Saturday, January 13, 2007

حتة الحديده و فيلم السهره00

اقتراح جديد شايفه انه هيحل مشكله تعباني اوي و اكيد مضايقه ناس غيري و خاصة الجنس الناعم ؛
الحقيقه مش عارفه اقول الاقتراح و لا المشكله الأول ؛ هقول المشكله ؛
اللي بتتمثل في ان المفروض ان الكرسي في اي مواصله عامه بيبقي لفردين
بس للأسف في اغلب الأحيان ناس تقعد و تمدد و تريح و تأيل و كأنها يوم الجمعه
قدام التليفزيون في البيت بيتفرج علي فيلم السهره مع المدام و الأولاد ؛ و يبقي الواحد قاعد لازق في الحديده
اللي ايد الكرسي او لو مفيش حديده تبقي قاعد نص قعده و اي فرمله ممكن تلاقي
نافسك لازق في البرابريز او تقع عالأرض و بالتلي هدومك تتطين و تروح مشوارك
شكلك عجيب ؛ المهم كالعاده لازم الواحد يلاقي الحل ؛ فرحت كاتبه شكوه فورا لوزارة النقل
طلبت فيها انهم يوسعو مساحة حتة الحديده شويه عشان الواحد يلاقي مكان يقعد و مايضايقش الاستاذ
اللي بيقضي يوم اجازته عالكرسي
سلام

2 comments:

ehab.ibrahim said...

علي فكره انا الاستاذ اللي بيقضي اجازته علي الكرسي يا سكر هههههههههههههههههههههههههههههههه

koukawy said...

وقعتك سوده لو صدفت و قعدت جنبي في اي مواصله يا كابتن ايهاب
لأنه هينولك من الحب جانب اشاءالله
lol