Sunday, May 6, 2007

300


حظي التعيس اللي مش كميل خالص مالص و كمان بالص
خلاني اتفرج علي هذا الفيلم العجيب اللي انا شخصيا بدأت امل
بعد ربع ساعه من بدايته و ده غريب لأن دخلة الفيلم تنم عن
فيلم حلو اوي او مش هيبقي بالسؤ ده 00
300 فيلم انتاج 2006 ؛ و الظاهر ان المختصين
كان رأيهم من رأي و ده خلي الفيلم ميخدش اي جوايز و مترشحش
غير لجايزه عبيطه في مهرجان اعبط ؛ بس عشان الواحد يقول اللي
ليه و اللي عليه لازم اقول ان الفيلم كله متصور في بلاتوهات داخلي
رغم ان الفيلم تسعين في الميه منه بتحصل في لوكشنات خارجي
و ده براعة استخدام الجرافيكس و الخدع البصريه في الفيلم ؛
و دي كانت الحسنه الوحيده في الفيلم بس الحسنه اللي متخليكش تستحمل اكتر من ربع الفيلم
برضو ؛ نيجي بقي للنقطه الأساسيه اللي مشوهه الفيلم ده لو اعتبرنا ان الهجوم علي العرب
و تصويرهم في صورة وحوش ضاريه و مخلوقات مقززه نقطه مش هنتكلم فيها لأنها مكرره
في افلام كتير و خلاص مش هنعد نعيد و نزيد ؛ النقطه بقي اللي اقصدها و اللي خلتني
احس ان الفيلم مسخ مشوه من رأي ؛ و ده لأن و انت بتتفرج علي الفيلم
اول ما هتسمع الموسيقي التصويريه علي طول لازم تفتكر الفيلم العبقري
the gladiator
اول ما تشوف حركة المجاميع المحاربين في المشارهد القتاليه و الجروب لازم علي طول تفتكر
brave heart
و لاما تتفرج شويه هتحس ان روح الفيلم فيها كتير اوي من فيلم اصلا مكنش حلو و معجبنيش
troy
اما بقي عن الشخصيات المشوهه و المخلوقات الممسوخه اللي السينما الأمريكيه بتبرع في اختراعهم
و ابتكارهم لازم علي طول تفتكرساسلة افلام
the lord of the ring
تخيلوا انتوا بقي بعد كل السلبيات دي هيكون الفيلم شكله ايهههههه؟؟؟؟؟؟؟؟؟
و في النهايه ده رأي
سلام
********************************************************************
اضافه صغيره بعد الكومنتس 00
ياسر حسين البلوجاوي العزيز علي العشه صاحب مدونة كارتونيا
قالي انه كتب بوست عن الفيلم فحبيت انكوا تقروا رأيه برضو
و البوستايه اسمها 300
بس خلاص
ميرسي

17 comments:

shams said...

على فكرة يا كوكو أنا بعتز برأيك جداً وبثق فيه كمان خصوصاً في نقد الأفلام عشان كده أنا هقول ماشي على كلامك بخصوص الفيلم 300 ع الأقل لغاية ما اشوفه بس تيجي بقى عند الأفلام التانية ونختلف
the gladiator !!!!!!
brave heart !!!!!!!
troy !!!!
the lord of the rings !!!!!!

لأ لأ لأ الأفلام دي بالذاااااات جميييييلة مووووووووت وعاجباني جدااااااا

بس الاختلاف في الرأي .. لا يفسد للود قضية
أحلى سلام لأحلى كوكو في العشة

Diyaa' said...

الحمد لله إني حسيت بيه ...شكله فيلم عقيم ...
قال إيه بيعملوا حائط من أجساد اللي قتلوهم
وتروي جامد ..مش عارف مش عاجبك في إيه ....ممكن يكون الخط الدرامي ..بس دي أسطورة لازم تتاخد زي ما هيا ..
يلا بالشفا ومتدخليش أي فيلم قبل ما ياخد جوايز \:))

أميرة البلطجية said...

300
اسبارطي
حتي اسمه ميشجعش
ميرسي يا كوكي

The Alien said...

الفيلم ضعيف جدا
فيلم مفيهوش أي دراما
شوية جرافيكس معمولين حلو وخلاص
الفيلم دا مينفعش يتقارن بأي فيلم تاني زي
brave heart, lord of the rings or troy

تحياتي

Mohamed A. Ghaffar said...

