اللي مالوش خير في اهله 00
اللي مالوش خير في اهله 00 مالوش خير في حد
امبارح بسمع نجوم اف ام و لقيتهم بيتكلموا في
موضوع لطيف و يشجع الواحد علي انه يسمع
و ده علي غير عادة نجوم اف اع ؛ كانوا
بينقشوا موضوع ان ليه لما ربنا بيفتح علي فلان
و يسهلهاله ينسي اصله 00
انا الحقيقه الموضوع عجبني و ده اللي شجعني
اني اكتب فيه بوستايه لأن الموضوع ده منتشر جدا
و خاصة في الوسط الفني 00 تلاقي الأخ و الأخت
الفنانين بداية طريقهم الفني مسلوعين و معضمين
لأنهم كانوا جعانين و مش لقيين الللقمه
تعالي كده شفهم بعد اما يبقوا نجوم و الفلوس بتجري في
ايديهم بقي شكلهم ازاي و تحس انهم بقوا اتنين في بعض و يبان
عليهم اللحمه و الهبر و تيجي في لقاء في التليفيزيون تقولك00
بابي اصله كان عنده سلسلة محلات في لندن ؛ بابي ايه بس
يا حاجه ايش حال احنا شايفينك من يوم ماطلعتي و كنتي بتحطي روج
من اللي بيتباع في محلات 2 و نص ؛ و تلاقي بقي اسطوانات ترعرعت
في بيت بابا ؛ و مامي كانت من العيله المالكه 00 و حاجات شبه كده
كتير ؛ و اللي شبه كده برضو تيجي ممثله تقولك لأ اصل انا مش بعمل ادوار
اغراء و لا مشاهد فيها بوس و حاجات خليعه ؛ و تيجي انت صدفه قاعد قدام ميلودي
افلام او روتانا و جايبن فيلم مقاولات قديم من اللي بيجي الساعه 2 الضهر ده؛ تلاقيها
البوس في الفيلم اقل حاجه عملاها ؛ طب ليه الكدب ما هو انتي تتقفشي بسهوله اوي
ده شئ ما يتخباش ؛ من رأي ان الناس دي لازم متنساش اصلها
بالعكس تفتكر هي قد ايه كانت محتاجه و ربنا اداها ؛ و تفتكر برضو
انها تتوب عن الوحش اللي هي عملته قبل كده و مترمهوش ورا ضهرها و تنكره
و تنساه 00 اصل اللي مش بيشكر ربنا علي نعمه ربنا مش بيزيده
و اللي مش بيتوب و بيطنش و بيسقع هو كمان ربنا مش هيسيبه
و علي رأي المثل 00
اللي مالوش خير في اصله 00 مالوش خير في حد
سلام
12 comments:
علي كده انا ممكن ميبقاش عندي اصل
اصلي مجتش هنا من زمان وموفيتش بوعدي اني ازور كوكو العسل علطول
انا اسف ياكوكو اسف بجد والله
بس ياريت تصوصو عندي لما تكتب حاجه جديده اصل البرنامج بتاع المدونات ده مش نافع معايا
بس و لا يهمك ياكوكو وحياه راس الغاليه حبقي عندك علطول
لك تحياتي
كوكو الكميل
***********
ايه ده...ده الحقد واكل قلبك يا بنتي
والأنا العليا منفدة علي الأنا السفلي
كل ده عشان الفنانيين الغلابة المساكين
كل واحد ربنا فتح عنيه...قصدي فتح
عليه بكام مليون
طب دول بيشؤا وبيتعبوا وسيادتك
فاكره المجهود العضلي والنفسي
والسيكولجي والبيلوجي وكل عائلة أولجي
اللي بيتعمل في (البوسة) ده بسيط
طب ده أنا فاكر...إن الباشا نور
الشريف لما دخل البلاتوه وكان فيه
تصوير لفيلم بطولة مراتوه والحاج
فاروق الفيشاوي المهم عمنا فاروق
إظاهر إستحي لما شاف جوز المدام
فإداها بوسة خفافي...قام نور الشريف
جوز الست قال أستوب مع إن مش هو
المخرج...وقال لفاروق لأ يا فاروق لازم
تبوس بزمة وبضمير وفاروق مكدبش
خبر ...راح المنتج من فرحتو بنور
الشريف جوز الست زود أجرة الست بوسي
15الف جنيه في وقتها حتة واحدة
نور الشريف اسمه الحقيقي جابر حاجة
كده ومن سكان السيدة زينب...لكن هل
يعرف الأن صحابه ولا ناسه...أشك
ده حتي طلق المسكينة بوسي بعد إنتهاء
عمرها الإفتراضي وأصبحت من مخلفات
المرحلة...والبركة في الفنانة اللي إسمها
...................................
