Monday, March 12, 2007

كوكو يرقد 00

الحلقه اللي فاتت 00
كوكو فقد الوعي و الكوكوهات لفت حوالين دماغه
الحلقه دي 00
فتح كوكو عينيه الكميله بالعافيه لقا الدنيا قدامه مش كميله
و مزغلله خالص ؛ و حرك كوكو الكميل دماغه يمين و شمال
حس انها تقيله اوي ؛ و ابتدي كوكو شويه شويه يشوف كميل
و شاف كاكوكاكو نايم علي كرسي جنبه و راح كوكو نادهله
و هو مش قادر صوته يطلع 00 يا كاكوكاكو و لأول مره يصحي كاكوكاكو
بسرعه من النوم و راح قايم من علي الكرسي بسرعه و راح لكوكو
و مسك كناحه براحه و قاله 00 ايه يا كميل انت فقت الحمدلله
رد كوكو بصوت مش كميل و موجوع 00 هو انا فين؟
رد عليه كاكوكاكو 00 انت في المستشفي اصل انت كنت متكسر خالص
يا كوكو فبعد العلقه و لما لقيت ابو كوكوهايه اختفي من ساحة
المعركه روحت طاير بسرعه علي المستشفي و طلبت عربية الاسعاف
و جابوك هنا في الستشفي 00 رد كوكو الكميل بسرعه 00
مش مهم انا المهم يا تري كوكوهايه باباها عمل فيها ايه ؟
يا رب ميونش عمل فيها زيّ تيجي نسأل يمكن عمل فيها كده
و نلاقيها هنا معانا في المستشفي ؛ تعرف يا كاكوكاكو انا
مش فاكر حاجه خالص غير ان انا كنت بتضرب و خلاص
الراجل بابا كوكوهايه ده مش كميل خالص ايده بتوكع اوي
بس هو لو كان اداني فرصه انا كنت قلتله ان كوكو قصده كميل
و بص كوكو حواليه لقا نفسه متربط من كل حته و رجليه متعلقه في السقف
و جه يحرك كناحه مقدرش خالص و زعل كوكو كوه نفسه الصغننه الكميله و قال00
انا هعمل ايه دلوقتي ؟ هنشوف كوكوهايه ازاي ؟؟؟؟
و دمعت عينين كوكو و هو بيقول 00 الحمدلله يا رب انت عارف كوكو
الكميل مش بيعترض ابدا بس 00
رد كاكوكاكو بسرعه 00
بص يا كميل انت بمنتهي البساطه متزعلش نفسك و انا هروح بكره اجيبلك
كوكوهايه لحد هنا و متخافش زي ما احنا كنا ماشيين
بس يا كوكو انا عايز اتأسلفك علي حاجه ؛ انا لما سبتك و طرت حصلت غصب عني
انا مش قصدت اهرب و اسيبك 00 رد كوكو 00 انا مش زعلان
اهم حاجه عندي اشوف كوكوهايه 00 رد كاكوكاكو 00 طب ياللا يا كميل خد الدوا
و نام و بكره الصبح هجيبهالك 00
كاكان

7 comments:

حسن محمود said...

حقيقى صعب عليه
ده حقيقى الحب أعمى
كل الضرب ده ولسه عايز يشوفها
ده واضح انه حب عميق جدا
هى كوكوهايه تستاهل قوى كده؟

أميرة البلطجية said...

sniff sniff
سلامتك يا كوكووووووووو

§a§a said...

يا فعلا الحب اعمى

قطع قلبى كوكو دا

Blank-Socrate said...

قلبتى المواجع عليا ...و مين يجبهالى انا ...يلا ... بقولك ايه لازم نجوزهم فى الاخر

М€ŝЋМΣŞĦ said...

حمد الله علي السلامه لكوكو الكميل

بس انا حاسس انه مش ناوي يجيبها البر

:D

koukawy said...

حسن محمود 00 طبعا و ده سؤال لازم كوكو يبقي ذوقه كميل زيه
**********************************
بلطجيه 00 كوكو بيطبطب عليكي و يديكي منديل كميل
***********************************
ساسا 00 لامور يا ساسا لامور
**********************************
بلانك سقراط 00 هو انت واقع لشوشتك زي كوكو كده؟
***********************************
مشمش 00 شكله كده

shams said...

ألف سلامة على كوكو الكميل
صحيح .. الحب بهدلة
بس بعد كل ده ازاي كاكوكاكو هيجيبله كوكوهاية لحد عنده ؟؟؟؟
خليه يواظب على الدوا وبالشفا ان شاء الله