Sunday, April 29, 2007

كوكو اختار اول طريق

الحلقه اللي فاتت 00
كوكو وقف محتار قدام الأسهم الملونه
الحلقه دي 00
صحاب كوكو نصحوه بأختيارات متساويه بين اللون الأحمر و الأخضر
كل لون منهم خد اختيارين ؛ فقرر كوكو انه يعلب لعبة كوكو زبادي
و يختار اللي يطلع انه يبدأ بيه ؛ ووقف كوكو و بص للأسهم و قعد
يشاور بين السهم الأحمر و السهم الأخضر و يقول 00
حادي بادي كوكو زبادي شالوا و حط كناحه علي دي
و طلع السهم الأحمر ؛ بس وقف كوكو و حب يتأكد تاني ؛
حادي بادي كوكو زبادي شالوا و حط كنحه علي دي
و المره دي طلع الأخضر ؛ و اتلعبك كوكو في نفسه و مبقاش عارف يعمل ايه؟
و جرب تاني طلع الأحمر و تاني طلع الأخضر و كل مره يعيد
يطلع لون تاني ؛ و في الوقت اللي وكوكو واقف يلعب كوكو زبادي و هو مربوك ؛
ظهر كوكو صغنن من فوق في السما بيغني و هو طاير و لمح كوكو الكميل اللي واقف
عمال هاري نفسه ؛ و طار الكوكو الصغنن ده ناحية الأرض ؛ وراح ورا كتف كوكو
وراح مخبط علي كتفه و قال 00 مثاء الخير يا ثديقي انا كروان المنطقه و تقدر تقولي
يا كيرو ؛ و ده الاثم اللي بيناديني بيه اثدقائي ؛ ايه بقي يا ثحبي اولا اثمك الكريم ايه ؟
ثانيا واقف محتار و عمال تضرب اخماث في اثداث ليه ؟
رد كوكو 00 اهلا بيك يا كيرو انا اسمي كوكو الكميل ؛ وواقف محتار عشان في عصابه
0000000000و حصل و حصل 00000000 و بعدين 00000
بس يا سيدي هي دي الحكايه ؛ رد كيرو 00 طب و يا تري قبل متمشي في الطريق
فكيت شفرة الخريطه ؟ رد كوكو 00 يعني ايه شفرة الخريطه اصل انا اول مره اتعامل مع عصابه
فمش فاهم ؛ طب اديني الخريطه 00 رد كيرو 00 شوف يا كوكو يا كميل انت
كل خريطه بيبقي ليها شفره جواها تفكها عشان تعرف مكان العمليه اللي المفروض تعملها ؛
و نام كيرو علي بطنه و فرش الخريطه علي الأرض و قال لكوكو 00 ناولني اربع زلطات من عندك هناك
و راح كوكو جاب الزلطات ؛ حط بقي كل زلطه علي طرف من طروف الورقه ؛ و دلوقتي نبدأ الحثابات
لو جبنا الثهم ده كده ووثلناه للطريق ده اممممممممممممممممم ايوه و بعدين 10 في 6 ب 3 نجمات حمر
في المركبه الفضائيه العموديه مع خط الثتواء000 و قعد كيرو يوشوش نفسه كده و كوكو قاعد جنبه بيتفرج عليه
و هو مطلع القلم الرصاص و عمال يتقلب علي بطنه و علي ضهره 00 و فجأه نط كيرو و قال لكوكو 00
اهو كده اتحلت دلوقتي اقدر اقولك ان الاتجهات التلاته بيوثلوا لنفث المكان بث في
طريق بري و طريق جوي و طريق بحري ؛ انت تخش من اي طريق يعجبك و من جوه تثأل
و تخرم بقي ؛ لرد كوكو وهو مبسوط 00 ياه ربنا يخليك يا كيرو يا كميل الحق بقي
يدوبك الساعه اربعه اهه سلام بقي ؛ رد كيرو 00 لأ الثاعه خمثه مش اربعه
رد كوكو 00 لأ الساعه اهه اربعه ؛ رد كيرو 00 انت شكلك مظبطش الثاعه علي
التوقيف الثيفي ؛ خبط كوكو راسه بكناحه و قال 00 اه ده انا نسيت يبقي انا كده الوقت
قل ساعه و انا المفروض اكون هناك مع دقة الساعه ال12 نص الليل ؛رد كيرو 00
متقلقش هتلحق انشالله و لو احتجت اي حاجه انده و قول يا كيروووووو هتلاقيني قدامك
في ثواني ماشي ؛ رد كوكو و هو بيمد كناحه الكميل عشان يشكر كيرو و قاله 00
ميرسي اوي يا كيرو بس سؤال اخير تفتكر ابدأ باللون الأحمر و لا الأخضر ؟
رد كيرو و قاله 00 انا بشجع النادي الكوكاهلي فبحب اللون الأحمر فأبدأ بيه ؛
رد كوكو ماشي خلاص عشان خاطرك اختار الأحمر يا كيرو كاكان بقي ادعيلي ؛ رد كيرو
و هو بيشاور لكوكو بجناحه و بيودعه 00 كاكان و خلي بالك من نفثك و متنثاش لو
احتجتني اندهه يا كيرووووووووووووووو 00 و طار كيرو و بعد و هو بيبص علي كوكو
و هو داخل في الطريق اللي بيشاور عليه السهم الأحمر 00 و فضل كوكو ماشي شويه لحد ملقي قدامه
يافطه كبيره حمرا و مكتوب عليها 00
welcome to شلاليت city
و بص كوكو لليافطه بأستغراب اوي من اسم المدينه العجيب ؛ و مشي كوكو شويه
و فجأه شاف حاجه فظيعه جدا ووقف كوكو في وسط الطريق مش عارف يعمل ايه 00
كاكان
بعد ما ساعدتوا كوكو في اختيار الطريق الحلقه اللي فاتت
ياللا دلوقتي جاوبه علي السؤال 00
يا تري ايه الشئ الفظيع اللي شافه كوكو الكميل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ربنا معاكوا


