بطل مصري جدا 00
الي اسرة الشهيد ملازم اول 00 محمد عبد الكريم حسن
معاون مباحث شرطة الهرم خالص العزاء و الدعوه بالرحمه
للشهيد البطل اللي مات من اجل الشرف و تفاني في اداء
عمله و فقد حياته في سبيل انقاذ فتاه من الاغتصاب
ادعوا لهم بالصبر و السلوان 00
معاون مباحث شرطة الهرم خالص العزاء و الدعوه بالرحمه
للشهيد البطل اللي مات من اجل الشرف و تفاني في اداء
عمله و فقد حياته في سبيل انقاذ فتاه من الاغتصاب
ادعوا لهم بالصبر و السلوان 00
*************************************
لازم الواحد يا جماعه زي ما بيعمل سبوت علي النماذج السيئهلازم كمان يعلن و يقول و يرفع القبعه للنماذج الجيده ؛
زيّ ما ناس كتير عملت ضجه و اعتراض شديد علي الظباط اللي
خرجوا عن حدود عملهم و مارسوا حاجات مش المفروض كانت تحصل
لازم برضوا اننا مننساش البطل ده اللي فعلا رجعلنا الثقه ان لسه
في ناس ما بتقولش ياللا نفسي و لو شافوا مصيبه بتحصل يقول و انا مالي
المرحوم محمد عبد الكريم مات بالرصاص و هو بيطارد سواق ميكروباص كان خاطف
بنت هو و اتنين صحابه في منطقة المنصوريه في الهرم و لما سمع الملازم الشهيد صرخات
استنجادها طلع لمطاردتهم و ضربوه بالرصاص و مات في لحظتها 00
نهاية احب اقدم شكري ليه و لكل اللي زيه و اقولهم ان هي دي الشرطه
و هي دي خدمتها للشعب 00
ان لله و ان اليه راجعون
سلام
18 comments:
الله يرحمه ويجعلها في ميزان حسناته
ويقبله في الشهداء
كان ليا خال...أخو الحاجه يعني
هو اسمه عبداللاه...اسمه كده
هو كان نقيب عام 1994
خرج في مهمة لضبط تسليم وتسلم شحنة
مخدرات
المهم تصادف مروره بمنطقه بها مطاردين
من الأمن...فأطلق عليه النار فأخترقت
رصاصة...صدره وإستقرت برأتيه
ما أذكره من كلام خالي لما كنت ساعتها
بقعد معاه...كان بيؤل لي دايماً
ربنا أحياناً بيخليك في مكان لك فيه
كلمة تأمر وتنهي وتظلم وتنصف...عشان
يوم القيامة يؤلك عملت إيه في اللي
إستئمنتك عليه
اللهم إرحم خالي وجميع رجال الشرطة
الشرفاء...الذين شهدوا لك
بالوحدانية ولنبيك بالرسالة وماتوا
علي ذلك
احترام عميق للانسان اللى ممكن يقدم حياته لانسان تانى
ربنا يصبر اهله
السلام عليكم
فعلا ربنا يصبر أهله يارب
ويرحمه
طالما فيه ناس لسه محترمين
يبقي ننحني أمامهم ونرفعلهم القبعة
ربنا يرحمه ويتقبله مع الشهداء والأبرار
على الرغم ياستى من معاتاه أهلى الشديده من البوليس والكره المتبادل اللى بينا الا ان الراجل ده خالانى أحترمه جدا وأحسن ان لسه فى ناس فى البوليس كويسين
تقريبا اخر ظابط بوليس شفته كويس كان فى الفيلم بتاع عبد الحليم حافظ الخطايا لما اداله فلوس وأنقده من الضياع
:)
وياستى أميرة البلطجة سبقتك وأتكلمت عن الموضوع ده بس هى جابت الموضوع بالصدفة ومكنتش عارفه قصة الظابط ده
على كل حال الرسول عليه الصلاة والسلام قال : الخير فى أمتى الى يوم القيامة
وحقك طبعا ياستى تعملى سبوت على الناس الكويسيين عالشان الواحد يتبسط ويتطمن أن مصر لسه بخير
مع أن الموضوع حزين
بس ياستى انا بقى متضايق قوى قوى من شعار الشرطة الجديد الشرطة والشعب فى خدمة الوطن
الشرطة فى خدمة الشعب كان أحسن ولا ايه رأيك؟
ودمتى فى أمان الله وحفظه
سلام
هو كده النماذج الكويسه تروح واللى يقضى عليها الأشرار
والنماذج اللى كلنا عارفنها تعد على قلوبنا وتقضى على باق الأخيار
تفتكروا ليه؟؟
بجد كتر خيرك انك تذكريننا بذلك الرجل الذى تجود به ارض النيل الطيبة مصر و اكيد فيه منه كتير تايهين بينا مشغولين بس ف لحظة هايفوقوا وهما دول اللى بيراهن عليهم الوطن كى يخرج من السنوات العجاف
اشكرك مرة اخرى
تحيةللبطل
وربنا يصبر عائلته
----------------
ولكني اتعجب من ان هذا النموذج اصبح هو الغريب
مع ان ده هو المفروض الطبيعي
!!!!!!!!!!!