شكله كولكشن جميل عشان الواحد يريح مفسه وميتفرجش على الأربع افلام اللى قلتى عليهم

تلخيص يعنى

safa7_karmooz said...

الفيلم ده اللى فيه التصوير بس...

شكرا يا كوكو

شادي فايد said...

مادام الفيلم مش عاجب كوكو يبقى مش حشوفوا

انا شوفت الفيلم من اول ما نزل اصلا
:P
:P
:P

سمسم said...

يع

تحياتي

لحظة واحدة
.
.
.
.
.
لا مؤخذة

يجعلوعاااااااااااااااااااااااامر

MONDAHESH said...

ربما

The Groom said...


شكله كويس الفيلم ده

ياسر حسين said...

على فكرة أنا كتبت موضوع عن الفيلم ده عندي في البلوج من حوالي شهر
وأنا اوافقك الرأي
ولكن أجمل ما عجبني في الفيلم المتعة البصرية
ويمكن دي أحسها أنا أكنر علشان أشتغلت لوحات زيتية يوما ما
الكادرات كانت أقرب من اللوحات الزيتية
وده رابط الموضوع اللى كتبته عندي
http://cartoonya.blogspot.com/2007/04/300.html

koukawy said...

شمس 00 و انا كان قصدي ان الأفلام التانيه دي حلوه بس يمكن اسأت التعبير ؛ بس انا معترضه معاكي علي
troy
مش عارفه معجبنيش خالص
************************************
ضياء 00 مش عارفه حسيت انه فيلم ماشي علي وتيره واحده و مشدنيش فيه غير الموسيقي التصويريه
و براد بيت معجبنيش خالص
***********************************
بلطجيه 00 لأ و لو شوفتيه كمان هتقومي من ربعه زي
*********************************
the alien ..
علي رأيك مفيش مقارنه بس هو حاول يقلد و فشل
**********************************
محمد عبد الغفار 00 هههههههههههههه
بس تلخيص اقرع اوي
*********************************
سفاح 00 اه بس تصوير مش زوايا هو الخدع لأن حركة الكاميرا مفيهاش اي ابداع
**********************************
شادي 00 و عجبك؟؟؟؟؟
*******************************
سمسم 00 ايه الربكه دي
هههههههههه
***************************
مندهش 00 مش فاهمه
***************************
the groom ..
شوفه و قولي
*******************************
ياسر حسين 00
اه فعلا الألوان تحسها لوح فعلا انت عبرت احسن مني
و انا هحط لينك من عندك عندي

يعقــــوب .... said...

ماعاكي فعلا في رأيك ..و رسالة الفيلم موحهة من الغرب للشرق و بيحذروهم....يعجبني ذكائك التحليلي و نقضك

Diyaa' said...

ما هو الوتيرة الواحدة شئ طبيعي في الأفلام اللي بتتكلم عن أسطورة وان واي
وبعدين أصلاً مشكلة الفيلم إن أي حد كان عارف الأسطورة دي أولها إيه وأخرها إيه
يعني هو عيبه إنه تقريباً التزم حرفيا بالموضوع
بس في لحظات ميلودرامية جميلة أوي ...زي مشهد الولد قريب أخيل لما لبس لبسه واتقتل ورجعه للحرب..ومشهد نزولهم علي الشط وهما لابسين أسود ويخوفوا كده
وكمان لما ضرب راس التمثال ..
وفي كمان لما راح يحاربه أدام باب المدينة
في كذا حتة عملوها حلوة والفيلم يعتبر عرض مش قصة ليها مراحل صعود وهبوط
وده طبعاً رأيي مش بفرضه يعني
والموسيقي تحفة
طبعاً
المهم إنه جنب 300 اسبارطي يعتبر وهم

شادي فايد said...

بصراحة
الفيلم مستواه عادي
اكدب لو قلتلك انه وحش

Diyaa' said...

مش ناوية تقوليلي عملتي إيه في الكتاب بتاع مصطفي محمود ..أنا عايزك تبصي عليه بصة بس تشوفي في فرق ولا لأ ..بين النسخة اللي بعتهالك علي الميل وبين نسخته الأصلية
عارف إنك مشغولة بس مش تنسيني بس

Blank-Socrate said...

hi koko I had seen this film
there is only one thing i liked it was the Believe
the soldier Believe in them selfs