Friday, January 26, 2007

حاجات تفوّر الدم00جزء 2

الحقيقه اضطريت اكتب جزء تاني من البوست ده و يمكن يبقي في تالت و عاشر و ده بسبب ان الحاجات اللي بتحرق دمي و تعصبني كتير و مبتخلصش 00خد عندك00
تبقي واقف في مكان تدفع و المفروض ان فيه اختراع من ايام العصر الحجري اعتقد اسمه طابور ده لو انا فاكره لأن
طبعا انا بقالي كتير مشوفتوش فخايفه اكون نسيت اسمه و لا حاجه00
و اضربلكوا مثال00المترو مثلا ممكن تفضل واقف قدام الشباك و اجيال تعدّي عليك و تلاقي شعرك ابيّض عشان تشتري تذكره00 تلاقي ناس تحط ايدها فوق ايدك و انت حاطط ايدك عشان تدفع00او مثلا فيه فتحه مدوره كده قدام الراجل في الازاز الفتحه دي عشان انت تكلم الراجل منها فتبقي انت حاطط ايدك تحت و تلاقي واحد يجي و يحط ايده في الفتحه اللي فوق00طب بالله عليكو 00علي رأي عمرو خالد00 شئ يفقع المراره و لا لأ00
في اختراع تاني غير الطوابير اسمه اشارات و ده بيكون في العربيه حتي لو كانت العربيه ب3جنيه00بس الظاهر
الناس فاكره ان الاشارات دي حاطوها في العربيه كماليات او زيّ الفواحه مثلا محطوطه ديكور 00تلاقي ناس تسوق و مبتستعملش الاشارات دي اصلا غالبا الكلمه مش عندهم في القاموس 00و ناس تانيه يبقي الّي قدامها مدّيها اشاره من فتره و تلاقي اللي ورا كابس برضه00شئ عجيييييب
تكمله لموضوع العربيات برضه00 الكلاكسات00تلاقي واحد ماشي في الشارع لواحده و عمال يكلكس طب ده يبقي تصنيفه مريض و لازم يخش المصحه و لا لأ00واحد تاني واقف في الاشاره بيكلكس 00طب ايه ؟ تفتكر سعادتك
ان الاشاره هتفتح لما نيافتك تقعد تكلكس00شئ اعجبببببببببببب
خلينا في الشارع برضه000واحده واقفه تحت العماره 00يا بسمااااااااااااااااااااااااااااااااااااااااااااااااا0000يا بسما ا ا ا
خد عندك كده ربع ساعه عقبال ما بسمه تحن علينا و ترد00لا تعليق
في اي مواصله عامه 00تلاقي الشباب اللي يجرّوا جبال قاعدين و البنات بتقوم تقف عشان تقعد راجل عجوز او واحده حامل او حد عيان00علما بان في كراسي قدام للمعاقين و المسنين و تلاقي الشباب قاعدين و مسقعين ودانهم00طب مش عيب دي رجوله و شهامه برضه
كفايه دلوقتي 000و انا متأكده ان للحديث بقيه
سلام

2 comments:

أميرة البلطجية said...

كوكو يا كميل..معلش عندي مشكلة في النت..مبروك يا كميل البلوج الجديدة وان شاء الله حرد عليكي اوي ما اظبط المشكلة اللي عندي
ادعيلي متطلوش

heba said...

مبروك يا كوكو على البلوج الكميل أما الطوابير دي فأنا اتخنقت منها عالآآآآآآآآآآآخر خلاص يا كوكو معادش في ذوق أما الكلاكسات والزمامير فحدث ولا حرج على رأي المثل " هبلة ومسكوها طبلة " بيزمروا بمناسبة ومن غير مناسبة والشهامة برده اندثرت في التراب معااااادش في أي حاجة خااااااالص مش حاجة تفور الدم ؟