Monday, January 29, 2007

ان كان اللي بيتكلم00

ان كان اللي بيتكلم مجنون00الي بيسمع عاقل
للأسف الاعلانات التجاريه بقت شئ منفر و بدل ما يكون دور الاعلان انه
يشجعك انك تشتري المنتج بالعكس يسد نفسك من سوء الاسلوب المستخدم في الاعلان
ما هو اصل الاعلان ده فن مش اي حاجه و خلاص00بس انا احب اركز اكتر في البوست ده
علي نوعيه معينه من الاعلانات اللي انا هطبق عليها المثل
و هي00التي في شوب
اللي هي اصلا بضاعتهم كلها صيني 00اكيد عارفنهم 00و لو حد ميعرفهمش
يقعد شويه و يستحمل اي فيلم علي قناة ميلودي افلام و يستني كده في الفواصل
ويشوف مدي فقر و تفاهة الماده الاعلانيه المقدمه و اللي هو مثلا الانتاج بتاع
الاعلان كله علي بعضه يوم ما يضربه الدم يبقي 250 جنيه مثلا00
ده غير الغلاسه اللي بيستعملوها في شرح المنتج مثلا كان اعلان منهم عن
طقم صيني و كان اللي بيتقال00الحله اللهلوبه اللي تطبخي فيها و انتي
مطمنه و لو اتصلتي دلوقتي هتحصلي علي الطاسه الشقيه اللي كلها حنيه و معاها مطبقيه
غنيه بالوانها الزكيه000 غير بقي ان الاعلان مش ممتع ازاي ممكن حد يشتري
حاجه ماشفهاش 00الغريب ان انا بسمع ان ناس كتير بتشتري من الحاجات ديه
و الحقيقه مش عارفه ازاي ممكن ان الواحد يثق فيهم 00عشان كده دايما بقول
ان كان اللي بيتكلم تي في شوب00الي بيسمع يقفل التي في احسن
سلام

9 comments:

angelus said...

salut koukaway, tt d'abord merci d'etre passé sur mon blog... et meme si tu n'aimes pas la poésie, merci d'avoir apprécié la mienne:)

je viens de decouvrir ton blog, et je te jure que j'aime beaucoup ton humour, ta manière de penser est tres rafraichissante.

en tt cas merci de partager.
a+

koukawy said...

angelus ..je suis tres contente d`avoir ton nom sur mon blog et je serais tres contente que tu passe toujours ..et pour la poesie je vais l`aimer pour toi
lol

أميرة البلطجية said...

أيه ده بقي..لأ لأ.زأحاديث جانيبة بالفرنصاوي مش مقبوله يا كوكي
je m'appelle Koko..je chants comme les oazo et je suis tres fatigue!!
يا بنتي انتي كأنك معايا انا وبنت عمتي...نفس الاعلان الفأعة ده اللي بيجي على قناة الناس بتاع الطاسقة الشقية والعباية ام كم.. حاجة تفرسسسسسسسسسسسسسسسسسسسسسسسسسسسسسسسس والله بيفورو دمي وله أعلان مبروك بيبي جالك ولد..منتهي الاستخفاف بعقول الناس..أنا بسميها اعلانات من تحت السلم
تحسي انها متسجلة تحت السلم مش عارفة ليه

koukawy said...

يا بنتي ده صاحب الشركه غالبا بيصور بعيلته في شقة الجيران 00دي حاجه مقرفه
و اعلانات كتير بالشكل ده00
ربنا يرحمنا

ehab.ibrahim said...

واحسن مثال علي كده الاعلان الكميل بتاع عسل السدر الجبلي سدر ايه الله يحرق صدركم بحموضه ملهاش فوار بجد اعلان مستفز مووووووووووووووت

ehab.ibrahim said...

ولا الاعلان الجامد اوي بتاع الترنك اللي معاه ساعه هديه وعلي رأي اللمبي " ترنك ايه ده يا ميخاااااااااا"

وعلي رأي المثل اللي معاه قرش محيره يجيب من عند الناس دول ويدمره

koukawy said...

ليك حق كله كلام في الهجايس00
يا ايهاب

ehab.ibrahim said...
This comment has been removed by a blog administrator.
darbet shams said...

على فكرة انا مش فاهمة الكلام الفرنساوي ده ياخوانا ، لو ايطالي ماشي اما الإعلانات فهي حاجات تفور الدم قوي وعلطوووول بغير المحطة