Wednesday, May 9, 2007

متزعلش يا شادي

سبحان الله
انا بدور على بوست عندك يكون بتاريخ 20 -4
فلقيت اني كنت مقرتش البوست ده
الكتاب ده لازم اقراه ان شاء الله عشان انا بثق في رأيك من يوم ما اشتريت
تاكسي
عموما انا كنت بدور على بوست بالتاريخ ده ليه بقى
؟؟
عشان ده تاريخ اخر كومنت جالي من كوكو
وبعدها كل لما ادخل مدونة القي تعليقات كوكو
وكوكو مش بيجي يزورني
انا بكل تأكيد مش زعلان
انا بس خايف يكون كوكو زعلان مني في حاجة او يكون كوكو ضايقه رأي ليا في بوست عندي او كومنت عند اي حد
يعلم ربنا ان مدونتك اهم مدونة بدخلها
وبتعلم منها
انا مثلا
من يوم البوست اللي اتكلم فيه كوكو عن رمي الورق في الأرض
وأنا مرمتش ورقة على الأرض
فلو كوكو زعلان مني ارجو انه يقولي
عشان لو كنت عملت او بعمل حاجة غلط اصلحها
انا بجد عمال ادور على سبب مقنع ان كوكو مش يزورني غير انه يكون زعلان مش لاقي
؟؟؟
انا حستريح لو كوكو جه قالي انا زعلان عشان كذا وكذا
لان لو قالي انه مش زعلان مش حعرف اقتنع
ولو كوكو مش بيعلق عندي عشان بوستاتي مش عجبته فأعتقد انه كان لازم يقول في الكومنتات
ولا ايه؟؟
جايز اكون مكبر الموضوع
بس كل لما ادخل مدونة والاقي تعليق كوكو اتجنن
يعني معقول يعدي عشرين يوم كوكو ما يفكرش يدخل مدونتي
؟؟؟
******************************
الكومنت ده جالي من واحد من اهل العشه و هو الحقيقه من اول الناس اللي
دخلوا عندي العشه و نوروها و هو شادي فايد 00
انا بكتب البوست ده عشان اقول لشادي انه غلطان و ظالمني لأن انا مش زعلانه منه
و انا لما بكون زعلانه بقول و مش بحب امثل علي حد بحب اكون علي طبيعتي
و كمان السبب التاني اللي خلاني اكتب البوست ده كمان اني اقول لشادي
انا اسفه لأن انا مقصره في حق بلوجته حقيقي بس صدقني الموضوع سقط سهوا
مش قصد ده حتي البلطجيه اللي انا بدخل عندها كل يوم ساعات بقعد فتره مدخلش
علي العموم معلش يا شادي و حقك علي 00
و حقكوا كلكوا عليا لو كنت قصرت مع حد تاني 00
خلاص بقي يا شادي اضحك و متبوزش
say cheeeeeeeeeeeeeeeeeeese
سلام

3 comments:

شادي فايد said...

ههههههههههههه

بجد أنا مش عارف اقولك ايه
بس فعلا انا مش عارف مالي اليومين دول
فاقد الثقة في نفسي وحاسس اني وحش قوي وكل الناس زعلانة مني

انا زي ما اكدتلك في الكومنت
انا مش زعلان
انا ياما ناس بتغيب عن متابعة مدونتي وببقى مش عارف لهم اعذار

بس المرة دي انا حسيت ان الغياب سببه انا
او اني ضايقتك في كومنت او اي حاجة

حتي انت شوفتي اخر بوست عندي
البوست دا فعلا انا كاتبة لكل الناس مش عشان موقف بعينه

يبدو ان المشكلة فيا انا وفي دماغي الموسوسة

انا متشكر قوي على اهتمامك الزائد بانك تأكديلي ان مفيش حاجة

الحمدلله
الناس اللي انا فاكرهم زعلانين مني نقصوا واحد

او بمعنى ادق
الناس اللي عرفت انهم مش زعلانين مني بقى عددهم واحد

The Groom said...


انت قلبك طيب يا كوكو

أنا كمان مسامحك

تحياتي لك من ماناساس البلد

أميرة البلطجية said...

وانا كده عارفة يا كوكتي يا كميل انك برضه مش زعلان مني لما بختفي شوية بس برضه الدنيا...انت عارف انا والله اول ما بتنزل قصة كوكوهية جديدة بقول مشغلة السارينة واقوم اشد الواد اخويا "يله كوكو نزل جزء جديد"..امبارح ندهته ورحت اعمل حاجة لقيت دخل اوضتي وبدأ يقرا لوحده..زعقلته وقلتله ايييييييييه ده يا احمد بتقرا لوحدك؟ قالي انتي مش قريتها خلاص..قلتله لأ مستنية اقراها معاك..اصلى بعد انا اقر واعمل تمثل صوتي للشخصيات بقي وبتاع
فطبعا فطبعا البلطجية بتموت في كوكو الكميل وعارفة انها لو اتأخرت شوية بتروح داخلة مرة واحدة عاملة كسح لكل البوستس اللي فاتتها
:)