Sunday, March 25, 2007

شعبان قائض الانتفاضه السياسيه

كل ما اعدي في شارع الهرم و بالتحديد قدام كازينو الليل
اشوف يافطه كبيره للي بيطلقوا عليه قال ايه لا مؤاخذه
فنان شعبي ؛ الشخص العجيب من كل حته شعبان عبد الرحيم
صوره كبيره ليه علي باب الكباريه مكتوب عليها
الفنان شعبان عبد الرحيم
قائد الانتفاضه السياسيه و رئيس وزراء الفنانين العرب
تخيلوا اما هذا الكائن العجيب و الغريب الأطوار اللي مينفعش
اصلا يطلقوا عليه لقب فنان بأي حال من الأحوال يبقي قائد
الانتفاضه السياسيه ؛ الله يرحم قواد الانتفاضات
اللي عمرهم ما خدوا الشهره و لا الضجه دي
الناس اللي ماتوا شهداء و اتبهدلوا و طلع عينيهم
ياخد لقبهم هذا الشعبان اللي هيتحفنا قريب بأبنه كمان
عشان يكمل المسيره الشعبانيه العظيمه
استغفر الله العظيم ؛ اعتقد ان الموضوع مش ناقص كلام اكتر
من كده 00
سلااااااااااااااام

11 comments:

رفقه عمر said...

شوفى ياكوكو الزمن دة اخبر عنه الرسول صلى الله عليه وسلم انه يكرم فيه السفيه واللئيم ويهان فيه الكريم شوفى مين الذين يسلط عليهم الاضواء كل التافهين ذى سعد الصغير وامثاله فى كل المجالات دة زمن احنا عايشين فيه ولازم نتحمله الى ان يقضى الله امرا كان مفعولا

safa7_karmooz said...

ياااااااااااه...اول مرة ااخد بالى من اللافتة دى ...رغم انى بعدى كل يوم ...بس مببصش اوى ...اهو ....خرابة زى اللى جمبها

....

مش فاكرة يا كوكو وقت اغنة سعد....كانوا عاملين الصورة الكبيرة بتاعته لابس ايه ومسمينه قائد الثورة

حسن محمود said...

وليه كوكو يروح الحتت دى
ولو حاجه ضرورى سدى عينيكى ومناخيرك وكل حاجه
مش القوالب نامت والانصاص قامت؟

يلا معلش

صحتك بالدنيا

دمتى بخير

يعقــــوب .... said...

مش محتاجة اصلا حد يكلم عليه..الناس ده غذائها و البنزين بتاعها هو كلام الناس و كده كل لما الناس تتكلم هليهم اكتر سواء سلب او ايجاب كل لما شهرتهم تزيد...فبلاش نحطلهم بنزين ونسيبهم لحد لما يشحروا

koukawy said...

رفقه عمر 00 و نعم بالله نورتيني يا عائشه
**********************************
سفاح كرموز 00 اه فاكره طبعا ؛ بس و انت معدّي المره الجايه ابقي بص هتشوفها
************************************
حسن محمود 00 يا اخي ده انا لو سديت الحياه حواليا الحاجات العجيبه دي بتخترق دي حاجه
**************************************
يعقوب 00 ليك حق بعا بس في نفس الوقت لازم الواحد يقول انه واخد باله لحسن لا اراديا يتعود علي كده
منورني بزيارتك الدائمه لعشتي المتواضعه

يعقــــوب .... said...

بالعكس أنا شايف إن المفروض حاجة زي ده منخدش بالنا نها و حتى لو شفناها نطنش لحد ما تضمر و تاكل نفسها..فالنار تأكل نفسها إن لم تجد ما تأكله.. و عموما عستك ده تستحق الزيارة أصلها فعلا رايقة

يعقــــوب .... said...

انت متعرفيش!!!مش فانتي إتخطف!!!! :(

يا مراكبي said...

هو ده الزمن اللي الصح فيه بقى غلط .. والغلط فيه بقى صح

هو ده الزمن اللي بقى فيه شعبان عبد الرحيم هو اللي بيقدر يتكلم في السياسة من غيلر ما يعتقل

وعجبي

أميرة البلطجية said...

:D
دي دعاية انتخابية بعملها شعبولة عشان اعينه وزير عندي مع حمادة بيه
هههههه
بس المشكلة ان شعبولة ده رايق..انا مبعينش غير المعقدين نفسيا والسيكوباتيين
!
تحياتي

koukawy said...

يعقوب 00 يا رافع معناويات عشتي ربنا يخليك للعشه يا رب ؛ بس هو فنتي ايه اللي جراله مش فاهمه اتخطف ازاي ؟؟؟؟؟؟؟
***********************************
يا مراكبي 00 شفت بقي يا ابو المراكب و عجبيين
***********************************
اميره البلطجيه 00 لأ و ايه سموك بقي سيبيلوه بقي امور المملكه و شوفي الأقتصاد هيرتفع ازاي من كتر المخدرات و المكيفات اللي هتدخل و تتباع و تبقي التجاره عندك السطه و عالعال يا عم الحاج ؛ ما هو شعبان ده احد اسباب ان حماده بايظ كده

safa7_karmooz said...

النهاردة شاكيراااا كانت بتغنى فنيلت شارع الهرم خاالص....فاهخدتها مشى وبصيت مخصوص على الصورة العظيمة للقائد شعبولا

يحيا شعبولا رمز القلة :D