Tuesday, April 17, 2007

و رجعت علي التاج

الكوكو الكميل لاما يسعد يجيلوا اكتر من تاج في الشهر
جالي تاج تاني من سمو الأميره البلطجيه ؛ و طبعا كان
لازم ارد بسرعه لحسن تعمل تعديل وزاري و لا حاجه و تشيلني من الوزاره
و اتسول و ملاقيش اكل عيش بقي و حسنه قليله و حاجات كده
المهم يالا كوكو هيشمر كناحاته كالعاده قبل كل تاج و يبدأ 00
*********************************
احب شخص لقلبك في الدنيا ؟
الكيميلين
انسان مستعد تضحي بحياتك 00 ركز في كلمة حياتك دي 00 عشانه ؟
اللي هو كمان مستعد يضحي بحياته عشان كوكو الكميل
انسان كرهته لدرجة الجنون و تمنيت لو تمسك سكينة وتنقض عليه
وتغرزها فى قلبه تقتله وتقف تبص لجثته وتشفي غليل قلبك؟
ياه هو كوكو وقته الكميل فاضي للهيافات دي ؛ سموك ده ياخد
من وقت الوزاره اني اقعد اركز اني اكره حد ؛ اللي مش بحبه مش بكرهه بس
و بعدين كوكو متسامح او بيحاول يوصل للدرجه دي
اسم اجمل كتاب كتبه بشر و تحتفظ بيه حتي الان؟
ياه سؤال صعب لأن كتب كتير بحبها اوي ؛ و لو علي الاحتفاظ
كوكو دودة كتب فظيع بينقر في الكتب جامد و مش بيري كتب حتي لو وحشه
الحقونيييييييييييييي هغرق تحت الكتب النجده ه ه ه
اسم كتاب-كتبه بشر برضة- انت متعلق بيه وبتقرأه كل فترة؟
الطريق الي زمش 00 محمود السعدني
الروايات و المسرحيت
اهم جهاز منزلى انت متعلق بيه او بتستخدمه كتير؟
الكمبيوتر ؛ و التليفيزيون بستعمله راديو و انا قاعده علي الكمبيوتر
شىء تحس بالراحة النفسية عندما تنظر اليه؟
اي حاجه تشد انتباهي و تخليني اسرح معاها
مكان تحس فيه بالحنين الى شىء لا تدرى ماهو و ذكريات جارفة الى لاشىء؟
هههههههههههههههه البانيو
مكان تحس بالراحة عندما تدخله؟
جامع مصطفي محمود ؛ الأوبرا
اجمل مدينة زرتها داخل مصر؟
مدينة الكوكوهات
أجمل مكان طبيعي رأيته داخل مصر؟
البيوت القديمه في احياء مصر الفاطميه
شخصية كارتونية بتحبها؟
daffy duck
نوع هاتفك المحمول؟
و يا تري الاعلان اللي هعمله ده بفلوس و لا لأ؟
سرعة بروسيسور جهازك؟
هسأل حد كبير و اقولك
حجم ذاكرة –هارد- جهازك؟
كوكو بايت 80
المساحة التى تشغلها المواد الاسلامية على جهازك؟
الربع
نفس المساحة السالف ذكرها فى قلبك-الاجابة لنفسك عشان الرياء يا اخواننا-؟
من غير زعل سؤال لا يهم الا الله لأن هو اللي هيحاسبني
و كمان انا معرفش يارب تكون كده
أهم هدف انت واضعه لحياتك دلوئتى؟
التقرب اكتر للصح
مواصفات فتاة –أو فتى للبنات- الأحلام بالنسبة لك؟
يكون كوكو كميل برضو
شعورك لما بتسمع كلمة مصر؟
بحاول احس بالسعاده
شعورك لما بتسمع كلام عن اليهود؟
الاستغراب ان حد ربنا يديله قوه و ذكاء و يستعملها في الشر بدل الخير
شعورك لما بتشوف ظابط شرطة؟
تفرق هو ينتمي الي مين منهم
شعورك لما بتشوف الكناس العجوز فى الطريق؟
بحمد ربنا الذي شافانا و عافانا مما ابتلي به غيرنا
لون البطانية اللى بتتغطى بيها فى الشتاء؟
بكره البطانيه جدااااااااااااااااااااااااا
لون الجورب-الشراب- المفضل لديك؟
سؤال غريب معرفش حسب لون الهدوم
احساسك اذا داست قدمك فى الطريق على مخلفات اخراج حيوان- *** ولا مؤاخذة-؟
يعععععععععععععععععععععععع ؛ و لسه همسح الجزمه في حرف الرصيف
افكارك تجاه شاب ماشى فى الطريق يلبس جلابية بيضاء قصيرة
وعمامة وله لحية وبجيبه السواك وبيده المصحف؟
ما بتفرقش معايا المظاهر اوي
احساس يراودك فى اشارة مرور مغلقة بسبب مسئول كبير؟
لأ بلاش اشيل ذنوب
التاج ده أمرره للاتية أسماؤهم00
اللي بقوله اعمل ساين ان المره الجايه عشان اعرف ادخل عندك ghost
و ياللا بالشفا يا كميلين منكوا للتاج بقي
سلاااااااااااااااام

7 comments:

Anonymous said...

