Monday, March 19, 2007

a walk to remember

كنت قريت بوست للصديق البلوجاوي اللي بعتز جدا بالكومنتات
و البوستات بتاعته ضياء و البوستايه اللي قارتهاله كانت بعنوان
a talk to remember
كانت بوستايه حزينه جدا و من الممكن ان انا اكون بقلب عليه المواجع دلوقتي
بس البوستايه شجعتني جدا علي اني اتفرج علي الفيلم اللي كان بيحكي عليه
و بعد ما شفت الفيلم كان لازم اكتب البوستايه دي منها شكر لضياء علي
انه كان السبب اني شفته و كمان اكتب احاسيسي و محاسيسي
كالعاده و اوجع دماغكوا
a walk to remember
فيلم من انتاج 2002 ؛ فيلم رومانسي من الدرجه الأولي
و ده شئ عجيب جدا لأن انا مش من محبين الأفلام الرومانسيه اوي
بس بالنسبه للفيلم ده و للي كان في البوست اللي قبله
sweet november
الموضوع مختلف و شكلي هتشد كتير للنوعيه دي من الرومانسيه ؛
الفيلم في علاقه جميله بين البطلين تخلي كل واحد نفسه يبقي مكانهم
و الفيلم بيناقش قضيه مهمه و هي التغيير الجذري الخارجي و الداخلي
اللي ممكن يحصل للواحد لما يحب بجد ؛ و ازاي ان اي حاجه كان
من المستحيل انك تعملها او بتتريق عليها قبل الحب بعديه بتحصل
و بكيفك و كمان بتبقي مستمتع ؛ قد ايه كانت البنت ليها رساله
تأديها في حياة الشاب ده ؛ طبعا مش هحكيلكوا علي العياط و المناديل
اللي خلصت قدام الفيلم من كتر ما الحاله قويه اوي ؛ و كان اختيار المخرج
mandy mooreللممثله adam shankman
اختيار موفق جدا هي صحيح مش جميله و لا مبهره بس في وشها نور
و نظره ملائكيه عجيبه و شها فيه حنيه جميله اوي انا شخصيا حبتها اوي


و من المشاهد اللي عجبتني اوي و حفظت الحوار اللي فيها ؛ اّخر مشهد في الفيلم
بعد موت البنت و وزها رايح يزور ابوها و قاله 00
am sorry she never had a miracle
و يرد عليه الأب 00
she did , it was you
و هو ده اللي الفيلم عايز يقوله ان مش المعجزات بس ان حد عيان يشفي اوي
حاجه زي كدا بس انما كون ان حد يغير حياة حد جذريا من الألف للياء و ينتشله من الضياع
و الانحلال و التفاهه و ينقله لعالم مختلف يوصل منه في للنجاح هي دي المعجزه
انا مش لقيه كلام اقوله اكتر من كده غير ان انا سعيده جدا اني
شوفت الفيلم و سعيده اوي بالحاله اللي وصلتلي بعديه
و ادعي في الاّخر لكل الناس بالنجاح و اي حد في حياتك شايف انه عمل التغيير
ده لازم تشكره لأنه اكيد هيكون عمل 00 معجزه
اخر حاجه اقولها ان الأبطال بتوع الفيلم اخدوا جايزة احسن ممثلين في سن المراهقه
سنة 2002 في
Teen Choice Awards
و الصراحه يستحقوها بجداره
سلام
بعد قراية الكومنتات 00
الحته دي بقي عشان ضياء مخصوص و اللي يحب هو كمان مفيش مانع
ده لينك لداونلود للفيلم بس لازم برنامج
bitlord , or utorrent
و لينك الفيلم هنا
اي خدمه يا استاذ ضياء ؛ بس ابقي ادعيلي
سلام تاني مره

10 comments:

Anonymous said...

