Friday, May 18, 2007

الله يرحمه

قبل ما اكتب الحلقه احب اتأسف علي تأخير النشر من امبارح بليل للنهاره الصبح
و ده صدقوني لظروف خارجه عني و عن كناح الكوكو الكميل 00
**********************************************
الحلقه اللي فاتت 00
كوكو كان في مزنق و مش عارف يتصرف
الحلقه دي 00
فضل كوكو بكناحاته الكميله اللي متكتفه ورا ضهره رايح جاي في الأوضه
بخطوات حائره مش عارف يتصرف ازاي و حتي كان نفسه يهش في دماغه
و مش عارف بسبب ان كناحاته مربوطه يا عيني علي العذاب اللي انت
فيه يا كوكو 00 و ابتدي مخه يودي و يجيب انه عشان اتأخر مش هيلحق ينقذ طانط
ام مكاوك و هيسلقوها و يحمروها و احتمال كمان مايلحقش منها و لا العضم حتي
و هيكون الكلاب كلوه 00 و فجأه كوكو سمع صوت زي ما يكون طوبه
و خبطت في الشباك بتاع زنزانته و بص علي الشباك ملقاش حاجه ؛
فقال في نفسه انا اكيد بيتهيألي ؛ بس سمع صوت تاني زي ما يكون بيقولوا
لأ مش بيتهيألك ؛ و بيبص ورا لقا كيرو ملزوق في الأزاز بتاع الشباك و بيحاول يزقه يفتحه
و بعدين يطير و يرجع بسرعه يخبط في الشباك جامد بكتفه عشان يكسر الازاز
و فضل كده كذا مره لحد ما تعب يا عيني فبص لكوكو الكميل و شاورله متخافش انا هتصرف
و طار كيرو و بعد و فات وقت كتير و كوكو الكميل مستني ان كيرو يرجع و لكن مرجعش
طبعا دماغ كوكو الكميل استغلت الفرصه انها تودي و تجيب و قعدت طبعا تقول لكوكو
ده شكله حلقلك و مشي ؛ لأ مش يمكن العصابه شفوه و حبسوه برضو زي في اوضه تانيه ؛
لأ ده يمكن 0000 و سمع كوكو صوت كناحات كتير بتطير في الهوا و ما كانش فاهم
و فجأه لقا اتنين كوكو كروان بس كبار بيخبطوا في الشبك جامد راح الشباك مفتوح
و راحوا قايلين لكوكو الكميل 00 سلاموا عليكوا زيك يا كوكو يا كميل ؛ و رد كوكو عليهم
في دخلت كيرو اللي طار و نزل بسرعه في حضن كوكو و حضنه و راح فكله التكتيفه و قاله 00
علي فكره لما انت قلت يا كيرووووووو و انت بيتقبض عليك انا وصلت بس معرفتش طبعا اعمل
حاجه فمشيت وراك اراقب السكه لحد ما سبوك و خرجوا و قلت هو ده الوقت المناسب اني
اخلصك قبل ما يرجعوا 00 رد كوكو 00 لأ يا كيرو انا هستني و و هضحك عليهم
و اقولهم اني مش هديهم القلم لحد ما يودوني لأم مكاوك 00 رد كيرو 00
ايه يا كوكو ده انت عايز تساعد ناس اشرار مش كويسين انت كده بتعما اتفاق
معاهم و ده مش كويس 00 ما انا مش عارف افكر و لا اعمل حاجه يا كيرو
ما هو افرض انا ما عملتش كده هلحق اوصل عند ام مكاوك ؟
رد كيرو 00 متقلقش انا هوديك عند حكيم الجزيره الصفرا اللي بعد دي
هو الشخص الوحيد اللي هيوصلنا هناك و انا مش هسيبك كناحي علي كناحاك
ايه رأيك ؟؟؟ سكت كوكو شويه و قال 00 انا اهم حاجه عندي انقذ ام مكاوك حتي لو انا هموت؛
رد كيرو يا سلام عليك يا كوكو يا كميل انت قلبك طيب و حلو اوي ؛
طب يا للا بينا ؛ اه صحيح انا نسيت اعرفك بصحابي دول اكتر ناس اقويه
ساكنين في الشجره اللي جنبي و تقدر تعتمد عليهم بيحبوا يسعدوا الناس اوي 00
و شال الأقويه الشنطه لكوكو و طاروا من الشباك و طار كوكو و كيرو وراهم 00
و في الوقت اللي كوكو بيخرج ديله الكميل من الشباك كان واحد من العصابه بيفتح
الشراعه اللي في الباب يبص عليه و شاف الشباك مفتوح و هما بيخرجوا 00
