Thursday, March 29, 2007

كاكوكاكو حكي الحكايه 00

الحلقه اللي فاتت 00
كاكوكاكو جه لكوكو الكميل بعد 7 ايام من الأختفاء
الحلقه دي 00
كاكوكاكو بص لكوكو و قاله 00 تعالي يا كوكو نقعد عشان انا هحكيلك
كل حاجه ؛ رد عليه كوكو بتلهف و هو رايح عند الكرسي و بيقعد 00 تحكي كل
حاجه يا كاكوكاكو من صوصو لسلامو عليكوا ماشي يا كاكوكاكو يا كميل انت00
قعد كاكوكاكو علي الكنبه و باين عليه مش عارف يبتدي منين الحكايه
و بعدين بعد تردد كده قال 00 انا يا كوكو لما سيبتك هنا اخر يوم
روحت نمت عادي و تاني يوم استنيت كوكوهايه و هي نازله تركب الأوتوبيس
و ركبت معاها و قعدنا جنب بعض و قعدت تحكيلي عن نفسها كتير من ساعة ماكانت
في البيضه ؛ و لما وصلنا المدرسه انا مكنتش عارف اقولها الموضوع ازاي
و قضيت معاها يوم جميل جدا و اكتشفت في النص ان انا مش بتكلم زيك و ان انا
نسيت الكلمات اللي انت علمتهالي و الغريبه ان كوكوهايه مخدتش بالها ؛
و حسيت ان انا علي طبيعتي خالص ؛ و في اليوم ده روحنا و انا معرفتش
اقولها بس اتفقنا ان هروح معاها تاني يوم تاني فقلت بلاش اجيلك غير لما اقولها
و تاني يوم رحت معاها المدرسه تاني و مش متخيل يا كوكو الكوكوهات الصغيرين
اللي في المدرسه انا اتصحبت معاهم ازاي و بقيت اساعدهم ؛ و في اليوم ده
حكيتلي كوكوهايه ازاي حصل ان معندهاش جناح و قالتلي ان ده حصل من ساعة
و هي بتتباض لأن و هي بتخرج من البيضه اتزنق جناحها تحت حته من القشره
و بعدين و هي بتشد راحت قاطعه حته من جناحها و طبعا جري بيها
باباها و مامتها علي الدكتور بس عقبال ما الدكتور و صل كان مش في حل غير
انهم يقطعوه و بعديها لما كبرت دخلت المدرسه دي 00
كوكو انت مش بترد عليا ليه ؟
ابدا يا كاكوكاكو بسمعك كمل عايز اعرف الباقي 00 و بان علي كوكو علامات مش كميله
من القلق و الضيق
و بعدبن يا كميل في اليوم ده برضو مش عرفت اقولها 00 و حصل تاني يوم ان عندها اجازه
بس هي هتقول لمامتها بس انها نازله معايا و هتقول لباباها رايحه الشغل
و قالتلي انها حكيت لمامتها عني 00 تاني يوم خدتها و رحنا قعدنا علي في روستوران
كوكوشقره 00 و احنا قاعدين هناك قلتلها ان انا عايز اتقدملها
و بالصراحه يا كوكو انا 00 انا 00 انا كنت 00
كمل يا كاكوكاكو 00 رد كوكو بصوت مش كميل
بصراحه يا كوكو انت كان عندك حق اما قلتلي زمان علي الوساوس اللي مضايقاك
انا و انا بتقدملها حسيت ان انا اللي بتقدملها صدقني حاولت كتير امنع نفسي بس معرفتش
المهم لقيت نفسي بقولها علي الحقيقه كلها و ان انت كوكو الكميل مش انا و كنت
مستني منها انها تضربني بجناحها علي وشي و تقوم بس لقيتها بتقولي طب ليه
عملتوا كده انا صحيح كان مثلي و كوكو احلامي هو كوكو الكميل بس لما
قابلتك لقيت ان انت الكوكو اللي انا بحبه 00 بس انت هتعمل ايه مع كوكو
هتقوله ازاي؟؟؟؟؟؟؟
رديت عليها ان انا محتار و مكسوف اوي منك و مش عارف و قضيت
بعديها الأيام اللي قبل ما اجيلك حيران جدا و مش عارف اعمل ايه
و كانت كوكوهايه عايزه تتصل بيك بس انا قولتلها لأ اناهروحله
و اديني قاعد قدامك اهه في نص ريشي و مش عارف اقولك ايه
بس انا اسف يا كوكو غصب عني 00 و بص كاكوكاكو لكوكو
و هو بيدمع و دي كانت اول مره كاكوكاكو يعيط و قاله 00
انا بحبها غصب عني يا كوكو قولي حاجه زعقلي اطردني من البيت حتي 00
بص كوكو الكميل و هو متنح لكاكوكاكو و بعد شويه رد و قال 000000
كاكان
************************************************************
سؤال الحلقه اللي فاتت 00
ماشاء الله ربنا يزيد و يبارك الكسبانين المره دي كتيييييير
السؤال كان 00 يا تري كاكوكاكو هيقول ايه لكوكو ؟
و الاجابات كانت كده 00
يعقوب 00 شكله هيعمل ندل في زمن الأندال
شمس 00 انا حاسه زي ما يكون مشاعر حب تسللت لقلب كاكوكاكو
من حيث لا يدري
اسراء 00 اوعي يكون قالها انه حبها و خطبها لنفسه

