Saturday, January 27, 2007

الفاضي يعمل 000

الفاضي يعمل000قاضي
المثل ده بينطبق علي كتير من الفاضيين و اللي ما وراهمش حاجه في حياتهم تشغلهم00
بس انا نقيت من الناس الكتير دول فئه معينه من فراغهم بيملوا الوقت و بيحسوا كمان بأهميتهم
و هما 00السياس00جمع سايس00اللي هو تلاقيه مطرح مطروح تركن جاي و بيمسح الأزاز
و يبقي سايب العربيه و لا معبرها و لا انت عايزه يعبرها اصلا بس اول ما يشوفك جاي عالعربيه
يجري يغرقهالك ميه و يقف يعطلك و يلحوسلك الازاز اي حاجه بس عشان تديله اللي فيه القسمه
و ده نص من السياس00في نص تاني منهم بقي ظاهره تستحق المتابعه و هما00الي تلاقي واحد
واقف في نص الشارع و في بقه سفاره و في مكان مفيهوش اشاره من اصله و ده واقف عامل اشاره خاصه ليه وواقف يصفر و يوقف العربيات و يشتم الناس اللي بتحلقله و تعدي و دول بقوا كتير 00المشكله بقي انهم حاسين بأهميتهم و لا لما يكون الواحد منهم ظابط مرور 00حقيقي الفاضي يعمل قاضي
سلام

4 comments:

ehab.ibrahim said...

وعلي رأي المثل " اللي تحسبه موسي يطلع ....في التليفزيون"

Princess said...

على فكرة.. انتي عارفة السايس ده بيطلعه كام في اليوم؟
انا شخصيا بفكر اسيب الشركة واقفل البلوج واخد فوطة صفرة من المطبخ عندنا واطلع اشوفلي اي تة راكن فيها عربيتين تلاتة احتلها وابدأ بعد كده اتوسع واعملي باركنج محصلش يسد الشارع وعين الشمس سخصياً
حتيجي تركني عندي طبعا؟
وحسميه
باركنج البرينسس
كينجدوم اوف ماي اون
برضه

koukawy said...

طب ايه رأيك نخش في الموضوع ده فيفتي فيفتي؟ يا برنسيس و لو نجح نطالب بعمل نقيبه و بعدين نبقي نعمل مظاهرات و كده بقي00

Princess said...

أساسى يا كوكو