و فجأه سمع كوكو و كيرو و الأقويه صوت سرينه انذار زي بتاعة الحريقه عالي اوي
فعرفوا انهم اتكشفوا و ان العصابه هتجري وراهم دلوقتي ؛ فبص كيرو لكوكو و قاله 00
بص يا كوكو انت اول واحد تهرب و تحاول تنفد بجلدك و هتلاقي شجره علي بعد
2 كوكو متر فوقيها بيت لونه احمر في اصفر و قدامه مشايه خضرا و مقطوع حته من طرفها
ارفع المشايه هتلاقي تحتها نسخه من مفتاح شباك الشقه روح و استناني و انا هحصلك
رد كوكو عليه 00 لأ انا مش هسيبك لحسن يعملوا فيك حاجه مش احنا قلنا كناحي علي كناحك
رد كيرو 00 بس انت عندك ام مكاوك انا معنديش حد ؛ و اصر كوكو انه ميمشيش و يسيب كيرو
و هنا بدأت المطارده الأقويه شايلين شنطة كوكو و بيطيروا بسرعه اوي بيحاولاو يوصلوا للسور الخارجي
و ووراهم اتنين من الأشرار العمالقه بيضربوا رصاص ؛ و كوكو و كيرو عمالين يستخبوا في زخانيق
بين الحيطان و جم في حته اتزنقوا و معرفوش يخرجوا لأنهم شايفين الحرس واقفين قدامهم ؛ و فضلوا يفكروا يعملوا ايه و هما خايفين يخدوا نفسهم لحسن يسمعوهم ؛ و كان احسن حل انهم يستنوا شويه الجو يهدي
و بعدين يخرجوا 00 و شويه و قرر كوكو ان يطلع دماغه الكميله براحه عشان يبص و اول ما كوكو طلع دماغه لقا كوكو ضخم في وشه را ح مزعق 00 اهم يا ريس يا كبير لقتهم 00
و مكنش قدامهم غير انهم يطلعوا و يطيروا بأقص سرعه كيرو ووراه كوكوالكميل اللي مكنش واثق
ان ريشه الي لسه ضعيف هيقدر علي المجهود ده 00 و طار كيرو ووراه كوكو و العصابه وراهم
و كانوا بيرفرفوا جامد اوي ؛ و قربوا العصابه من ضهر كوكو و كيرو اللي كان بينهم و بين السور
حته صغننه اوي و لقا كوكو خرم في السور راح مصوصو بزعيق جام لكيرو بص الفتحه دي
ياللا بسرعه ؛ و خرج كوكو من الفتحه بسرعه و ووقف برم السرو يشاور لكيرو ؛ لكن جه كيرو
يعدي اتزنق لأنه كان اتخن من كوكو الكميل الرشيق ؛ و حاول كوكو شيد كيرو من كناحه يطلعه
بس كيرو قال 00 قال لكوكو سيبني و اجري الحفق ام مكاوك بسرعه و متنساش الحكيم
رد كوكو و هو مذعور 00 لأا مش هسيبك لازم انقذك زي ما انقذتني
و في وسط الكلام ما بين كيرو كوكو 00 لمح كوكو من بعيد واحد من العصابه رفع مسدس
و بينشن علي كيرو اللي مزنوق 00 و راح كوكو مصرخ كام اوي 00 لأأأأأأأأأأأأأأأأأأأأأأأأأأأأأأأأأأأأأأأ
لكن طاخ رشقت الرصاصه في ضهر كيرو اللي مات و كوكو ماسك كناحه 00
و قعد كوكو يحاول يسحب كيروو من الفتحه اللي في السور و اخيرا نجح انه هو يخرجه
و يشيله و يطير بيه بعيد شويه و هو بيعيط و الدموع مخلياه مش شايف قدامه
و نزل كوكو علي الأرض و قعد مش عارف يعمل ايه و حس بالذنب انه قصر مع كيرو معرفش ينقذه
و كان زعلان اوي و جواه بيوجعه 00 و فكر كوكو انه لازم يدفن كيرو بعد
ما يقراله قراّن و كان احسن مكان انه يدفنه في جنينة بيته 00
و كمل كوكو الطريق لحد ما لقا العنوان اللي كان كيرو الله يرحمه وصفهوله
و راح كوكو تحت الشجره و قعد يحفر و دفن كوكو و قعد جنب القبر بتاعه يعيط
كامد اوي و يقرا قراّن 00 و لما الدنيا ضلمت شويه طلع كوكو الشقه و
جاب المفتاح من تحت المشايه 00 و فتح الشباك و دخل لقا شنطته جوه
الظاهر جبهاله الأ قويه و سبوها و مشيوا 00
و دخل كوكو قعد مش عارف يعمل ايه ؟؟؟؟؟؟؟؟؟؟؟
كاكان

