Saturday, March 17, 2007

هي ليه مش بتطير؟

الحلقه اللي فاتت 00
كوكو نايم في المستشفي مربط من كل حته
الحلقه دي 00
قدام باب اوضة كوكو الكميل في المستشفي واقف كاكوكاكو
و كوكوهايه و شايله في جناحاتها بوكيه ورد كمييييل
و كبير ؛ و بيقولها كاكوكاكو 00 بصي احنا لازم نطبطب علي كوكو
اه قصدي كركر ؛ معلش بتلخبط في الاسم اصل من كتر ما احنا
اخوات و قريبين من بعض بتلخبط في اسامينا ؛ يا للا يا للا ندخل
عشان هو كان عايز يطمن قصدي ان انا اطمن عليكي
و خبط كاكوكاكو بجناحه علي الباب و فتحه براحه و دخل
و دخلت و راه كوكوهايه 00 فتح كوكو عينيه براحه لقي كوكوهايه
قدامه و من فرحته حاول يعدل نفسه عشان يقعد و معرفش
و قال كوكو الكميل 00 ازيك يا كوكوهايه؟ احنا اسفين
علي المشكله اللي عملناها بس هو باباكي اللي مش كميل 00
قصدي 00 انا اسف انا كنت اقصد 00
و صوصوت كوكوهايه ضحكايه براحه 00 لأ انا فاهمه قصدك
و مقدره انك موجوع من الضرب ؛ و رد كوكو 00 طب انتي عملتي ايه
لما روحتي ؟؟ ردت كوكوهايه 00 و لا حاجه لما روّحت قلت له يا بابا انت فهمتني
غلط دول صحابي في الجامعه و قابلتهم صدفه راح مزعق و قايلي بس انا شفتهم قبل
كده كانوا واقفي تحت الشباك ؛ و لفت لكوكو المزور اللي هو كاكوكاكو و قالت ؛
هو انتوا فعلا جيتوا يا كوكو يا كميل قبل كده 00 ارتبك كاكوكاكو و بص لكوكو فهز كوكو
راسه بالعافيه 00 و رد كاكوكاكو 00 اه اصل انا كنت عايز اجي اطمن عليكي
يمكن تطلعي بالصدفه في البلكو 00 الكلكونه بس باباكي شافنا
ردت كوكوهايه 00 المهم ان انا لازم دلوقتي اقوم اروح لحسن بابا
يرجع من السفر مايلاقنيش تبقي مشكله كبيره خالص 00
فبسرعه رد كوكو الكميل 00 ليه ما تستني شويه انتي وحشاني
اقصد و حشا كوكو الكميل ؛ و بص كوكو لكاكوكاكو و قاله 00
متقول حاجه ياكوكو 00 رد كوكو المزيف 00
اه متخليكي شويه 00 ردت كوكوهايه 00 اصل انا خرجت
من الشباك الوراني اللي بابا نسيه مفتوح و سيبته مفتوح
عشان هو اخد مني المفتاح و كمان لما انت يا كوكو حدفتلي الطوبه
الصبح الأزاز اتكسر منه حته و خايفه كمان يرجع يلاقيه مكسور
و يقعد يسألني هو مين اللي كسره انا اسفه بس لازم اطير بسرعه
حتي مش هركب المواصلات عشان اوصل اسرع 00
و استغرب كوكو اوي هي ليه مش بتطير اصلا و بتركب مواصلات
بس معرفش يسألها عشان هي كانت مستعجله ؛ و سلمت
كوكوهايه عليهم بسرعه و راحت خارجه من الشباك
و كوكو الكميل و كاكوكاكو عمالين يبصولها و بعدين راح كوكو
بص لكاكوكاكو 00 هي ليه يا كاكوكاكو بتركب مواصلات؟؟؟؟؟؟؟؟؟؟؟؟؟؟؟؟
كاكان
مسابقة كوكو الكميل 00
قررت اني في كل حلقه يبقي في سؤال اخر كل حلقه
مطروح لصحاب كوكو يجاوبه عليه و اللي هيجاوب صح
كوكو الكميل هيكتب اسمه في الحلقه اللي بعديها
و السؤال هو 00 يا تري ليه كوكوهايه في العادي مش بتطير و بتركب مواصلات؟

11 comments:

-_- said...

يمكن عشان معندهاش جناحات ؟

Anonymous said...

أزيك ياكوكو ياكميل

السؤال الكميل ده كوكو سألة برضه لنفسه لما شاف كوكوهايه أول مره فى الكوكوبس

والله ياكوكو انا بقول يمكن علشان باباها راجل صعب أوى فمش عايزها تطير على حل جناحتها
عايزها تبقى تحت عينيه دايما علشان يشوفها
ويمكن ياكوكو علشان حوادث الطيارات وهو خايف عليها ليحصل ليها زى ماحصل لمامت كوكو

وخدى بالك من نفسك بقى ياكوكو
:)
سلام

يعقــــوب .... said...

والله انا مش مجمع أوي الحصل ..بس القصة ده دماغ أوي و بتحسس الواحد فعلا إنه في عالم الطيور المهايبره....متابع لحد ماعرف أخرتها إيه

heba said...

كوكو أنا كده هتلخبط من كتر الكوكوكاكاهات اللي في القصة
بس هي ازاي معرفتش كوكو الكميل الحكيكي لغاية دلوقت ؟
بس سؤال محير فعلاً تفتكري ليه كوكوهاية مبتركبش مواصلات ؟
(وش بيغمز وبيطلع لسانه) غلاسة بقة

يا قلبي يا غريب said...

انت من اجمل ما كتبوا في عالم المدونات
ربنا يحفظك
و يخلي ليكي كوكو الكميل
السلام عليكم

يا قلبي يا غريب said...

السلام عليكم
دي من اجمل المدونات الي في الدنيا
و انا بحب كوكو الكميل جداااااااا
و كوكوهايه مش بتطير علشان بابها بيقص الريش الي في جنحها الكميل علشان يفضل صغنن و مش كميل و ما تروحش في حته مش كميله



اسلوبك رائع
ربنا يحفظك

أميرة البلطجية said...

عشان السفاح اللي مش كميل اللي ظهر في المنتكة..فتركب مواصلات في النور ووسط الناس احسن ما تطير

Blank-Socrate said...

علشان الكميل اكتماعى و بيح الصحبه

koukawy said...

اجابتكوا لذيذه و تفطس من الضحك بس انا لسه مستنيه شويه كمان و اعلن اسم الفائز
************************************
يا قلبي يا غريب 00 ميرسي علي ذوقك اوي و كوكو بيحب كل الكميلين اللي بيحبوه و العشه كميله عشان انت من اهلها بس
و كوكو هيستاناك كل يوم
***********************************
يعقوب 00 اخص عليك دي كلمه تقوله
في وش كوكو الكميل برضه اوعي تقول انك مش متابع قدامه لحسن بيجيلوا حاله اكتأب و يقعد في ركن الحيطه و يعيط و يبقي مش كميل خالصا

Anonymous said...

ايه ده
يانهار ابيض
ولا اجابه صحيحه ولا أيه؟

طيب اخر اجابة بقى
خايفه من الحسد والعين

يعقــــوب .... said...

أنا مش عارف إسلوبك في الكلام و الرد فعلا عامل زي الكوكوهات :) و عموما معلش مكنش أصدي,هتابع و أعرف