Sunday, March 25, 2007

كوكو قرب يبقي كويس

الحلقه اللي فتت00
كاكوكاكو جاب سر كوكوهايه لكوكو
الحلقه دي 00
سكت كاكوكاكو و بص لكوكو ومكملش اللي كان عايز يقولهوله
عشان لقا كوكو عينيه الكميله دمعت و بيعيط
و اتأثر اوي بالكلام اللي قالهوله كاكوكاكو ؛ و شويه و بص كوكو لكاكوكاكو
و قاله 00 ياه يا كاكوكاكو انا مش جه في دماغي الكميله ان كوكوهايه ممكن
يكون عندها كناح كده مش كميل بس انا دلوقتي بحبها اكتر و اكمل من الأول
هو انت هتقابلها امتي تاني يا كاكوكاكو ؟ بص كاكوكاكو لكوكو و سكت
و قاله 00 ما هو انا 00 لسه يا كوكو مش اتفقت معاها بس لو عايز يا كوكو احنا ممكن
نروحلها المدرسه دي بكره ايه رأيك ؛ رد كوكو 00 اه كده كميل؛ بس لأ انا هنزل ازاي
و انا تعبا ن كده يا كاكوكاكو لأ بص انت تنزل و تقابلها و تيجي تحكيلي و انا خلاص الحمدلله
فضلي حبة ريش صغنين و ابقي كويس و اخف كمان و اروح انا اقابلها بقي انا مبسوط اوي
سكت كاكوكاكو و ابتسم ابتسامه صفره و حط وشه في الأرض و قال لكوكو 00
اه طبعا يا كوكو ربنا معاكوا ؛ و رد كوكو 00 مالك يا كاكوكاكو انا حاسس انك مش كميل
شكلك كده مش كلت كميل و لا زم تاكل انا هعزمك علي كيكزا هت نطلبها
كوليفيري ايه رأيك ؟ رد كاكوكاكو 00 ماشي ؛ و اتصل كوكو و طلب اتنين كيكزا بالخضار
و قفل السكه و قال لكاكوكاكو 00 بص يا كاكوكاكو انت تبات معايا النهارده
و بكره تنزل تروح لكوكوهايه و تقولها انك بتحبها اوي و انك عايز تروح تتقدملها
و بعدين لما تلاقيها موافقه اكون انا ريشي طلع و خفيت انشالله اروح اتقدملها ماشي
انا مش هنسي الكميل اللي انت عملتهولي ده يا كاكوكاكو و اول كوكو صغنون نجيبه
هسميه كاكوكاكو؛ يا للا خش غير و البس الكيجامه كوه بسرعه 00
كاكان
سؤال الحلقه اللي فات
محدش كسب للأسف و كوكو زعلان
الاجابيه عندوكوا في الحلقه
عشان كوكو كان بيعيط
سؤال الحلقه دي
تفتكروا كاكوكاكو بعد ما يرجع من عند كوكوهايه المره الجايه هيقول ايه لكوكو ؟؟؟

8 comments:

مجهول said...

ازيك ياكوكو
بقولك ايه
انا مش ناقص مزاولات
انا لسه صاحي وعايزه تبقا سليمه النهارده
دماغي يعني
المهم
حقرا الموضوع تاني و الموضوع اللي قبله وحفكر واقولك
ياخراااااااااااااابي عليكي يا كوكو والله ليك وحشه
كل ما ادخل هنا بحس اني رجعت للبراءه تاني
تحياتي الي كوكو الغالي

Anonymous said...

لا يكوكو ماتزعلش
مكنتش عارف ان كوكو قلبه كبير قوى كده وهايفضل يحبها
انا أفتكرت نار الغيره هاتملى قلبه
ويمكن النرجسية كمان علشان هى من غير كنحات وهو ريشه بدأ يطلع
مابقتيش تحطى أسامى للريش بتاع كوكو ليه صحيح ؟
اممم
بالنسبة بقى لسؤال الحلقة
منا مش عارف دماغك ياكوكو
عايزه تصعدى الموضوع ولا تخلصيه؟
بس أستبعد انه هايقول ليه مبروك هى وافقت
مش عارف ليه؟
يمكن هى اللى هاتقول لا
لسه عايزه تتأكده انه بيحبها مش علشان متعاطف معاها
انما بيحبها لروحها ونفسها
ودمتى بكل خير
كاكان
---------------------------------
معلش ياكوكو لما تلاقى ماحدش جاوب صح ابقى ادى فرصه تانيه
:)
----------------------------------

يعقــــوب .... said...

شكلوا هيعمل ندل في زمن الاندال ده

david santos said...

Hello!
I don`t speak Arabic, but We can make words with letters and with the words we can mak sentences. For instance.
Thanks for you work.

vetrinary said...
This comment has been removed by a blog administrator.
koukawy said...

مجهول 00 ربنا يخليك يا رافع من معنوياتي دايما و الله يا مجهجه ما ليك علي حلفان انا كمان انت من الناس اللي انا بستني الكومنتات بتاعتها و ربنا يخليك للعشه و للكوكوهات كلهم
***********************************
حسن محمود 00 مش كل الريش بيبقي له اسامي بس لسه متقلقش في ريشه جايه اسمها كميل اوييييييييييييييي
و يا رب تكسب المره الجايه يا ابو علي
*************************************
يعقوب 00 هنشوف
**********************************
david 00 yes thanks
*********************************
كان في هنا كومنت اسلوبه معجبنيش فمسحته و ده هيكون رد فعلي ناحية اي كومنت يخرج عن حدود اللياقه و الذوق

Anonymous said...

جمييل :)

أميرة البلطجية said...

كوكو
من باب حسن الظن انا حتخيل ان فيه حتة واقعة وانتي مخبياها يا كميل وحتعملى زي فلم حرب اطاليا وتوريهلنا ف الاخر
ان كوكوكاكا مقدرش يمسك نفسه قدام كوكوهاية واعترفلها بالسر اللي بينه وبين كوكو..راحت كوكوهاية اتفقت مع كوكوكاكا انهم يشتغلوا كوكو شوية ..بس هي طبعا ف الاخر حتوافق لأنها كانت بتموت ف كوكو من ايام الكلية وبتاع
ها؟ مستهلش جايزة؟