اكيد ياكوكو فى فرق بين الفيلمين
دى كانت قصة حب متوقعه واستمرت وبرضه لاحظت ان البطلة هى اللى كانت السبب فى ان البطل يبقى كويس ويبقى ليه هوايه وشخصية
هى نهايته حزينه وهاديه انما مش غامضة زى سويت نوفمبر

صحيح انتى بتصنفى فيلم سويت نوفمبر على انه فيلم ايه؟

ودمتى بخير
سلام

مجهول said...

لا كده اشك بقا في قصه حب
sweet november
a walk 2 remember
لا ربنا يستر علي كوكو شكله بيحب
ولا ايه

Diyaa' said...

:(
بس للأسف مش وصلت لمستوي المعجزة ومش عارف هيحصل ازاي لوحدي :( محتاج معجزة اصلاً عشان ابقي معجزة
عايز الفيلم ده علي سي دي :(

moodysalihamidzic said...

فرق كبير حتى بين مراهقيهم ومراهقينا

بيتنا القديم said...

يادي الوقعة السودا

نروح لأميرة البلطجية نلائيها غرقانة

لشوشتها

نيجي عشة الكوكو الكميل

نلائيها هي رخله مش عرفه تجمع من حالة

الحب التي تعصف بها

هو في إيه بالظبط حد يفهمنا يا جماعة

ولا دي حالة من الكيبوبيد إنفجرت في

المدونات

علي العموم ربنا يتمم بخير وعقبال كتب

الكتاب

ويجعلو عامر

يا قلبي يا غريب said...

السلام عليكم
فين كوكو الكميل...؟
بجد وحشني

koukawy said...

حسن محمود 00 هو فعلا مختلف بس هما الأتنين بيدوك صوره للفراق قد ايه بيبقي صعب اوي 00 انا بصنف الفيلم رومانسي اجتماعي
*************************************
مجهول 00 و هخبي عليك برضو يا مجهجه ده حتي كوكو ما بتتبلش في منقاره حبايه
************************************
ضياء 00 بالعكس مادام انت اعترفت انك اتغيرت و انها اثرت فيك يبقي حصلت المعجزه و مدام انت لسه بتكتب يبقي حصلت برضو
و عشان خطرك هجيبلك لينك هزوده علي البوست عشان تنزل الفيلم زي ما انا نزلته
***********************************
مودي 00 اكيد
*********************************
سمسم 00 ارجوك متفهمنيش غلط و شوف انا قلت ايه لمجهول هتعرف
*******************************
يا قلبي يا غريب 00 و عليكم الشلام كوكو هنا علي طول

أميرة البلطجية said...

كده افلامك اللي شجعتني اشوفها كترت يا كوكي..اعمليلي جدول مشاهدة بقي
وبغض النظر عن اني مشفتوش..احب ادلى بجردلي في هذا الموضوع
هل الحب بيغير؟
حقولك رأي..هو الواحد وهو مش في حالة عاطفية بيبقي زي متقولي كده..ثاير
متمرد
لما بيحب بقي..بيهداااااااا..بيحس انه مش عايز حاجة تاني م الدنيا غير انه يفضل مع حبيبه
والحب بيفجر كل طاقات النور اللي جوانا
ربنا يرزق كل الناس الحب الطاهر الكميل
:)
صباح الخير يا قمر

Diyaa' said...

هيا أثرت بس المفروض التأثير يكون أكبر من كده لأ روان معجزة في حد ذاتها واللي يشوف المعجزة ويفضل علي الحالة اللي أنا فيها دي يبقي لسه بدري عليه
بس أديني بحاول والكتابة متعتبرش حاجة
وتسلميلي ولو حملت الفيلم ليكي عندي جايزة
سلام عليكم

koukawy said...

بلطجيه 00 يارب يرزقنا كلنا لأنه احساس كميييييل و اسألي كوكو
*************************************
ضياء 00 ايه هي الجايزه؟؟؟؟؟؟؟؟؟