Wednesday, March 21, 2007

عيد مامة الكوكوهات 00

الحلقه اللي فاتت 00
كوكوهايه راحت زارت كوكو الكميل في المستشفي
الحلقه دي 00
كوكو قاعد علي كرسي بعجل و لسه متجبس و كاكوكاكو ماشي في الطرقه بتاعت
المستشفي و متجه ناحيه الأسانسير و كوكو بيقوله 00 هو صحيح المستشفي المفروض
مش كميل و اللي بيخشها بيبقي عشان هو مش كميل بس انا زعلان عشان ماشي لأن كل الناس هنا كميلين
و الكوكارضات طيبين خالص يا كاكوكاكو انا نفسي اقعد شويه كمان
رد كاكوكاكو 00معلش يا كوكو تعالي زرهم لما تبقي كويس بس دلوقتي انا لازم

اروحك و بعدين اروح اشوف مامتي عشان بكره عيد الأم و لازم اقعد معاها
رد كوكو الكميل و هو حزين 00 اه صحيح ماشي و سلملي عليها
بس يا كاكوكاكو انا نفسي اعرف اوي موضوع سر ان كوكوهايه مش بتطير عشان خاطري الكميل
تاني يوم علي طول تروح تستاناها و انا هحملك المسؤليه لأن انا طبعا مش هعرف اكي معاك
و وصلوا تحت الشجره اللي فيها شقة كوكو ؛ و طبعا كانت المشكله الكبيره ازاي هيطلع كوكو و الكرسي اللي بعجل
بس عرف كاكوكاكو يتصرف و راح خبط علي الجيران بتوع كوكو و كانوا كوكوهين كبار و ضخمين
بس طيبين و كميلين و طلب منهم انهم يساعدوه و طبعا رضيوا علي طول
عشان كوكو الكميل حبيب الملايين الكميلين ؛ و شالوا كوكو الكميل طلعوه قدام باب الشقه
بالكرسي ؛ و قالهم كوكو 00 ميرسي اوي يا كيراني يا كميلين مش عارف اقولكوا شكرا ازاي
ردوا عليه 00 لا شكر علي واجب يا كوكو الكوكوهات لبعضيها و بعدين النبي وصا
علي سابع جار كوكو؛ سلام بقي ؛ و دخّل كاكوكاكو كوكو الشقه و سلم عليه و مشي
و قعد كوكو في البيت لوحده و افتكر ان كاكوكاكو رايح لمامته عشان عيد مامة الكوكوهات

و قعد كوكو يبص في السقف و يفتكر لما كان صغير و مامته بتأكله في منقاره الكميل
و ازاي كانت بتطير و ترجع كيباله حبوب و كمح و اكل كميل هو بيحبه ؛
و لما كان يبقي عيان و مش حاسس انه كميل كانت تفضل سهرانه كنبه طول الليل
تعمله كمدات و تديله الدوا ؛ و ازاي لما كان يرجع من المد رسه تقعد تذاكرله
و حتي لما كانت تزعقله او تضربه هو قد ايه كان بيبقي مبسوط انها بتخاف عليه و بتحبه
اوي كده ؛ و سرح كوكو بعيد اوي و افتكر الأغنيات اللي كان بيشغلها في البيت
في عيد الأم و ازاي كان بيعملها مفجأه و يجيبلها هديه كميله و افتكر يوم
ما اشترلها فستان ريشه اخضر كميل و فيه زراير و سوسته و ازاي جه ضيق
عليها و لما نزل بسرعه و طار كتير عشان يغيروا و لما راح مش لقا نفس اللون
و زعل و جاب لها واحد تاني موف و ازاي هي لبسته وهي فرحانه ؛
فاق كوكو من السرحان و راح بالكرسي اللي بعجل و دخل الأوضه بتاعت كوكايه مامته
و فتح دولاب هدومها و مسك الفستان الموف و حطه في حضنه ؛ و راح ناحية الكومودينو و فتح الدورك
و طلع منه البوم فيه صور للعيله ؛ و قعد كوكو و هو بيعيط و حاسس بالوحده
يتفرج علي الصور ؛ صوره و هو و مامته علي البحر في الصيف ؛
و صوره مع مامته في حفلة المدرسه ؛ و صوره ليهم في كنينة الكوكوهات بيزوروا
صحابهم 0000 ياه ه ه ه يا كوكو فين الأيام الكميله دي
و رنت في ودن كوكو اغنيه مامة كوكو كانت بتغنيهاله علي طول قبل ماينام 00
كوكو الحبايب يا كوكوهي انت 00 يا احلي كوكو في حياتي انت
تقول يا ماما يا كوكو ماما 00 مشبعش عمري من كوكو الكيمل
مشبعش عمري من كوكو الكميل 00 كوكو الحبايب يا كوكوهي انت
و خرج كوكو من الأوضه بتاعة مامته و قرر انه لازم يفتح الأغاني في البيت زي ما كان
بيعمل زمان و اكيد مامته هتبقي فرحانه بيه و هتحس بيه 00
و فتح كوكو اغاني 00
كوكايه يا حلوه يا اكمل غنوه 00 عاشيه في كلبي و كوه عنيا
يا كوكايه يا ماما 00 يا ماما يا كوكايه
انتي يا كوكايه يا مامتي من الكنه 00 تحت كناحك اعيش و اتمني
************************************************
كوكايه زمانها كايه 00 كايه بعد شويه
كايبه لكوكو هدايات 00 كايبه معاها شنطه
فيها بطه و وزه بيقولوا كاكاك
عارف الواد اللي اسمه كوكو كه الكوكتور و عمله ايه
************************************************
و يا ماما بنحبك من كلبنا 00 بببمبمبمب
و يا ماما يا حبيبة الكووووووووك
*********************************************
و نام كوكو الكميل و هو بيسمع الأغاني ؛ و بيعيط
و صحي تاني يوم علي خبط جامد عيلي الشباك
و صحي لقا كاكوكاكو جه و راح فتحله الشباك و دخل كاكوكاو و اول كا دخل قاله 00
هيههههههههههه ؛ انا عرفت ليه كوكو هايه مش بتطير
كاكان

