Sunday, March 4, 2007

سينما الأطفال 00


اي حد مهتم بالسينما هيعرف ان مهرجان سينما الأطفال
اللي بتقام فعلياته في القاهره سنويا بدأ فعلا من يوم 1 مارس
و أخر يوم 8 مارس ؛ و بتشارك زي كل سنه بلاد البلطيق
استوانيا و ليتوانيا اللي بيعتبروا من الدول الناجحه جدا
في سينما الأطفال الروائيه و مشاركين السنه دي ب7 افلام
مشاء الله و منهم فلمين عرايس ؛ اما السينما المكسيكيه
فكان ليها نصيب الأسد و مشاركه 13 فيلم متنوع ما بين
افلام الرسوم و الصلصال و الروائيه الطويله و القصيره
اما البلاد العربيه اللي مشاركه 00 سوريا 2 فيلم
فلسطين فيلم و ده شئ مشجع جدا و الأردن و تونس
كل واحده بفيلم ؛ اما بالنسبه لمصر ما قالوش
بالظبط عدد الأفلام المشاركه و لا نوعيتها 00
المهم ان اللي فات ده كله كان مجرد بانوراما سريعه قبل ما ادخل
في الموضوع 00 يا جماعه شاغل بالي من زمان تساؤل وهو
ان ليه مصر معندهاش رصيد كويس من سينما الأطفال؟؟؟؟؟؟؟
و انا اقصد بسينما الأطفال مش الكارتون لأن في سنه من السنين كانوا
مشاكين ببكار اللي كان يعتبر طفره في الرسوم المتحركه في مصر
انما انا اقصد السينما الروائيه القصيره او الطويله
اللي بتكون ببطولة اطفال و بتناقش قضايا اطفال
انا شايفه ان النوع ده مختفي من سينمتنا خالص رغم انه
مهم جدا و حتي بالنسبه للكارتون و الرسوم المتحركه
اغلبها مستورد و احنا مدبلجينه او ممصرين الصوت
نفسي في يوم اشوف فيلم مصري من النوعيه بتاعت
marry poppins, the little princess,
jumanji,baby`s day out,home alone
و اكيد في تاني بس انا مش فاكره ؛ معرفش
حلمي كبير و لا ممكن في يوم من الأيام
نتخلص من افلام الجزارين و الفكهانيه و بالفلوس
دي نعمل سينما اطفال ؛ ده فلسطين المحتله
مشتركه بفيلم نبقي احنا بلد الديموقراطيه
و الحريه مايبقاش عندنا فيلم واحد كل سنه؟؟؟؟؟؟؟
يا للا ما هو الواحد لازم يبقي عنده طموح
سلام

12 comments:

حسن محمود said...

والله ياكوكو ياكميل مش عارف اقولك ايه
بس اللى واثق منه انه هايطلع ليكى وزير الاعلام ويقولك
مصر الريادة ومصر السباقة ومصر الأولى
للأسف الكلام ده مضبوط بس أيام الأربعينات والخمسينات ويمكن الستينات
انما العقود الأخيرة تراجع خزعبلى فى كل حاجه
وبعدين ماحنا الأفلام الهابطه الى عندنا دى كلها الاطفال هموا اللى بيدخلوها

بس بجد انتى شكلك عندك طموح انك تألفى قصص وروايات وحكايات وده شىء جميل واشجعك عليه
والدليل انك خلتينى اقرء كل المدونة بتاعتك
حاولتى قبل كده تنشرى القصص دى فى مجلة او فى كتاب؟
طبعا الواحد لازم يبقى عنده طموح وأمل
ومستنى ياستى بقية قصة كوكو
وسلام

أميرة البلطجية said...

معاكي حق
هو اتحنا فعلا لسة مخلصناش من نظرتنا السطحية للطفولة
يعني الطفل بوجه عام مهمل عقليا من ابوه وامه..بيلبسوه ويأكلوه ويشربوه وبعدين يحرموه من الهوايات ويسفهوا رأيه ويكبسوه كل شوية
فعموما دي ثقافة
بس انا ارشح قصص كوكو لأنها تتعمل كرتون وياخد جايزة كمان

shams said...