كوكو الكميل العمر رحله صغيرة ربنا بيدينا نعم كتيرة و يختبرنا هنصرف فيها ازاى هنشرك اخواتنا اللى محتاجين و نشكرة و لا هنكون انانيين و نعيش لنفسنا ب سو يا ويلاة اللى يعيش لنفسه بس
هو كوكو من هواة الراديو برضه؟
والله جدعه
بصى ياستى انا بسمع ال
BBC والبرنامج العام
لحد ماخلاص حاسس ان صحتى هاتروح
حلوه ال اف ام دى؟
شوفى ياستى
الناس معادن
بجد مش هزار زى مسرحية مدرسة المشغابين
فى اللى أصله كويس مهما حصل من ظروف
هايفضل زى ماهو ومش هايتغير
لأن معدنه أصيل
وفى ناس بقى مستعده تعمل اى حاجه لأن ماعندهاش أصل
معدنها فلصو
بس معروف ان الوسط الفنى مش كويس أغلبه تمثيل وحاجات من اللى انتى قلتى عليها دى
:)
فى مقولة من زمان سمعتها بتقول
ليتنا مثل الاسامى لايغيرنا الزمن
بس موضوع حلو
وعلى الأصل دور
ودمتى بكل خير وصحة وسلامة
كوكي
حلوة قوي كلمة "يسقع" دي
هههههه
كلمة كميلة بس مش فهماها
هههههه
وحشتني اوي بوستات الامثال الكوكووية
بقالك حبه سيباها
حمد الله ع السلامة
Hello!
This work is very good, thank you
have nice week
اولا احب اقول اني مش بحب نجوم اف اغ
والناس بيقولو عليا شاذ في كده
المهم
الناس دي بختل توازنها لما بتغتني عشان هما مش يتعبو في الفلوس
لكن لو اغتنوا بجد وتعب
اكيد مش ينسو اصلهم
---------
فاروق الفيشاوي ده
من سرس الليان بلدنا
لم اره هناك الا مرة واحدة يوم وفاة ابوه
-------------
سلاماتي و احتراماتي
مجهول 00 ربنا يخليك يا مجهجه
و تزور كوكو علي طول كده
*********************************
سمسم 00 علي رأيك بيبزلوا مجهود ؛ بس حرام ما كنتش قلت بالاسم عشان منفضحش حد ربنا امر بالستر و بعدين لحسن تتردلي و لا لأي بنت من عندكوا
***********************************
بلانك سقراط 00 يا رب منكونش من اللي بيعيشوا لنفسهم
**************************************
حسن محمود 00 وحياتك هي صدفه انا مش مداومه علي سماعها اوي لأني مش بحب القناه بس كل فتره كده و انا بعمل حاجه اهو بتسلي و اشوف و صلوا فين
و انا كمان شايفه انه موضوع مهم
********************************
بلطجيه 00 يسقع مرادف لينفض و يحلق و يكبر
انا كمان حسيت اني مقصره مع الأمثال
بس لقيت نفسي بكتب في حاجات كتير فبنوع كل فتره عشان مزهكوش
************************************
david .. thank u
**********************************
شادي 00 و لا انا بحبها دي صدف كده ؛ و كويس يا اخي انه راح لما ابوه مات يشكر الراجل
ده موضوع جميل .. فعلا المفروض كل واحد يفتكر الأيام القديمة ويحمد ربنا علشان ربنا يديم النعمة
قال تعالى: قل اللهم مالك الملك .. تؤتي الملك من تشاء وتنزع الملك ممن تشاء وتعز من تشاء وتذل من تشاء بيدك الخير إنك على كل شيء قدير
كلام جميل فعلا الواحد مش لازم ينسى أصله ولا ينسى ازاي بدأ
عشان كده لازم الواحد يكون حريص في خطواته من البداية حتى لاتحسب عليه هفواته السابقة
فعلى سبيل المثال هناك اكثر من ممثل يرتدون حالياً حلة الواعظ والموجه والمصلح الاجتماعي واحيانا يقومون بادوار علماء الاسلام والخلفاء بينما تجد افلامهم في السبعينات مليئة بمشاهد تخدش الحياء
والمشكلة ان الجمهور لا ينسي والسينما تسجل التاريخ والفيلم السينيمائي لا يبلى الا بعد مرور 150 سنة مالم يتم صيانته
فالافضل الحذر منذ البداية حتى لا يكون هناك ماضي يحتاج إلى تجميل أو أفعال نخجل منها
تحياتي وأعتذر للإطالة
الممثلين والممثلات الاحياء منهم والاموات الا من رحم ربى
عاوزين ضرب النار
دول اساسا بينسو كل حاجه
جت على اصلهم
ربنا يهديهم
فعلاً اللي ملوش خير في أهله ملوش خير في حد لأن كل واحد بيتصرف على حسب أصله
واللي ملوش ماضي ملوش مستقبل
Post a Comment