16 comments:

mabrakaat said...

السلام عليكم ورحمة الله وبركاته
ايه ياعم انت كل ما تحب تعمل حاجه فى مغامرتك الجميله وانت بتنجد ام الكواكى تقوم تسال سؤال انا تعبت ياعم كوكو وهادخل انام وممكن بكره اقولك هيلاقى ناس بتضرب بالشلوت بس هههههههههههههه
كده ولا ايييييييييييه

خمسة فضفضة said...

السلام عليكم ورحمة الله وبركاته

يا سبحان الله حتي العصافير الكوكاهلاويه

طيب مش مشكله

اما بقي الشئ الفظيع
فبما انها مدينة شلاليط سيتي
فاكيد لقي المواطنين واقفين قدام قسم البوليس وكل واحد ياخد شلوت وبعين يروح ....ههههههههههههه

في انتظار الحلقه القادمة

يعقــــوب .... said...

كوكو ده بقى متعب جدا...هو مبيعرفش يعمل حاجة لوحده ابدا؟؟ هو أه لا خاب من استشار,بس افرضي ملقاش حد يستشيره...لازم تربيه شويه و تسيبيه يعتمد على نفسه...و ربنا يوقف في وشه ولاد الحلال يا رب

أحمد مختار عاشور said...

نسر

The Groom said...


اثبات حضور ولو اني مش فاهم حاجة

وللأمانة مش قادر أركز بسبب حالة من السعادة السرمدية يا رب تنتهي على خير يا رب المرة دي

تحياتي لك من ماناساس البلد

سمسم said...

كوكو الكميل
...........
يادي ام المرمطة الفكرية اللي مش

هتخلص

المطلوب دلؤتي نعرف ايه اللي خض المحروس

طيب نبدأ ضربي الودع

لو جبنا الثهم ده كده ووثلناه

للطريق ده اممممممممممممممممم ايوه و

بعدين 10 في 6 ب 3 نجمات حمر

في المركبه الفضائيه العموديه مع خط

الثتواء !!!!

بس يا ستي

اما ان هو شاف حاجة خضتوه

او حاجة خضتوه شافتوه

او هو وحاجة بتخض اتأبلوه في الطريق

تحياتي

ويجعلوعاااااااااااااااااااامر

صاحب البوابــة said...

رائعة

صدقاً حلقة رائعة

انتظر الحلقة التالية بفارغ الصبر

تحياتي

Esmeralda said...

تغير ساعه و خط احمر و شلالييييييييييت!!!!!!!!!!

