Saturday, March 3, 2007

كوكو بدأ الخطه 00

الحلقه اللي فاتت 00
كوكو طلعله ريشة المعلم
الحلقه دي 00
نام كوكو زيّ ما هو علي الكنبه قدام التليفيزيون و هو بيفكر
و لما طلعت الشمس دخلت من الشباك و لمست عينين كوكو الكميل
فتح كوكو عينيه الكميله براحه و قام و كان عنده صداع جامد اوي جوه راسه
و دخل كوكو الأوضه لقا كاكوكاكو نايم 00 فراح كوكو جنبه براحه
و قاله بصوصوه كميله 00 يا كاكوكاكو يا للا عشان نفطر و ننزل
يا كاكوكاكو 00 و كاكوكاكو زيّ ما معروف ان نومه تقيل اويييييي
زغزغ كوكو كاكوكاكو في كناحه راح كاكوكاكو قايم مخضوض
و قال 00 في ايه؟ 00 و لقا كوكو قاعد جنبه علي السرير
و بيقوله 00 يا لا يا كسلان عشان نفطر و ننزل 00
و قام كاكوكاكو غصب عنه 00 و دخل كوكو و كاكوكاكو
المطبخ و كان كوكو حضر السندويتشات و حطهم في الشنطه
و صلا الصبح 00 وقال لكاكوكاكو 00 انا عملت سانكوتشات
عشان ناكل في السكه و منتأخرش اننا نروح لكوكوهايه 00
و نزل كاكوكاكو و كوكو و قرروا انهم يتمشوا عشان
مكنش في محل فاتح يشتروا منه سبت يقعد فيه كوكو 00
و بدأوا الرحله لبيت كوكوهايه 00 و قال كوكو لكاكوكاكو
و هما بياكلوا السندوتشات و بيتمشوا 00 كاكوكاكو انا عايزه اقولك حاجه
بس متزعلش 00 رد كاكوكاكو 00 قول يا كوكو و انا مش هزعل منك يا
كميل انت يا كميل 00 قال كوكو 00 اصل انا بقالي فتره
يا كاكوكاكو بيجيلي صوصوات في ودني بتقولي ان اللي انا بعملوا
غلط و ان انا مش المفروض ادخلك وسيط بيني و بين كوكوهايه
لحسن سوري يعني انت تبقي خاين و تحبها و تحلقلي اكتر ما انا محلوق
و الصوصوات الكهريه دي عماله تغلطني و تقولي غير اللي في دماغك
بس انا اقول للصوصوات ان انا واثق في كاكوكاكو ؛ انت رأيك ايه
يا كاكوكاكو طمني انا صح و لا انت هتلعب بمنقارك من ورا
ضهري الكميل؟؟؟؟؟؟؟
رد كاكوكاكو00 ايه يا كوكو اللي بتقوله ده انت كده مش واثق فيا
انا عمري ما اعمل كده ابدا 00 رد كوكو 00
انا يا كاكوكاكو عارف انا بس كنت بقولك عشان ابقي صريح
المهم دلوقتي لما نوصل هتقف انت علي محطه الكوكوبيس اللي كوكوهايه
بتنزل فيها و هي راجعه من الشغل و انا هقف بيعيد اشاورلك عشان متتلخبطش
و لو لقي نفسك هتتلخبط شاورلي و قولها ان انت معاك واحد صاحبك
و سميني اي اسم تاني غير اسمي ماش ي يا كاكوكاكو 00
ووصلوا اخيرا بعد مشي كتيييير للمحطه و ساب كوكو كاكوكاكو و قاله
قبل ما يستخبي 00 بص الساعه دلوقتي اتنين هي بتيجي علي 2 و نص
خاليك باصصلي و اول ما هشوفها هشورلك و تبتدي تتعرف عليها
ماشي فاهم يا كاكوكاكو و لا هتنام علي المحطه 00
كاكان

4 comments:

nuh ibn zbigniew gondek said...

As salaam alaikum.

I write. Come by inshallah.

Wa salaama,

nuh ibn

حسن محمود said...

قوليلى ياكوكو ياكميل
العصافير دى من دماغك فعلا؟

مش خايفه من انفلونزا الطيور؟
;)
حقيقى اسلوبك جميل ومشوق ومستنى نشوف اخره العصافير دول ايه

هى الحقوق بتخلى الواحد مبدع كده؟
مستنى الحلقة الجايه

أميرة البلطجية said...

احنا مش شاكين في كوكوكاكا..احنا شاكين في الشيطان المش كميل

koukawy said...

nuh ibn .. u`re welcome to koukou`s nest and i`ll visite your blog inshallah
********************************
حسن محمود 00 بص هقولك زيّ المسلسلات العربي ان اي تشابه في الأحداث او الشخصيات مع الواقع هو توارد خواطر لأبداع المؤلف 00 و بعدين بالنسبه للأنفلونزا متقاقش كوكو و بقيت الأبطال مطعمين 00 و ميرسي علي رأيك اوي انت كمان الكومنتس بتاعتك مشجعه و تابع بقيت الحلقات
**********************************
البلطجيه 00 اللهم اخزيك يا شوشو ياللي هتهوب ناحية كوكو او كاكوكاكو