السلام عليكم
ازيك يا كوكو يا كميل
الاول معلش ما كنتش موجود من فتره كان عندي شغل بعيد بس كان نفسي اعرف اخبارك ايه
المهم الاجابات جميه
بس في سؤال سخيف بل انه سيء النيه
افكارك تجاه شاب ماشى فى الطريق يلبس جلابية بيضاء قصيرة
وعمامة وله لحية وبجيبه السواك وبيده المصحف؟
يعني الاخت سابت الشباب الي زي البنات و سابت البنات الي زي الرقصات و سابت الدنيا كلها و جيه عند واحد لابس جلابيه
ده كره و لاحقد و لا جهل و لا غبي
حسبنا الله و نعم الوكيل
يلا سفاهه؟؟


المهم انت كميل و كلامك لسه كميل معلش اني علقت عندك بس انا بحب كوكو الكميل و مش بحب اي حد يقول كلام مش كميل

هعدي بكره بعد العصر هشقر علي المدونه
يلا سلام
سفااااااااااااااح الفراخ

يعقــــوب .... said...

إجاباتك نموذجية..بس معلش إعفيني من التاجات ...3 حاجات مبعرفش أتعامل معاها و مليش فيها...دوا السرب,الفوار والتاج
خلقة ربنا بأه و اللهم لا إعتراض

أميرة البلطجية said...

أمممممم
طبعا مطلوب مني مخرجش عن شعورى ومردش على انانومس اللي فوق اللي سأل (بنية سيئة) اذا كان سؤال الشاب الملتحي ده جهل وله غباء وله جهل وله حقد
وان كان انا (بحكم ان انا اللي ممرارالك التاج) مش فارق معايا رأي اخينا..وصلا معرفش هو مين
بس يله..نرد برضه عشان انا اللي مبحبش الجهل والكره والحقد والغباء
اللي عامل التاج اصلا شاب ملتحي متدين جدا..يقصد بالسؤال انه يستنكر ع الناس استنكارهم للملتحين
وانا لما مررت التاج مررته كله على بعضه لا جهل ولا حقد ولا غباء ولا كره يا....
يا اخونا في الله
وعلى فكره انا مش مسامحه في الكلام بتاعك
وحسبي الله ونعم الوكيل
(متي اطلعتم على قلوب الناس)
حسبي الله ونعم الوكيل تاني
المهم
كوكي الكميل
اجاباتك كميل كالعادة
وبريئة وبترسم الابتاسمة على وشي
صباحك فل يا كميل

Eric Matt said...


السلام عليكم و رحمة الله

كده يا كميل تدبسني

ماشي يا سيدي انا مسامحك بس عشان انت كميل

:)

تحياتي لك من ماناساس البلد
اجاباتك حلوة بالمناسبة

safa7_karmooz said...

سحقا بالملبن ...من يكون سفاح الفراخ هذا ...ممم...سفاح من برا النقابة...هنشوف ...

الاجابت كميلة كعادتها يا كوكو ....

ويشرفنا الاجابة عن التاج الكميل ...وخصوصا فيه تاج تانى لسه معملتوش ...احم احم...ياريت بس مش تزعلى مننا ...

بس الشاشة تتصلح من الحصبة الهندى اللى عندها ...وارجع اكتب ...خصوصا انى مشغل الجهاز عالتلفزيون دلوقتى ..:)

koukawy said...

سفاح الفراخ 00 انت اسأت الحكم علي البلطجيه و انا كنت هدافع عنها و لقيت هي ردت عليك ؛ انت بس اتسرعت هو كان المغزي من السؤال عكس ما انت فهمت ؛
علي العموم مستنياك بعد العصر بكره
************************************
يعقوب 00 اتهربت و انا عفيتك و كوكو هو اللي اتوصطلك اني اعفيك
*********************************
بلطجيه 00 متزعليش انا كنت هرد عن لسانك و لقيتك انتي رده عليه بس هو ما يقصدش هو بيدخل عندي بقاله فتره طويله و عمره ما كتب كومنت مش لطيف هو بس عبر عن رأيه بعنف و تسرع شويه
المهم ان الاجابات عجبتك و ده اهم حاجه
********************************
the groom ..
ما هو انا ما ادبسش غير العزاز
*********************************
سفاح كرموز 00
اه وقعت بلسانك ان لسه في تاج قديم
و لا انت استغليت ان الكمبيوتر كان عيان ؛ و علي فكره سفاح الفراخ ده بيدخلي من زمان و احد المداومين علي زيارة العشه ؛ و هو بس فهم غلط
المهم متتهربش و الحل يا الحبس انت حر

Diyaa' said...

but which kind of bytes this koko bytes dy ?! :D