فعلاً عندك طموح يا كوكو وطموح رائع كمان لأن احنا لو عملنا سينما اطفال عندنا يبقى احنا فعلاً بنهتم بالطفل ومعنى اهتمامنا بالطفل يعني نهتم بيه في كل حاجة من اول اكله وشربه لغاية ترفيهه بالسينما دي مروراً بقى بتعليمه ومعاملاته واجتماعياته وكده

وكل الأفلام الأجنبي اللي ذكرتيها بتطلع الطفل عنده ذكاء شديد في التعامل مع المواقف والخروج منها بشكل مقبول جداً جداً .. تعالي بقى وشوفي برامج التلفزيون بتاعة الأطفال المصريين اللي عندنا .. مجرد ما المذيع يسأله على حاجة ميعرفش يرد ولا يعرف ياخد ويدي معاه في الكلام ويبقى وشه في الأرض وبيلعب في صوابعه وتلاقي باباه ولا مامته واقفين له بعيد يملوه .. يارب طموحك يتحقق يا كوكو

raspoutine said...

دعوة عامه لكل المدونين المصريين لحضور اللقاء الثالث الذى تحدد موعده من قبل المشرفين عليه والمؤسيسن له


وذلك يوم


الجمعه الموافق 9/3/2007


بدار الاوبرا المصريه


كوفى شوب الابداع


بجوار دار الابداع بداخل الاوبرا


والدخول للمكان من البوابه الخلفيه للاوبرا امام النادى الاهلى


والحضور بالملابس الشتوية


واوجه الدعوة خاصة الى الاخوات المدونات

safa7_karmooz said...

وراحت البطة الصوغننه تجرى ورا القطة ام الضفاير الصوغننه...ووقعت فى الميه وفطست

توتة توتة ولعت الحدوتة

ده للاسف مفهوم اى حاجه للاطفال عندنا ...حتى بكار...بوظووه...طفل = مثاثة واى حاجه تسده ...

المفروض يطلعوهم بعثات برا يتعلموا بقى

...بس برضه الاجنبى يكسب ..:)

koukawy said...

حسن محمود 00 كل اللي قلته ارفع ايدي اليمين و اصدق عليه ؛ اما بالنسبه انك قريت المدونه كلها خليتني اتبسط اويييييييييي ؛ و انا منشرتش اي حاجه في مجلات قيبل كده ؛ و كوكو كمان مستنيك تتابع مغامراته
************************************
البلطجيه 00 بتحرجي كوكو و تخلي وجنتينو الصغنين يحمروا
**********************************
شمس 00 يا رب يا شموسه يا رب
**********************************
راسبوتين 00 ميرسي جدا علي دعوتك و هحاول اجي
*********************************
سفاح كرموز 00 للأسف الأجنبي علي طول بيكسب ؛ و فعلا المزيعات دول يجيبوا شلل سداسي للأطفال و الكبار
تخلففففففففففففففففففف

§a§a said...

سفاح كرموز

انت اكيد فى مصر يابنى

اى حاجه تبقى غريبه او مش عارفين نعملها يبقى اكيد فى مصر

اساسا احنا مش عندنا اطفال احنا عندنا عفريت

§a§a said...

نسيت اقول

البلوج دا جميل جدا

وتنظيمه رائع

شادي فايد said...

انا دايما اتسائل

ازاي احنا بنعمل مهرجان زي ده ومعندناش سينما اطفال
---------
بجد
ياريت تيجي لقاء المدونين ده
-------------
لقاء المدونين الشهري

koukawy said...

ساسا 00 علي رأيك هما عفاريت فعلا
و ميرسي علي رأيك في العشه و العشه بقت احلي عشان انت زورتها
*********************************
شادي 00 و شكلك هتفضل تتسائل كتير و نبقي نتسائل سوا بدل ما انا بتسائل لوحدي 00 و هحاول انشالله اجي الاجتماع

Blank-Socrate said...

كوكو الكميل بصراحه احنابنكدب على نفسنا فى كل حاجه و اخرها اننا نعمل مهرجان للاطفال و عندنا الالاف من الاطفال فى الشارع انا بصراحه حاسس ان ذنب الاطفال دول فى لاقبتنا كلنا مش عارف ليه
بافكر اننا ناخذ من كل اسرة مصريه بسيطه 10 جنيه فى الشهر و الاسرة المتوسطه 20 و المرتفعه 100 و نعمل بيهم صندوق كبير نصرف على الاطفال دول
طيب ايه
رايك لو بدل الجمعيه دى نعمل زى الاجانب حاجه اسمها دوله ندفع ليها فلوس بيسموها ضرايب و الدوله تعمل شويه مشاريع كبيرة و الفلوس دى تكون فى ايديها تصرف منها على الاطفال الغلابه و الباقى نستثمره اقولك انا باسحب كل الكلام الكميل قبل ما عمو الدبور يعمل سيرش و يجى العشه الكميله بتاعتنا يلا باااااى

§a§a said...

ربنا يكرمك دا شرف لى