Tuesday, May 22, 2007

requiem for a dream


فيلم من انتاج سنة 2000؛ للمخرج الأمريكاني
Darren Aronofesky
و من رأي انه مخرج هايل و عنده قدره علي ظبط ايقاع
المشاهد و الصوره ؛ ده غير عبقرية المونتاج؛

انا شايفه ان المونتاج لعب دور كبير اوي في ان الفيلم يبقي حلو ؛
و ده طبعا احد الحاجات اللي بنفقدها في السينما المصريه النيو لوك سينما علي حد تعبيري ؛
اللي كمان حلو اوي في الفيلم الموسيقي التصويريه اللي استعمل فيها المؤلف الموسيقي
Clint Mansell
تيمه موسيقيه او جمله موسيقيه و لعب علي توزيعها حسب ما الموقف يستدعي ؛
بس اللي اضمنه للي هيتفرج هتعلق في ودنه الجمله الموسيقيه علي طول ؛
نسيت بقي من الأول اقولكوا ان الفيلم بيناقش قضيه مهمه اوي و هي المخدرات بأنواعها ؛
و اللي بيجي تحتها غير بقي الحشيش و الهروين و الكوك او الكوكايين كمان بتعتبر
حبوب التخسيس و المهدئات من المخدرات و ده اللي بيعرضه الفيلم من خلال قصص منفصله متصله
لأكتر من حد و تأثره بالمخدرات ؛ و كمان الهوس الأعلاني او الاعلامي و تأثيره بالسلب علي البني ادم؛
كمان احب اقول ان الممثلين ابدعوا و خصوصا علي رأسهم الممثله القديره اللي قايمه بدور الأم
Ellen Burstin

و هي من مواليد سنة 1932 و هي امريكانيه الجنسيه ؛ و نالت جايزة الأوسكار سنة 2001
في دورها في الفيلم ده ؛ و كمان في نفس السنه نالت جوايز احسن ممثله في
golden globe
kansas city film
phoenix film
و في العموم نال الفيلم 19 جايزه من مهرجانات مختلفه؛ و اترشح للفوز 30 مره
و اخيرا الفيلم من نوعيه افلام الدراما النفسيه اللي يدوسلك علي الأوتار
الداخليه للشرايين القلبيه و المعنويه و الدماغيه و كل الشرايين اللي انتوا عايزناها
اتمنلكوا فرجه ممتعه و مؤثره
سلاااام


6 comments:

شادي فايد said...

مبلاش سيرة الافلام والكتب احنا ايام امتحانات

:(

أميرة البلطجية said...

ده في السنيما يا كوكي؟

كراكيب عادل said...

بتشوقينا للفيلم بشكل ملفت

اهو انا عايز فعلا فيلم يدوسلي علي الاوتار الداخلية والشرايين

ولو يخليني ابربش يبقي احلي

كتبت اسم الفيلم وهطلع الهوم ثيتر من الكرتون مخصوص علشان :)

يعقــــوب .... said...

كان نفسي أسأل من زمان يعني ايه مونتاج أصلا؟؟

koukawy said...

شادي 00 معلش ربنا معاك
****************************
بلطجيه 00 لأ عملته داونلود
*****************************
كراكيب 00 تقريبا التعليق ناقص يا ابو عبد العزيز
********************************
يعقوب 00 انت تؤمرني هكتبلك بوست اشرحلك يعني ايه مونتاج بالتفصيل

buffy said...

i wanna the sound track of notting hill movie &its song ...she..thx alot