Saturday, January 20, 2007

لو كان القرد000

لو كان القرد بص لحاله000 ما كان جاب الرقص علي باله
حقيقي لو كل واحد مثلا ماشي في الشارع بيعاكس بص في المرايه هيكتشف
انه مش المفروض يعاكس و لا يبصبص ابدا ؛و ده وجهة نظري في المثل ان لو كل
واحد فكر انه يعمل حاجه زي ديه و بص لنفسه في المرايه عمره ما هيفرح بروحه
و انا ما بتكلمش علي خلقة ربنا استغفر الله انما بتكلم علي انه تلاقيه
مثلا عجوز و مكحكح و مفيهوش حيل يتنفس و لو واحده عدت قدامه
تلاقيه رمي كلمه ملهاش لازمه و تستحرم اللي معدّيه تشتمه و لا تهزقوا عشان قد جدها؛
و لا واحد تاني شحات مثلا او صايع واقف في الشارع و الريحه خارجه منه من كل حته
و يقول كلام يبقي عايز ياخد علي وشه باللي في ايدك00مش معني كلامي برضه
ان ده يدّي الحق لواحد امور او شباب او مستحمي انه يعاكس لأ طبعا 00
انما0000المثل يحكم
سلام

3 comments:

Haitham Abu Akrab said...

فين بقي باقي قاموس الامثال
يا كوكو
والله خايف ل تكون كوكو الضعيف ف الاخر


بس البلوج بيقول غير كده

koukawy said...

انت تلاقيك يا ابو عقرب كنت مستعجل بس و مريت علي البلوج و انت في العربيه
انا عندي كاتيجوري بس للأمثال
و اهلا بيك في بلوج كوكو الكميل

kozo127 said...

ما هو يا ريتها دلوقتي بترسى على كلام .. كانت هوينه .. انت ما بتسمعش عن اللي حاصل في البلد اليومين دول والتحرشات في وسط البلد والمهندسين .. والاستاد ..
دلوقتي الواحد بيسأل مراته او خطيبته او امه او اخته .. حد اتحرش بيكي ؟ مش زي زمان حد دايقك حد عاكسك ..؟
ربنا يستر علينا