Saturday, March 17, 2007

SWEET NOVEMBER

البوستايه دي مخصوص لصديق العشه الدائم 00 حسن محمود
طبعا هتغيروا و تحقدوا عليه و تقولوا اشمعني هو ؟
هروح انا قايلالكوا اصل هو سألني في كومنت ليه
عن سبب حبي للفيلم ده و ان هو شافه و لقاه حزين اوي
و قلت بدل ما ارد عليه في كومنت اهه بالمره اكتب عن الفيلم
اللي شفته فوق السبع مرات و لسه مستعده اشوفه 70 كمان
و انا بتفرج علي الفيلم ده بالذات بتنتابني حاله من الانسلاخ من الواقع
المحيط بيه و وداني بتتسد و بحس ان انا دخلت معاهم جوه الفيلم
و السبب لحبي الفظيع للفيلم ده هو حبي للمثله الجميله الرائعه

اللي لما بتمثل ما بشوفهاش انما بشوف الشخصيه اللي هي بتعملها
قد ايه معبره و قبولها و حضورها رهيب الممثله الجميله

charlize theron
بس طبعا مش هي السبب الوحيد لحبي للفيلم ؛ انما الفيلم فيه حاله
من الحزن الفظيع اللي يخليك تتعاطف مع كل ممثل فيه
و خاصة البطله الفيلم فيه حاجه غريبه بتسحبني انا فعلا مش قادره
احط ايدي عليها بالظبط بس هو احساس عجيب بيجيلي ؛
يعني مش هتصدقوا ان انا و انا بحكي عنه جوايه حاجه بتحرك و بتدفعني اني اتفرج عليه دلوقتي
الفيلم فيه انسيابيه عجيبه و فكرة الفيلم نفسها تخليك تتعاطف مع
بطلة الفيلم المريضه ؛ و فوق كل ده انا كل مره اشوف الفيلم اعيط اوي
في نهايته لأن كمان النهايه مفتوحه ممكن تتوقع اللي يعجبك
كل ده مع اني مش من محبين الممثل التقيل اللي اسمه
الا ان المخرج نجح في انه يظهره بشكل حلو keanu reeves
بس هو في كل الأحوال الفيلم المتحكم فيه البطله مش البطل
انا لو قعدت اتكلم عن احاسيسي و محاسيسي تجاه الفيلم ده
مش هخلص
عموما الفيلم من انتاج 2001؛ و العجيب جدا ان الممثل و الممثله
اترشحوا لجايزة اسوأ ممثل في 2002 في مهرجان
razzie awards
و ده شئ عجيب جدا لأن الممثله ادت دورها ببراعه و طلاقه و صدق ميتوصفش
نهاية انا اشجع اللي ما شفش يشوف و يحكيلي
سلام

14 comments:

Anonymous said...

شكرا شكرا شكراشكرا شكرا شكرا
شكرا شكرا شكراشكرا شكرا شكرا
شكرا شكرا شكراشكرا شكرا شكرا

