Tuesday, March 6, 2007

يا فرحه ما تمت 00

الحلقه اللي فاتت 00
وقف كاكوكاكو و نده علي كوكوهايه
الحلقه دي 00
لفت كوكوهايه و بصت لكاكوكاكو شويه و كوكو الكميل واقف
في المخبأ حاطط كناحه علي قلبه اللي بيدق بسرعه
و بيقول لنفسه الكميله القلقانه يا تري ايه اللي هيحصل يا رب
يا كاكوكاكو ما تعكش الدنيا 00 في نفس الوقت قلعت
كوكوهايه نضارة الشمس اللي هي لبساها و راحت مبتسمه
و عينيها نورت و بان فيها الفرحه و راحت قايله 00
كوكو الكميل صح ؟ و قبل ما كاكوكاكو يرد راحت كوكوهايه مكمله
كلام 00 علي فكره انا اتبسط اوي
بالهديه بتاعت الكوكونتاين
ماكنتش متوقعه انت حقيقي كميل جدا ؛ هو انت ساكت ليه يا كوكو
لف كاكوكاكو وراه و بص لكوكو و راح باصصلها تاني
لأ انااااااااا 000 انت ايه يا كوكو متقول ؛ و رد كاكوكاكو 00
مفيش انا مبسوط يعني اوي انك الهديه كانت جميله اقصد كميله و عجبتك
انا كنت قلقان كلكان لحسن تبقي مش كميله يعني 00
و فضل كاكوكاكو يبص ناحية كوكو كل شويه و في الاّخر
كوكوهايه قالتله 00 انت خايف من ايه و متوتر ؟
رد كاكوكاكو 00 لأ ابدا ؛ و حس نفسه مزنوق فاضطر يقولها؛
اصل انا معايا واحد صاحبي واقف بعيد ؛ ردت كوكوهايه 00
طب اندهله هو مكسوف 00 و حس كاكوكاكو انه اتبسط جدا
ان كوكوهايه قالتله كده و ما صدق اتدور و شاور لكوكو 00
راح كوكو منزل الزعبوط الكميل بتاعه علي وشه عشان متخدش
بالها من شكله و رفع الكوله بتاعت الكلوفر و راح بيسحب رجليه الكميله
علي الأرض براحه و هو خايف و قلبه بيدق و خايف يبصلها لحسن
يبان عليه ووصل كوكو عندهم و رحبت كوكوهايه بيه
و مدت جناحها تسلم عليه و قالتله00 اهلا بيك انا كوكوهايه
انت اسمك ايه ؟ 00 و قعد كوكو يقدم كناح و يأخر كناح قبل ما يسلم
و راح لامس كناحها مسلم و شايل كناحه بسرعه و هو بيفكر في اسم يقوله
بدل اسمه 00 و كوكوهايه قالتله 00 كاكوكاكو الظاهر صاحبك بيتكسف
اوي و لا هو مش عارف اسمه و راحت مصوصوه ضحكه 00
رد كاكوكاكو 00 لأ هو بيتكسف هو اسمه يا سيتي 00
و بعد لحظة تفكير رد كوكو الكميل بسرعه 00 انا اسمي
كركر اهلا بيكي يا كوكوهايه 00 و صوصوة كوكوهايه
و هي بتضحك الله 00 اسمك حلو 00
و فجأه و هما قاعدين بيتكلموا تنح كاكوكاكو و كوكو الكميل اتسمر
و لفت كوكوهايه علي الصوت اللي سمعوه و راحت مصرخه0000
كاكان

9 comments:

Anonymous said...

دى كوكوهايه سبور خالص
وهاى كلاس خالص

وراكى وراكى لحد ماشوف النهاية

:)

Blank-Socrate said...

كوكوهايه عندها اختى اصغر ... ممكن تنزلهالى الحلقه الجايه

أميرة البلطجية said...

ايه؟ بابا كوكوهايه جه؟؟؟؟؟؟

§a§a said...

جميله الحلقه

ومنتظرين ما سيحدث

koukawy said...

حسن محمود 00 ياه ه ه ه ه النهايه الله اعلم امتي
*************************
بلانك سقراط 00 هههههههههههههههههههه
هسألها
************************************
البلطجيه 00
مش هقولك لالالالالالا
*************************************
ساسا 00 ميرسي

مجهول said...

جميل اوي كوكو
بس ايه العز والدلع ده
دمك خفيف وبوستك جميل
مدونتك رائعه
تشرفت بزيارتك
واديني حكمل بقيت صوصواتك
لك تحياتي

heba said...

وبعدين بقى .. هو كوكو قلب أكشن
كده وقعتي قلبي يا كوكه
مستنية الحلقة الجاية على نار

كلبوزة لكن سمباتيك said...

حبيت اسلم على كوكو
الجميل

:)

koukawy said...

مجهول 00 كوكو مبسوط و بيرفرف اوي انك زرت العشه و عجبتك
**********************************
شمس 00 متخافيش جمدي قلبك
**********************************
سمباتيك 00 و كوكو الكميل بيقولك وحشتيه و تعالي سلمي علي طول