Wednesday, March 21, 2007

james horner ..


انا النهارده مكنش في نيتي اني اكتب غير البوست اللي فات و بس؛ بس شئ دفعني
اني اكتب ؛ و هو المؤلف الموسيقي اللي بيسحرني بالموسيقي بتاعته من فيلم لفيلم
الأمريكي الجنسيه اللي برع في افلام كتير ليه ؛ james horner
انا دلوقتي قاعده بسمع الموسيقي التصويريه للفيلم و سعيده سعاده بالغه
مش متصورين انا لما بقعد كتير مسمعهاش ببقي زي ميكون حبيبي مسافر ووحشني
فعلا بتوحشني اويييي ؛ و انا بسمعها بحس انها بتتكلم ؛ فيها وصف للحاله جميل جدا
و فيها شجن جميل و انا بحبها اوي لأن انا عموما بحب موسيقي القرب الاسكتلاندي
و عموما بحب مؤلف الموسيقي ده في كل اعماله ؛ ف و انا بسمعها دلوقتي حسيت قد ايه
انا نفسي اقول احساسي بيها ؛ طبعا انا مش هتكلم عن الفيلم لأن اكيد الناس كلها شافته
لأنه فات عليه 12 سنه ؛ هو فيلم من انتاج 1995 ؛ الفيلم كله علي بعضه حكايه
بس الموسيقي التصويريه حكايه اكبر ؛ و انا بسمعها افتكرت الموسيقي التصويريه بتاعت
افلامنا الجميله دلوقتي و حسيت اني نزلت من السما للأرض حقيقي مفيش مقارنه
لأن الفرق واسع اوي زياده ؛ المهم احب اكتبلكوا شويه اسامي افلام من اللي
الف الموسيقي بتاعتها جيمس هورنر 00
legend of the fall 1994
titanic 1997
the mask of zoro 1998
beautiful mind 2001
troy 2004
apocalypto 2006
دي طبعا مش كلها بس اشهرها ؛ و اللي مسمعش يسمع و يدعيلي الأول و بعدين يقولي رأيه
سلام

6 comments:

يا مراكبي said...

ده إيه المعلومات دي كلها؟ واضح إنك مطلعة ومتابعة الفنون الأجنبية كويس قوي

أخبارك إيه في الموسيقى العربية؟

أميرة البلطجية said...

تحسي ان اللمسة الايرلندية في موسيقتعه بتديها سحر
انا كمان بحبه يا كوكو

مجهول said...

شكرا وشكرا
وكل سنه ومامتك ومامة كل كوكو طيبه وسالمه
وايه حكايه السنما معاكي
ربنا يستر

Anonymous said...

هو كوكو دارس موسيقى وفن ولا ايه؟
اه صحيح بتجيبى كل المعلومات دى منين ؟

انا ياستى كنت بدرس علم أصوات وكيفة انتقالها
بس مش بدرس الموسيقى والغنى
وكان فى دكتور عندنا فى الكليه هو اللى حببنى فى مادة الصوتيات دى مع انها ماده صعبه جدا وتقريبا رخمه

انتى عارفه مش طلع فى علاقة بين الصوتيات وعلم النفس
الموضوع من وجهة نظر الصوتيات سهل
من ناحية علم النفس صعب جدا

وبعدين نسمع منين بقى مش تحطى وصلات؟

سلام

يا قلبي يا غريب said...

بلاش افلام
انا بحب كوكو الكميل و الافلام دي شيء مش كميل
ممكن تكملي بقي

koukawy said...

يا مراكبي 00 بحب الموسيقي العربيه طبعا يعني بحب سيد درويش ؛ مارسيل خليفه ؛ ايمان البحر درويش ؛ كارم محمود ؛ يعني و ناس كتير بحب اسمع كل حاجه
**********************************
بلطجيه 00 كنت عارفه ان ذوقك زي مش عارفه ليه
(:
***********************************
مجهول 00 متقلقش بس انا كل فتره في كاتيجوري بيظهر عندي اكتر من البقيين
و انت طيب و مامتك كمان
**********************************
حسن محمود 00 كوكو ده دارس كله واد مخلص بيفهم في كل حاجه ههههههههههههههه
اكيد في علاقه بين علم النفس و الصوتيات بدليل ان الصوتيات بتأثر سلبا و ايجابا في الحاله النفسيه للواحد
انت تؤمر هحطلك وصله مخصوص
***********************************
يا قلبي يا غريب 00 هكمل ما تقلقش