مش ممكن ياكوكو
حقيقى أخجلتم تواضعنا
متشكر جدا جدا جدا جدا من هنا لحد العشه
مش عارف أقولك ايه الصراحة مكنش فى داعى ياكوكو لكل ده
بس أصلك ياكوكو كاتبه حاجات بتفرحك وأول حاجه لقيتها حزينه
علشان كده استغربت
المهم ياكوكو نتكلم على الفيلم بقى
انا فعلا معاكى ان فى انسيابيه هايلة
لما شوفته مجاليش ملل وكان دايما فى تشويق هو هايعمل ايه وهى هاتعمل ايه
علشان تخليه كل يوم يفضل معاها
علشان الواحد لما بيقول الستات كيدهم عظيم ده حقيقى
لما خليته يمشى على البحر مع الكلاب
وقعدت تلعب مع الكلاب
-------------------------
فكرتينى باميرة البلطجية لما الكلاب خلتها تتخض ووقفت مكانها علشان كانت مزعله مامتها
بس يا أميرة البطلجية الكلاب اللى فى الفيلم كانت كلاب لولو ممكن تعتبريهم قطط كبيره شوية
---------------------------
وخلته يهتم بالجوانب الانسانية اللى هو مكنش بيفكر فيها خالص
وعرفت تقنعه انه يفضل معاها
بس اللى انا مش فاهمه هى ليه أصلا بتعمل كده؟
واشمعنى هو اللى اختارته؟
ليه كل شهر بتخلى واحد يجى عندها ؟
وهل فعلا شهر كافى لتغيير شخص بالكامل؟
حاسس انها مده قليله قوى
الفيلم غريب قوى
وفكرته مش عادية خالص
اخر حاجه بقى زعلتنى قوى
هو اتقدم ليها
ليه هى رفضته؟
الراجل عمل كل اللى كان نفسها فيه
حتى غنى ليها كمان
12 هدية المفتريه من كل صنف ونوع ومخلاش فى نفسها اى حاجه
مش زى كوكو صاحبنا الغلبان اللى معرفش يجيب كوكوبايل لحبيبته
وبرضه مش عاجبها؟
نهاية الفيلم كان نفسى يمسك فيها ومايسبهاش ويربطها هيه مش هى اللى تربطه
كان هو اللى يغمى عينيها ويمشيها وراه .انتى عارفه ؟
حسيت فعلا انها متحكمه تماما فى الاحداث
الغربيه انها رقيقه قوى مايبنش عليها القدرة على السيطره والتحكم
انا مش عارف هى بتسحر ازاى
لا حقيقى فيلم عجيب
والنهاية صادمة ومفتوحه زى مانتى قلتى
الف الف الف الف الف الف الف شكر ليكى ياكوكو على بوستك الجميل ده
-----------------------------------
وأحب أشكر شرم كمان علشان انا حسيت انه كان ممكن يجاوب بس هو ساب ليه أول تعليق
-----------------------------------
ودمتى بكل خير وسلام
كاكان
:)

محمد عبد الغفار said...

هحاول

Anonymous said...

انا عمو جهجهه يا كوكو
مجهول يعني
بس داخل كده علشان الجهاز زعلان مني
وانتي ربنا يخليكي و يخليكي ليا جبتي ايدك علي الوجيعه
الفيلم اللي بعشقه رغم اني مش كاتبه في افلامي المفضله
sweet november
وبجد ياخرابي عليكي دايما حساسه وجامده كده
فيلم بجد خلاني كنت حعيط في اخره
واغنيه
only time for enya
طبعا انا
enya
مطربتي المفضله وحهديلك كلمات الاغنيه كمان شويه
تحياتي

yasser_auf said...

جميل

كل واحد فينا فية مجموعة من الافلام تلاقية بيتشدلها و بيحبها و عندة الاستعداد انة يشوفها 70 مرة لانة بيشوفها من وجهة نظرة هو بيشوف فيها جانب انساني جانب انتقامي نفسة يعملة في حد يكون مضايقة كدة يعني

عموما الاخراج و المؤثرات و القصة الجيدة مع مجموعة ممثلين بتعرف تمثل موش الواسطة و الكوسة هي الي مطلعاهم بيعيشوا الواحد في جو الفيلم كما لو كان طرف فية شخصيا

اظن عندنا في الفترة الاخيرة ظهر شركة او شركتين انتاج ابتديت تشتغل علي المستوي العالمي نوعا و كذلك بعض المخرجين من الشباب امثال مروان و امام و مجموعة من الجيل الجديد في التمثيل الي بتنقي افلامها و قصصها امثال مصطفي عبد الوهاب و شريف منير و السقا و غيرهم من الفنانين ابتدوا يرجعوا متعاونين مع بعض بعض من جمال و قوة و شموخ السينيما المصرية التي كان جالها وقت اتحفظت فية في تلاجة الفريزر بتاعها كان فريونة بيفوت

koukawy said...

حسن محمود 00 اي خدمه مش محتاجه كل الشكاكير دي ؛ و بالنسبه ليه هي كل شهر بتعرف واحد و تغيره لأنها بمنتهي البساطه انت بس تلاقيك مركزتش اوي هي مريضه بالسرطان و عارفع انها هتموت في اي وقت فمش عايزه تتعلق و تعلق حد بيها و بعدين تموت و تسيبه حزين عشان كده كل شهلر بتعرف واحد و بتخليه سعيد جدا و في نفس الوقت شهر مش بيبقي وقت كافي انها تحب حد او تتعلق بيه و لا يتعلق بيها بس كان مع نوفمبر الحال مختلف هي لقته اتعلق بيها بسرعه و هي حبته اوي و حست انها مختلفه عن اي واحد تاني عشان كده قررت انها تنهي العلاقه بسرعه قبل ما تسببله الم لما تموت ؛
و بالنسبه لشارم هو لسه ماجاش لحد دلوقتي

koukawy said...