13 comments:

كراكيب عادل said...

بص يا كوكو انت اول واحد تهرب و تحاول تنفد بجلدك و هتلاقي شجره علي بعد
2 كوكو متر فوقيها بيت لونه احمر في اصفر و قدامه مشايه خضرا و مقطوع حته من طرفها
ارفع المشايه هتلاقي تحتها نسخه من مفتاح


ازي بتعرفي تعملي التفاصيل دي

انا كنت كل مرة بتوة في التفاصيل دي ومبعرفش اعلق علي اية ولا اية ابتسم

بعد كدة هكتبلك شكراا وخلاص

ابني عبد العزيز بيسلم عليك وبيشكرك كمان

يعقــــوب .... said...

ايه حكايتك بالظبط ؟ ما كنا ماشييف حبة رومانس على حبة اكشن..ليه نقلبها تراجيدي كده..احنا ناقصين مووت و فراق..مش كفاية الفي الدنيا

Blank-Socrate said...

كوكو الكميل
يمكن انا مش متابع بس لازم يكون فى خطوة نحفظ بيها العمل دا
من الاقتباس او ان شخص يسرق الابداع و المجهود دا
و اقترح كمان ان القصه تنزل للجمهور خاصه انى ملاحظ ان ابتدى يكون فيها حبكه فنيه
و تفضلوا بقبول فائق الاحترام
سقراط
من ابناء العشه الكميله

خمسة فضفضة said...

السلام عليكم ورحمة الله وبركاته

لييييييييييييه كده بس ......يعني الناس الطيبين هما اللي يموتوا ....عااااااااااااااااااا

لا ماليش دعوه اتصرفي في الحلقه الجايه وشوفي اي حل كيرو يصحي تاني ولا حتي عفريته تبقي تساعد كوكو الكميل

فين السؤال بتاع الحلقه انت نسيتيه ولا ايه


تحياتي

أميرة البلطجية said...

كوكيييييييي
احمد حيجيله انهيار عصبي عشان كيرو مات..وزعلان منك وبيقولك اعملي اي حاجة بس رجعيه تاني للحياة لأن هو زعلان جدا

كراكيب عادل said...

http://www.altarab.com/lebanon/fayrooz.html

دة لينك فية كل اغاني فيروز تقريبا سماع وتحميل


:)

Anonymous said...

مرحبا،،

أنا صاحب الموقع ‏www.arabictarab.blogspot.com‏ أود ان اضيف مدونتي ضمن الموقع الصديقه في مدونتك ‏وسوف اقوم بالمقابل بإضافه مدونتك ضمن المواقع الصديقه في مدونتي.‏

اذا قبلت هذا العرض الرجاء ارسال ايميل على العنوان التالي مزودني بعنوان مدونتك والإسم،، ‏
arabic_tarab@yahoo.com

شادي فايد said...

:)

لالالالالالا

بلاش تموتيه

غيري الحلقة دي
وخلي كيرو يعيش
:(

Anonymous said...

ممكن كوكو يقراه تعليقى على البوست السابق وشكرا
السلام عليكم

سمسم said...

ان لله وانا اليه راجعون

ايييييييييييييييه

قلبي عندك

تحياتي

وربنا يصبرك

ويجعلو بالفرح عااااااااااااامر

koukawy said...

كراكيب عادل 00 شكرا و خلاص مش هتعرفني الحلقه عجبتك انت و عبد العزيز و ام عبد العزيز و لا لأ 00 التفاصيل بشوف صور في دماغي 00 بو سه كبيره لعبد العزيز
هو عنده كام سنه ؟؟؟؟
********************************
يعقوب 00 اهو لازم كل الوان الدراما الممكنه
******************************
بلانك سقراط 00 نفسي بس مش عارفه ازاي اعمل كده
*************************************
خمسه فضفضه 00 قولت اديكوا اجازه من السؤال اعتبروها اجازة نص السنه
***********************************
بلطجيه 00 يا احمد الموت علينا حق و كيرو راح الجنه اهو احسن كتير من هنا
********************************
كراكيب 00 ميرسي ربنا يخليك
*********************************
اللي مش عارفه اسمه 00 ده شئ يسعدني لأن عندك حاجات حلوه كمان
اهلا بيك
***********************************
شادي 00 معلش يا شادي بقي اهو ارتاح من الدنيا و قرفها
***********************************
اللي مش عرفاه 00 عينيا حاضر
************************************
سمسم 00 نزورك في الأفراح انشالله

§a§a said...

ياااااااا بقالى كتير مش زورت العشه الكميله

ان شاء الله اتابع من جديد

The Groom said...


فاكرك يا ناسيني

أنا بس بحاول أثبت حضوري لكني يائس تماما من محاولة فهم القصة دي
ان شاء الله لما تبدأي حاجة جديدة حظبطك فيها

تحياتي لك من ماناساس البلد