتاعي
عشان تقص شعرك قصة الكوكو الكميل 00و مد كوكو
كناحه الكميل و جاب برواز محطوط علي الترابيزه
فيه صوره لنفسه و قال00 شايف يا كاوكوكاكو كوكو
الكميل كان ريشه ازاي كميل و زي الكمر؛ احنا ناخد
معانا البرواز ده عشان نواري الصوره للحلاق عشان يعملك
نفس الفورمه00و خرج كوكو و كاكوكاكو ووصلوا عند الحلاق
و اول ما دخل كوكو و شافه الحلاق قالوا00ايه ده هو مش حضرتك
برضو الأستاذ كوكو الكميل برضو و لا انا غلطان00رد كوكو00
ايوه انا 00رد الحلاق و هو مستغرب00طب مالك يا استاذ ايه
اللي حصل ريشك فين ده انا كنت بقعد اقصلك ريشك في وقت طويل
سلامتك مالك ؟ و طبعا حكاله كوكو الموضوع و قاله 00اهو بقي
ياسيدي انا عايزك تقص لصاحبي ده ريشه نفس قصة ريشي القديمه
و دي صورتي عشان لو كنت ناسي00رد الحلاق بسرعه00
عيب يا استاذ ده انت من اهم زبايني انا انسي قصة شعرك
برضو ؛اتفضل يا استاذ كاكوكاكو00و قعد كاكوكاكو قدام الحلاق
و كوكو الكميل واقف جنبه عمال يتابع و يقول ارائه00
لأ بص يا حلاك يا كميل قص من هنا شويه اكتر00
لأ كفايه كده هنا00و بعد وقت اتحول ريش كاكوكاكو
لشبه كوكو الكميل بالظبط00وكوكوالكميل قال ميرسي للحلاق
و اخد كاكوكاكو و مشيوا00بص بقي يا كاكوكاكو كده مش فاضل
غير درس الكلام الكميل احنا دلوقتي نشتري اكل للغدا و نرّوح
ناكل و نبتدي دروس00و سكت شويه و قال00مع اني
كان نفسي اعرف كوكوهايه رأيها ايه في الهديه ؛ بس
مش مشكله بعدين هعرف00
يا للا بينا
كاكان

8 comments:

heba said...

تسلم ايدين الحلاك بتاع كوكو الكميل وكاكوكاكو .. على فكرة انا بقيت بتلخبط في الأسامي وبركز اوي وانا بقرأهم عشان متلخبطش .. بس انا برده عايزة اعرف رأي كوكوهاية في الهدية بتاعتها

wagdy El-Komy said...

جميل البلوج بتاعك يا كوكو
ونشاطك التدوينى هايل
احييكى

كلبوزة لكن سمباتيك said...

السؤال
هل كوكو الكميل له شعر؟
ام ريش؟
و هل يذهب للحلاك لياخذ شعرة و ذقنه
ام لياخذ ريشه و منقاره؟


تحياتشي

SomeOne said...

ايه بقى

هو كل يوم بوست ولا ايه؟؟؟؟
:)

buffy said...

nfsy a3rf kokohaya 3gbtha elhdya wala la2?

koukawy said...

يا شموسه00هي الحلاقه حلوه بس عشان عجبتك
و لسه كوكوهايه مظهرتش علي الساحه بس اكيد هنعرف
********************************
وليد الكومي00ميرسي لذوقك و كوكو مبسوط اوي ان العشه عجبتك
***********************************
سمباتيك00حرام عليكي بقي كوكو الكميل برضه يبقي عنده شعر
**********************************
شادي00طب انت مبسوط و لا زعلان ان كل يوم بوست؟؟؟؟
بالنسبه لكوكو هو سعيد بزيارتك اليوميه للعشه
********************************
بافي00كوكو مخبي السر ده بس اكيد هيقولهلنا قريب

أميرة البلطجية said...

بس غريبة ان ريش كوكو كله ده مطلعش!!

koukawy said...

متنسيش يا بلطجيه ان كل الأحداث دي في يومين تلاته كوكو لغاية دلوقتي عنده لربع ريشات ليهم اسامي