ممممم
مصر؟؟؟؟؟؟

شادي فايد said...

هيه
هيه
هيه
انا وصلت للحلقة رقم خمسين
:)
بس ايه الاسئلة الصعبة دي
مفيش اختيارات
:)
طب ممكن يكون شاف وحش
أسد
ديب
او نسر زي ما عاشور بيقول

يارب اكسب بقى في أول مشاركة ليا
:)

Diyaa' said...

شاف شادي جمال محمد حسني مبارك راجع بآلة زمن يسلم علي جده ويقوله خد بالك من المدونات عشان تعبتني علي ما أقفلها ..سكتها بدري بدري الناس دي بقت جامدة أوي في المستقبل
وبعدين كوكو هيصحي من النوم

ازيك يا كوكو عامل إيه ..يا رب تكوني كويس ..سلام بقي عشان أمن دولة المستقبل كبس عليا

يا مراكبي said...

أنا ماخبيش عليكي .. ياما حاولت أركز في الحكايات بتاعة كوكو دي لكن دايما بأتلخبط في الأسماء بتاعة بطال القصة وبعدين بأتوه

لكن أنا ممكن أجاوب على السؤال

لقى حفلة شلاليت بارتي

أميرة البلطجية said...

لأ مش حقول الحل يا كوكي عشان انتي حتعرفيه وتعملى عكسه
انا ممتنعه
هاه

shams said...

بص يا كوكو .. هو بما انه في 3 طرق جوية وبحرية وبرية يبقى الطريق الأحمر ده واحد منهم .. مش كده ولا ايه ؟
حلو الاستنتاج ده .. سيبني يا كوكو أعبقر شوية

وبعدين بما إن س اتحاد ص يساوي ع في المجموعة ب

تؤ مش كده يا كوكو .. خلينا نركز

بما إن المدينة اسمها شلاليت يبقى ممكن يكون ده الطريق البحري وهو لقى شلال كبييييير مش هيعرف يعدي منه ده على أساس ان شلاليت جمع شلال مش شلوت

وفي انتظار الحلقة القادمة على شوق

koukawy said...

مباراكات 00 ما هو اللي يسأل ما يتوهش
***************************
خمسه فضفضه 00 شوفتي الكوكوهات فيهم كل حاجه كوكوهلاويه زوكوهلاويه
هههههههههههههههه
**********************************
يعقوب 00 صدقني بحاول بس هو بيثق في رأيكم و بيحب يسألكم و انا اقعد اقوله يا ولد متضايق طانطاتك و انكلاتك و هو مفيش فايده
**********************************
احمد مختار عاشور 00 ايه الاجابه المختصره ديه
**********************************
the groom ..
يا رب يسهلك
***********************************
سمسم 00 هههههههههههههههههههههههه
**********************************
البوابه 00 ربنا يخليك ده انت اللي خليت الحلقه حلوه بقدومك
********************************
ازمرلدا 00 يعني
**********************************
شادي فايد 00 برافو عليك اهو كده لما تتابع تفهم ؛ يا رب تكسب يا رب
******************************
ضياء 00 شكل امن الدوله المستقبل هياخدني معاك ؛ ربنا يستر انا عموما ما بحبش اتكلم في السياسه
*******************************
يا مراكبي 00 عشان انت مش متابع الحلقات من أولها هو ده السبب
********************************
بلطجيه 00 يا ريتني ما قولتلك ؛ بس صدقيني مش بقصد دايما اعمل العكس لأن في ناس قبل كده حلت الأسئله صح
******************************
شمس00 خيال حلو اوي يا شمس

أميرة البلطجية said...

طب خلاص يا كوكو يا كميل متزعليش
انا واخويا بنقدح زنادا فكرنا اهو ومش عارفين يا ترى ايييييييييييه يا ترى ييهههههههههههه
اممممم
اكيد شاف ابو الكوكوهاية ..هو رئيس العصابة
صحححححححححححح؟؟

أمـــاني said...

الللللله
أنا إزاي مكنتش أعرفك...إنتي بتقولي حواديت حلوه أوىىىى...بس أنا كده عندي مشكله...لازم أبدأ من الأول خالص عشان أفهم مين هو كوكو الكميل...إستحمليني بقه
أما بالنسبة للي خض كوكو...فإجابة عاشور عجبتنى أوىىىىىىىىىى