Wednesday, May 2, 2007

لسانك حصانك

لسانك حصانك 00 ان صنته صانك 00 و ان هنته هانك
في مشاهدتي للحكم اللي صدر النهارده علي المستشار مرتضي منصور
اللي اتعرض في برنامج 90 دقيقه و الساعه ال10 ؛ علي طول
جه في دماغي المثل ده ؛ الله اعلم طبعا هل فعلا هو اهان المحكمه
و اللا هما كانوا اوفر و اتلككولوا محدش عارف ؛ بس انا و اعتقد مش انا لوحدي
عندي خلفيه كفايه عن مرتضي منصور انه لسانه فالت و علي طول بيزعق
و يتخانق و يشتم و يقلع الجزمه و و و و ؛ فمستبعدش انه عمل كده برضه
في المحكمه و شتم الهيئه القضائيه و رئيس مجلس الدوله السيد نوفل ؛
بس شهادة السيد نوفل بتقول انه لما قدم المذكره ضد مرتضي كتب فيها
انه سب و اهانه للهيئه القضائيه و دار المحكمه اللي من المفروض انه مكان مقدس و له احترامه ؛
في النهايه الله اعلم و ياما في السجن مظاليم و ربنا يفك سجنه و يكون ده
درس ليه و للسانه اللي مواديه في داهيه
و علي رأي المثل 00
لسانك حصانك 00 ان صنته صانك 00 وان هنته تطس 3 سنين سجن
سلام

11 comments:

Esmeralda said...

لسه شايفه مراته دلوقت فى العاشرة مساء
طبعا بتعيط عشانه و انه بيحب مصر و و و

برضه اسلوبه مستفز و مش بيعجبنى
كفايه موضوع الجزمه

بس برضه الواحد بيصعب عليه ان راجل مستشار يحصل له كده

The Groom said...


كوكو الكميل

كلامك عين العقل

والحديث بيقول ما معناه
"
وان الرجل لينطق بالكلمة من سخط الله عز وجل لا يلقي لها بالا فتهوي به في النار سبعين خريفا
"

صحيح لسانك حصانك بجد

تحياتي لك من ماناساس البلد

شادي فايد said...

الواحد مش عارف يصدق مين ولا مين في البلد دي

أنا شخصيا لما بشوف مرتضى بيتكلم بيقنعني بكلامه

كلام لوجيك said...

بصراحة الموضوع مستفز ويغيظ

بس الراجل صعبان عليا جدا
بعد ما كان رئيس لأكبر نادى ومستشار وعضو مجلس شعب سابق
ينتهى بيه الحال الى زنزانة ضيقة وسط الخارجين على القانون

اعتقد انه بقى كارت محروق ولحكومة حبت تخلص منه ومن قلقه
لإن الحكم قاسى جدا جدا

ربنا يتولاه

david santos said...

Thanks for you work and have a good day

My next work goes to be made in Arab. The heading is: Egipto, the mother of the World.

Mohamed A. Ghaffar said...

كم من الحقوق ضاعت بسبب رعونة طالبيها

ياسر حسين said...

لا يصح الا الصحيح
ومن زرع حصد
بس هنفتقد الفواصل المرحة اللي كان بيقدمها في لقاءاته التلفزيونية
الناس جالها وقت كانت بتستنى مرتضى منصور عشان يطلع فى التلفزيون يشتم في ده ويتريق على ده ويتكلم على المنتج السينمائي الفلاني ويقول عليه بتاع بهايم
وعموما ربنا يفك كربه ان كان مظلوم

خالص تحياتي

koukawy said...

ازمرلدا 00 اكيد لازم اي حد في الوضع ده لازم يصعب عليه
مش المستشار بس
************************************
the groom ..
تحياتي لكل مناساس البلد و الحبايب
*******************************
شادي فايد 00 انا اي حد بيتكلم مبقدرش اقتنع بكلامه و في نفس الوقت مبقدرش مقتنعش
**************************************
كلام لوجيك 00 انا كمان من رأي ان الحكم قاسي
************************************
david santons ..
it`s great i`ll go and see it
********************************
محمد عبد الغفار 00
حقيقي
*********************************
ياسر حسين 00
يارب يفك كرب كل الناس سواء من سجن او من ضيق

يا مراكبي said...

بغض النظر عن صحة أقواله من عدمها .. الإسلوب اللي هو بيتبعه عموما هو السبب الرئيسي فيما هو وصل إليه وحتى لو كان على حق

ومن المفترض إنه بخبرته يتلاشى أن يقع في مثل هذه المواقف

Diyaa' said...

مشكلة مرتضي
إنه بيتكلم كتير ومصدق إنه طالما قرب من السادة كبار اللصوص وعصابة الأربعين وزير...حدش هيعرف يقربله
ومتفق معاكي إنه لسانه حصانه
ومراته اللي عيطت في العاشرة مساء متهيألي بتمثل أو مسكت نفسها ومش اعترضت علي تصرفاته اللي بدأها برفع جزمته في وش ناس كتير يعتبروا جهلة ميتردش عليهم ونهاية بمحاولته ضرب مش عارف مين في المقصورة في أخر ماتش حضره
عموماً ربنا يفك سجنه ومشوفش مستشار المفروض إنه كان بيطبق القانون يدخل لعبة السياسة والمطامع والمناصب دي تاني
سلام عليكم
وتحياتي لكوكو

رفقه عمر said...

وحشتينى اخبارك ايه اسفه انى مش بدخل كتير كنت مسافره والله وكنت بدخل نادرا ومش بلحق اشوف المدونات