6 comments:

سمسم said...

كل سنة وجميع ماماوات الكوكوهات طيبين

الحياة مش دايماً كلها سعادة

بس إحنا اللي بإدركنا ممكن نخليها كده

يعني نحول جراحنا لحظات ذكري نبتسم لها

بس ولما نحس ان إحنا مش قادرين نغالب

الدمعة...نؤول للدنيا اكيد في ناس

عاشوا ظروف اصعب من كده...وعشان كده

انا لازم اعيش

الكوكو فاهم كلامي ولا اصوصو من تاني

يعقــــوب .... said...

جميل جدا انك عرفتي تمزجي ما بين حكاية كوكو ده و يو الأم بأسلوب معبر و عموما زي ما قال الأخ أحسن حاجة للذكريات اننا نحولها لحظات للسعاده مهما كانت...وشكرا على القصص الجميلة ده

أميرة البلطجية said...

كل سنة وكل الامهات في العشة طيبين
مش بس الامهات اللي عندهم كوكوهات صغيايرن..لأ كمان الكوكوهات اللي لسه معندهومش بس هم امهات في قلوبهم
:)

حسن محمود said...

كل سنة وكل أم كوكو وهى كميلة

وبعدين بقى معاكى ياكوكو

عماله تشوقينا ليه هى مش بتطير؟
انا قلت كل حاجه ممكنة بس أوعى يكون كانون المرور بيمنع الكوكوهات الصغيرة انها تطير
ولا يكون كناحها الكميل فى جرح ولا حاجه

كوكو كفايه تشويق واثاره وقولى ليه بقى هى مش بتطير

خلص الكلام عايزين الحل بقى
:)
كاكان

يا قلبي يا غريب said...

كملي ...؟
وقفتي ليه عن الكتابه الكميله
انا حاسس ان كوكو الكميل ده اخويا الصغير الكميل
و ادعيلي ربنا يصبر قلبي الغريب الي مش كميل
كملي بالله عليكي و سيبك من الافلام كوكو الكميل احسن من الافلام الي مش كميله

koukawy said...

سمسم 00 لا فهمت بس لو عايز تصوصو تاني مفيش مانع هو في احلي من الصوصوه
***********************************
يعقوب 00 ميرسي انها عجبتك
*********************************
بلطجيه 00 الله حلو الكلام ده
***********************************
حسن محمود 00 متقلقش خلاص الحلقه الجايه يعلن اسم الفائز
*********************************
يا قلبي يا غريب 00 مش كله مره واحده لازم نعمل ساسبنس ؛ و بدعيلك ؛ما هو انا بكتب في كاتيجوريز كتير و الحلقه مش بعرف اكتبها كل يوم لأني بفكر كتير هكتب ايه
عشان كده مش بكتبها كل يوم هي يوم اه و يوم لأ ؛ متزعلش