مبروك يا كميلين يا فايزيين
ياللا بقي شدوا حلكوا للسؤال الجديد
السؤال هو 00 يا تري كوكو الكميل هيكون رد فعله ايه؟؟؟؟؟؟؟؟؟
ربنا معاكوا و فكروا كويس

6 comments:

ert3ashat said...

هيقوولوا ايه :'(...:'(...:'(....كل مرّه كده يا ربّي...مبخبش الاخراج الحلو في المسلسلات..:):):):)

حسن محمود said...

لالالالالالا
انا حزين جدا جدا جدا جدا
انتى صعدتى الموقف على الاخر

بقى اغيب يومين عن العشه بس الاقى كل ده حصل
خياااااااااااااااانه
انا هاأقوم أعمل شوربه عصافير ولسان عصفور
أهههههههههههههههههههههه
ياقلبى
طعنة غادرة من الصديق

انا اذا كنت كوكو اللى اتجرح كنت هامسك سكينة وأدبحوا بيها وأروح وأدبحها هى كماااااان
وكنت أروح أسلم نفسى للكوليس
وأعترف
:(((((((((((((((
لا بجد زعلتينى ياكوكو حتى فى القصة زمن الأصحاب الحكيكيين راح ومابقاش فى اصحاب
طيب أروح فين بقى

كاكو يستحق قطم رقبته

كوكو الكميل هايقولوا أطلع بره بيتى ياغراب
مش عايز أعرفك ولا أشوفك

مافيش كاكان
فيه كم للركب

يعقــــوب .... said...

كوكو يستاهل الجراله..مهو عارف ان كوكوهاية ده جميلة و اي حد ممكن يقع في غرامها على طول و بسهوله عشان مفيش زيها في الزمن ده...خليه يشرب بأه

أميرة البلطجية said...

شفتي بقي..مش قلنا زمان في اول القصة حيستندل
ادي اخرتها
ماشي يا كوكي

Great wishes said...

معلش بقى انا سبتنى من القصه و الموضوع و مسكت فى الجوايز اللى فى الاخ ر..بجد موتت من الضحك .. بس لا انا لازم اتشجع و اشارك ..بس الجوايز ايه بقى

koukawy said...

ارتعاشات 00 اهو هو ده التشويق و اسيبك علي نار
هههههههههه
***********************************
حسن محمود 00 للأسف انت خسرت يا ابو علي
********************************
يعقوب 00 الطيب في الزمان ده بيقولوا عليه عبيط ما هز ما كانش مخون
***********************************
اميرة البلطجيه 00 كان لازم يسمع كلامك بس كوكو و الوساوس مش بيتفقوا
************************************
great wishes 00
اسمك بيتكتب في الحلقه الجديده و تلاقي كل العشه بتصقفلك
هههههههههههههههههههههههههههههههههه