ربنا يرحمه ويصبر اهله ويقبله من الشهداء
الحقيقة نموذج مش محتاج بوستات ولا اي كلام تاني عشان ينصف الفئة المحترمة من الشرطة اللي الناس مش متخيلة انها موجود اساسا
تحياتي يا كوكي
للفقيد الرحمة و لاسرتة و لنا خالص الصبر و السلوان
و لنا سببها و ان كنت لا اعرفة او لم اسمع عن الموضوع سوا منك و من اميرة البلطجية الا اني اقصدها لاننا فقدنا كشعب ( الشهيد ) لانة لو كان عاش اكيد كان حيكون عادل
عموما دائما كل مكان و كل وظيفة فيها الكويس و الوحش الي بيسيء لوظيفتة و زمايلة و الي البلد كلها بتنعية بالرغم من القضايا الماثلة امام القضاء لرجال شرطة سيئين و اساؤا استخدام سلطاتهم هل علينا الفقيد لكي يرجع للشرطة جملة
الشرطة في خدمة الشعب
تحياتي
للكل اللي علق و شاركني تعزيتي ميرسي
*********************************
حسن محمود 00 بص مافيش مانع نبقي في خدمة البلد بس تبقي خدمة البلد بجد مش خدمة حاجات تانيه
***********************************
محمد غفار 00 هي دي الحياه و اهو ده امتحان من امتحانات سبحانه و تعالي
**********************************
شادي فايد 00 هو فعلا المفروض بس مش ده اللي حاصل
**************************************
فعلا لازم زي ما بنفضح السيئ نمدح النموذج الشجاع
الله يرحمة مات من اجل هدف
مات عشان بينفذ عمله بجد
في حين ان غيره .. ولا بلاش ما كلنا عارفين
انا لله وانا اليه راجعون
قل الشرفاء فى هذا الزمن
فقلما تجد شريفا
فى هذا الزمن
Hello, KOUKAWY!
tHIS WORK IS VERY GOOD, THANK YOU
HAVE NICE WEEK
واحد من الشرطه مش دليل
على جهاز الشرطه كله
تعليق على تعليق
مش عارف مين ديفيد سانتوس ده
اللى رامى بلاه علينا
و تلاقيه مش عارف عربى
و يقعد يقول
have anice work
king a.s.r ..
صح كلنا عارفين بس الأمل ان تكون الحاجات الوحشه دي فيروس و عدّي
************************************
ساسا 00 ايه يا عم الحكم الحلوه دي
***********************************
david 00 thank`s u~re welcome
***********************************
islam youssef ..
ماشي انا معاك بس خلينا متفألين و زي ما قلت لكينج فوق ان احتمال الحاجات الوحشه دي كانت فيروس و راح خلاص
و شكله مش فاهم فعلا لأن انا دخلت البلوج بتاعه
بس انا برحب بأي حد يدخل العشه
شهيييييييييييد
بس تفتكري بعد كده أي ضابط هيروح ينقذ حد .. بالعكس هيسيبوا اللي يغتصب يغتصب والحالة تسووووووووووء أكتر من كده
عندي تفاؤل ان تكون دي فتحة خي يا شموسه
ديفيد سانتوس :
http://ctybrd.blogspot.com/2007/04/blog-post_17.html
Post a Comment