Friday, March 23, 2007

يوميات الواحات 00


كتاب يوميات الواحات ؛ من الكتب اللي انا حبتها اوي و انا بقراها لأن انا عموما
بحب اعرف عن الأماكن اللي انا عمري مارحتها 00 و يا رب مروحهاش انشالله
بيحكي صنع الله ابراهيم من بداية حياته سريعا ؛ خلفيته و ابوه و اللي أثر فيه
وصولا بفترة اعتناقه المذهب الماركسي و السنين اللي قضاها في المعتقلات
و منها معتقل سجن الواحات اللي كان ليه اثر كبير اوي في انه يسيب العمل السياسي
و يتفرغ للكتابه ؛ بس مش ده اللي عجبني اوي في الكتاب لأن دي مجرد ذكريات
صحيح مثيره جدا بس قارتها لكتاب كتير من النزلاء الدائمين في المعتقلات ؛ انما
اكتر ما شد انتباهي هو الجزء التاني من الكتاب اللي هو عباره عن الـتأملات اللي كان بيكتبها في زنزانته و حتي كاتبلها عناوين بأسامي الشهور اللي كتبها فيها
هي نقط غير مترابطه بس كل نقطه فيها تستدعي انك تقراها اكتر من مره عشان تشبع منها و تستوعبها
يعني مثلا من النقط اللي انا وقفت قدامها و عجبتني 00
*عندما نعبر عن انفسنا فأننا نعبر عن الجماعه ؛ لقطه من عند السور ؛
ما هو المشترك ما بين هذه الجموع 00 الملل ؛ القرف ؛ سقوط الأقنعه 00 ذهبت
رومانسية النضال ؛ بقت الحقائق عاريه تماما ؛ عبادة الفرد و انهيارها ؛ اعادة رومانسية النضال ؛
بقت الحقائق عاريه تماما

**************
* لن يكون للحياه معني الا اذا توقفنا فجأه و نظرنا اليها فرأينا كل ما لم تكن تراه عيوننا من قبل ؛
اذا ما رأينا كل ما يختفي تحت السطح ؛ اذا ما ثار فضولنا لنري معجزة الحياه اليوميه
********************
علي العموم اللي يحب يشتري الكتاب هو الناشر 00 دار المستقبل العربي
و بيتباع في 00 مكتبة مدبولي
و سعره 00 25 جنيه
و محدش يقول يا لهوي غالي
هههههههههههههههههههه
سلام

8 comments:

The Groom said...



سعيد بأنك تقرأين

قل من يقرأ في هذا الزمان

تحياتي من ماناساس البلد

حسن محمود said...

والله يكوكو مش فكرة غالى ورخيص
فكرة موضوع الكتاب نفسه

الواحد بيحاول يهرب من السياسه بأى حال من الأحوال
حالتها وحشه قوى دلوقتى

وبعدين أهرب من السياسه لكتاب يرجعنى ليها تانى ؟
ليه بس كده ياكوكو؟

طيب ممكن تقوليلى ليه خطر الكتاب ده على بالك؟

وبعدين ياستى الواحات جميلة انا نفسى ازورها
بس مش السجن أكيد
مافيش أغلى من الصحة والحرية

ودمتى بكل خير وصحة وسلامه
سلام

توتة توتة said...

هو ده اعلان
مدفوع و لا غير مدفوع الاجر

سمسم said...

وحياة ربنا العظيم ما تجيبي سيرة

المعتقلات متفكرنيش

المهم

انا مكنتش اعرف ان الكوكو الكميل

متجوز من كاكوكو شجاع ونبيل

بس اميرة البلطجية ربنا يسترها لفتت

نظري...الف مبروك وعقبال ما نسمع

في بيتكم صوصوة

مسرح الغلابا said...

koukawy
سلام كبيييييييير اوي لكوكاوي ... سلام مربع
مسرح الغلابا كله بيسلم عليكي و بيقولولك بلاش اللون الاسود بتاع البلوج ده ... مش عارفين نقرا حاجة ...
بس واضح انه بلوج لذيذ ...
جو اون و جود لاك ..


درويش

koukawy said...

the groom 00
سعيده انك سعيد و تحياتي لكل اهل ماناساس البلد و نورت العشه الكميله و تعالي علي طول لحسن تضلم و كوكو يزعل
*********************************
حسن محمود 00 بص يا سيدي مش الكتاب ده بعينه اللي خطر علي بالي انما انا من هواة اني اقري لكل حد و لو عجبني اداوم علي قرايته فانا كنت رايحه اشتري امريكانللي في الأصل بس مش لقيتها و انا مكنتش قريت قبل كده لصنع الله ابراهيم و بقالي كتير بدور علي كتبه و اخيرا حد قاللي علي مكانها فلما رحت ما لقيتش اللي انا عايزاه لقيت كذا حاجه تانيه فلقيت ان افضل كتاب فيهم اتعرف منه علي شخصية الكاتب هو ده ده غير شغفي انا اصلا بسماع الحواديت اياها و طبعا انت فاهمني
***********************************
توته توته 00 لأ غير مدفوع اصل كوكو يحب يعمل الخير و يرميه في البركه
*********************************
سمسم 0 انت كنت هناك و لا ايه ؟
ميرسي ؛ هههههههههههههه
**********************************
مسرح الغلابه 00 سلام مدور و مستطيل و مثلث لمسرح الغلابه كله
و بالنسبه للون صعب شويه اغيره بس ممكن اكبر الفونت من البوستايه الجايه و احنا نقدر نرفضلوكوا طلب
و ميرسي يا درويش و تعالي كتير

Mohamed A. Ghaffar said...

مبحبش صنع الله ابراهيم ونفسى اروح الواحات

koukawy said...

محمد عبد الغفار 00 انا كمان نفسي اروح الواحات عمري مارحتها
بس انت ليه مش بتحب صنع الله ابراهيم؟