محمد الغفار 00 يا ريت
*********************************
مجهجه 00 يا سلام علي الأغنيه جميييييييييييييله و بتخليني عايزه اعيط
ابعتلي الكلمات فعلا و انا هزودها علي البوستايه
*************************************
ياسر عوف 00 و يرجعوا يقولولك عقدة الخواجه مش بزمتك بتحس بفرق بالافلام

heba said...

الفيلم ده رائع جداً أنا مكنتش فاهماه قبل كده لأني شفته من النص كده لما عرفت ان هي بتخلي واحد يسكن معاها كل شهر بس لما شفته من الأول للآخر بعد كده حسيت اد ايه هي انسانه جميلة ومتفانية وعايزة تعمل خير في الناس اللي حواليها قبل ما تموت يمكن عشان تحس ان لحياتها قيمة وفايدة لغاية ما جه نوفمبر وشقلب كيانها بس هي قدرت تسيطر على الموضوع ده جواها وقدرت تغيره للأحسن وتخليه يشوف حاجات مكانش بيشوفها قبل كده وبعدين جت النهاية الحزينة ان هي كان لازم تمشي لأنها كده كده ماشية في الآخر
ذوقك رااائع في الأفلام يا كوكو
بجد في فرق

مجهول said...

Who can say where the road goes,
Where the day flows?
Only time...

And who can say if your love grows,
As your heart chose?
Only time...




Who can say why your heart sighs,
As your love flies?
Only time...

And who can say why your heart cries,
When your love dies?
Only time...



Who can say when the roads meet,
That love might be,
In your heart.

And who can say when the day sleeps,
If the night keeps all your heart?
Night keeps all your heart...



Who can say if your love grows,
As your heart chose?
Only time...

And who can say where the road goes,
Where the day flows?
Only time...

Who knows?
Only time...

Who knows?
Only time...

يا مراكبي said...

ده أنا شكلي كده مش عايش في الدنيا دي خالص .. أنا أول مرة أسمع عن الفيلم ده أصلا

لازم أعمل وقفة في البيت وأبطل إم بي سي 3 وأصر على إم بي سي 2

أميرة البلطجية said...

انا مشوفتش الفلم ده
بس كده بقى نشوفه
يا حسن ربنا يباركلك..دايما فاكرني
بس ايه رأيك...في حد زيي لكا بشوف الكلاب؟
ههه

Anonymous said...

برضه ياكوكو فى موضوع مرضها ده انا أتخدعت
انا كنت فاكرها مدمنة والدولاب اللى كان فيه كمية أدوية رهيبه كنت فاكره مخدرات
برضه كنت بسأل هى ازاى عرفت ماتبينش انها عيانه
على كل حال زى ماقلت ليكى هو الفيلم غريب
طيب ماهو فى فيلم
walk to remember
البطلة ماتت بس حاسس انه أقل مأساوية من الفيلم ده

وفى الاخر كنت عايزك تسمعى أغنية فيروز ياطير

ودمتى بكل خير
سلام

koukawy said...

شمس 00 ميرسي يا شموسه انا ذوقي حلو و كميل عشان عاجبك بس
***********************************
مجهول 00 انا هحطها في البوستايه
ميرسي يا مجهجه ربنا يخلسك لكوكو
************************************
يا مراكبي 00 ايوه طبعا لازم تتمرد بس شكلك مش هتنجح لأن انا طول عمري اقول ان العيال بيعلموا اهليهم الأدب
(:
***********************************
بلطجيه 00 لازم تشوفيييييييييييييه
*********************************
حسن محمود 00 يا سلام انا بحب الأغنيه دي اوي 00 انت علي فكره بتقرا افكاري انا لسه كاتبه عن الفيلم
walk to remember
looooooooooooooooooooool

safa7_karmooz said...

الفيلم ده يا كوكو لو قعدت ااتفرج عليه 5 سنين متواصله مش هزهق منه ...لانه جواه معانى كتييييييييييير جميلة ..

يعنى هو كان بيحب المادة ...وشغله احصائيات ومكنش بيهتم بشعور اللى حواليه ...قلبه كان مدفون يعنى ...وهى بكل بساطة صحته من تانى ...بس معجبتنيش النهاية ...الحزينة ...انه يمشى عشان تفضا=ل فاكراه ..:(

koukawy said...

طبعا فكراه يا سفاح ؛ انت فين يا عم ايه الاختفاء ده
و طول عمري بقول عليك بتفهم