Tuesday, March 27, 2007

talk shows

نتيجة الاستفتاء اللي كنت عاملاه عن افضل برنامج
حواري كانت النسبه من خلال 79 صوت
كالتالي 00

Total votes 79

القاهره اليوم
25%
90دقيقه 11%
الساعه العاشره
35%
البيت بيتك
18%
مش متابع
10%


و من رأي ان نسبه اللي مش متابعين كبيره اوي ؛
دلوقتي احب افتح باب الحوار و ادردش مع اللي صوت و اللي ما صوتش
و بخل علي كوكو بصوته ايه اسباب الأختيار اللي كل واحد اختاره
و اللي ما صوتش هغلس و اغتت شويه معلش استحملوني
يا تري ليه ما صوتش ؟؟؟؟؟؟؟؟؟؟؟؟؟؟؟
و ايديكوا معايا بقي في الاستفتاء الجديد
سلام









7 comments:

محمد عبد الغفار said...

استفتاء تانى

وده فيه تزوير ومقاطعه وكده ولا ايه النظام

Anonymous said...

بجد ياكوكو انا قلت العاشره مساء

بس دلوقتى مابقتش اتابع

اصل الصحة مهمه قوى

مخى هايفوت كتير اذا فضلت متابع
ده حتى ال بى بى سى بطلتها

ياكوكو خلينا فى قصتك
:)

Anonymous said...

معلش نسيت أقول مبروك للساعه الكميلة
:)))))))))))))
شكلها حلو

سلام

Diyaa' said...

سيرة الاستفتاءات بتجيبلي العصبي ..أو حسب ما أنا سميتها
(( الفتاء ))
واللي تعتبر كلمة مش كويسة بس اللي حصل في الدستور واللي هيحصل في بلد أهلها أغلبهم يستاهلوا كده لمجرد إنهم مش عايزين يفوقوا وملهيين بالمام والجنس والهراء بأنواعه
بس عموماً أنا من احساسي بكتابتك وتعليقاتك واثق في نزاهة استفتاءاتك وأحب أقولك في الاستفتاء الجديد ؟!
أول ما ينزل عايز أكون أول رأي عشان ينضرب في 3 شفتي الشفافية
المهم أنا اخترت غير متابع
رغم إني مزنوق في محل دش والمفروض اسمي بشتغل فيه والقصة طويلة بس أنا هسيبه قريب ..وقبلت لأن الراجل بالكاريزما الاسكندراني بتاعته أحرجني وثبتني ولأ مش طلعت مني :(
عموماً أنا تقريباً مش بعمل حاجة وكمان مش بتفرج تقريباً علي حاجة بس أنا من زمان ومش مقتنع باللي الميديا بتحاول تحشي بيه عقول الناس ..حتي البرامج دي أغلبها موجهة أو محطوط ليها خطوط حمرا وده يخليني محترمهمش ..فمن الأخر لو عندي الحرية فهتفرج لو عرفت إن الحلقة بتاعة العاشرة مساء أو القاهرة اليوم بتذيع توبيك كويس
البيض بيضك لما بشوفه بيكون أجبار أو مرة كده مجاملة لشياكة محمود سعد في الحوار
غير كده أنا ايدي علي الريموت هتميل للفيلم الأجنبي أكتر والكورة..باعتبارهم مسكنات من التفكير..مش عايز أفكر ..زهقت كفاية إني مش عارف أبقي نفسي أصلاً
سلام عليكم
وأسف للرغي بس نفسي اتفتحت عالرغي النهاردة بسببك باينلها وعموماً اليوم خلص وربنا ستر

يعقــــوب .... said...

أنا ايه اليغصبني ان اتابع تمثيليات و حوارات لا بتودي ولا بتجيب و الواحد بأه يعد يفكر و دماغه تجيب و تودي,و بعدين دول لو بيعرضوا حقيقة مجرده هيكون تمام,انما يجيبوا خبر و معاه 100 يكدبوا الخبر ده و 100 تانين يأكدوه و حدش عارف الحقيقة فين..طب ايه كمية الازدواجيه ده و لخبطة السعب و دماغ الشعب... و كل هم المذيع او المذيعة انها تستفز الحضور و تتعب اعصابه.على فكرة انا والدي كان احد ضيوف 2 من البرامج ده لمناقشته في احى المسائل اللي هي شغله الشاغل و مكرس مجهوده لمحربتها و القضاؤ عليها في مصر بالذات و توعية الشعب لخطرها ,و قالي ان البرامج ده مازالت و لا تزال تعمل تحت سمع و بصر و توجيه و ارشاد الاخوة الافاضل القائمين بمهمة امن اليلاد...يعني الهما عاوزينه هيتأل هيتأل و المش محدش يقدر يقول بم..و بالتالي لغى فكرة حضور و مناقشة القضية في البرامج ده عشان هو مبيحبش يمثل,,,و ربنا معانا كلنا

أميرة البلطجية said...

هاى كوكو
انا قلت العاشرة مساء رغم اني مش بتابع اوي..لكن هو احسن لأنه الاول والباقي قلدوه..وبعدين بحس ان منى الشاذلى محترمة ومخلصة

koukawy said...

محمد عبد الغفار 00 اخص عليك تشكك في نزاهة كوكو الكميل ؛ مادام كوكو كميل يبقي استفتائه كميل زيه عيب عليك
كوكو هيعيط
ههههههههههههههههههه
*************************************
حسن محمود 00 علي رأيك مش قصتي احلي برضو؟
و ميرسي علي الساعه مبسوطه انها عجبتك
**************************************
ضياء 00 انا معاك انها بتحشي و بتكدب و ان ليهم خطوط حمرا و كل ده ؛ بس رغم كده من رأي انك تتابع اهو اكيد هتستفيد في الموضوع و لو بنسبة 10 في الميه ؛ و معاك حق برنامج 00 الغيط غيطك ساقع و خصوصا الأخ اللي اسمه تامر ده يا ساترررررررررررررررر
و انت ترغي براحتك من هنا لبكره و او بعده لو حبيت
هههههههههههههه
*********************************
يعقوب 00 اقرا الرد اللي كتبته لشادي
و ازود عليه ان انا لما بقعد قدام الناس اللي بيكدبوا و الميه التانيين اللي بيقولوا الحقيقه بحس ان انا بقوي عندي ملكة قرأه ما بين السطور و محاولة فهم اللي مختفي
*******************************
اميرة البلطجيه 00 ده حقيقي انا كمان صوت للعاشره انا بحب مني الشاذلي جدا قبولها كمان جمييييييييييييل
يا بنتي انا بقول من زمان ان انا و انتي فينا حاجه من بعض
تفتكري هنكتشف قدام ان احنا اخوات زي الأفلام العربي القديمه
هههههههههههههههههههههه