Monday, April 16, 2007

كوكو يقرأ الخريطه

مقدمه 00
اخيرا رجعت عشتي اللي وحشتني اوي و عرفت قد ايه
بحبها لما بعدت عنها 00 و رجعت لصحاب العشه
و اهلها اللي عرفت قد ايه بيحبوني اوي و بيحبوا العشه
الحمدلله الكمبيوتر خف بس بعد خسائر فادحه و اضطر الدكتور
يغيرلوا قلبه و طبعا كل اللي كان في قلبه راح و متبقاش
غير حبه للعشه و اهلها00
**************************************************
الحلقه اللي فاتت 00
كوكو كان هيفتح الورقه اللي لقاها جوه الكوكو الحلاوه و التليفون رن
الحلقه دي 00
جري كوكو الكميل علي التليفون و رفع السماعه 00
الو ايوه مين انا كوكو الكميل -
ما احنا عارفين -
انا علي فكره فتحت الحاجه و لقيت ال000 -
ما احنا برضو عارفين انت فاكرنا نايمين علي ودنا احنا شايفين -
كل تحركاتك و زرعنلك كاميرت في بيتك و في بيت ام مكاوك
عشان لو حاولت تتلاعب و تبلغ البوليس و لا حاجه
انا كل اللي عايز اعرفه دلوقتي يا استاذ خطاف فين طانط ام مكاوك؟ -
انت تنفذ اللي هقولهولك ده بالحرف الواحد 00 تفتح الورقه اللي عندك -
دي خريطه للمكان اللي فيه ام مكاوك و مهمتك بقي يا كوكو يااللي عملنا فيها
بطل انك تتبع الأسهم اللي مرسومه عندك علي الخريطه بدقه لأن اي غلط هتعملوا
ممكن يعرض حياتك انت و ام مكاوك بتعتك دي للخطر 00 اول حاجه تعملها بعد دراسة
الخريطه كويس انك تفتح دولاب المطبخ اللي علي اليمين هتلاقي شنطه ؛ افتحها
و اتبع الارشادات و احنا هنعرف نوصلك 00 و بحذرك تاني لو البوليس عرف
هتبقي النهايه انت فاهم 00
و قفل الخطاف السكه في وش كوكو الكميل اللي حط السماعه و جري علي طول يقتح الخريطه
و فرد كوكو الخريطه علي الطرابيزه قدامه و قعد يبص و قال لنفسه 00
ياللا يا كميل طلع افكارك النبيهه و ابدأ العمل و اكيد انشالله ربنا هيوفقك و تلاقي ام مكاوك
و قعد كوكو يدرس الخريطه كميل اوي و بعدين راح علي دولاب المكبخ و فتح الكولاب
و طلع الشنطه اللي الخطاف قاله عليها و لقاها تقيله اويييي قعد يجرجر فيها و لما خرجت
جه يفتحها لقاها مقفوله بقفل مش كميل خالص و بعدين بيبص علي الشنطه لقا فيها
مفتاح صغنن راح ماسكه و فتح بيه القفل و لقا كوكو كوه الشنطه خريطه تانيه
مكتوب عليها الخريطه رقم 2 ؛ و لقا نضاره اللي بتكبر ؛ لقا دايره حديد كبيره
فيها مفاتيح كتير زي بتاعة الحراميه اللي كوكو كان بيشوفهم في الأفلام00
طلع كوكو كل الحاجات دي من الشنطه وشالهم حطهم علي الطرابيزه جنب الخريطه
رقم 1 ؛ و دخل الأوضه بتاعته جاب شنطه بتتشال علي الضهر و راح فاتحها و حط فيها
كل الحاجات دي و منسيش كوكو انه يجيب المصحف الصغنن بتاعه من تحت المخده
و حطه في جيب الشنطه 00 و فجأه كوكو سمع حاجه بترن في البيت صوت جرس غريب
عليه و اتخض كوكو 00
كاكان
حل سؤال الحلقه اللي فاتت 00
و كسبت شمس لأنها قالت ان كوكو هيلاقي خريطه توصله لمكان ام مكاوك
مبروك يا شموسه
سؤال الحلقه دي 00
يا تري ايه اللي كوكو سمعه بيرن؟؟؟؟؟؟؟؟؟؟؟؟؟؟؟؟؟؟؟؟؟؟

8 comments:

أميرة البلطجية said...

يا حبيبيتي يا كوكييييييييييييييي
حمد الله ع السلامة
اخيرا اخيرا
هههههههههههههههه
نصى انا قلت بس احضنك وبوسك ع السريع قبل ما اقر البوست...اروح اقرا بقي وبعدين ارجع اعمل كومنت تاني..بس بليز اعمليلي حاجة اشربها بقي على مخلص
وحشتينيييييييييي

أميرة البلطجية said...

أمممممممم ايه يا كوكي ده!
انتي بتصعبيها عليا ليه؟
طب سكى ع الشاي بقي مش حشرب حاجة خلاص
أممم ايه اللي بيرن وصوته غريب
أممممم
انذار الحريق!
بي أس:
انا سيبالك تاج عندي

يعقــوب said...

حمدلله على السلااااااامة أخيرا الواحد هيركز في شغله تاني,,ده انا كنت هترفد..و يقولولي طب انت محتاج ايه عشان تركز احنا ممكن نوفرلك كل طلباتك كل الإوبشنز تحت أمرك..بس طبعا مكنش عندهم حكايات كوكو....بس ده انتى بعدتي عن موضوع كوكو مع الكوكوهاية التانية..كانت رومانس و قلبت اكشن..بس اكيد انا عارف انك هتجمعي الاتنين تاني..خبرة بأه

The Groom said...


وحشتينا

حمدالله على السلامة

ربنا يكرمك يا رب

أنا مش متابع حلقات الكوكو للأسف

بس حدعيله :)

تحياتي لك من ماناساس البلد

david santos said...

WE GO TO CONTINUE TO EXCEED THE BARRIER OF THE LANGUAGE, SO THAT BUSH AND OTHER TERRORISTS NOT TO CONTINUE LIE

لقد أن تنتهي مع باري لغات منها بوش وغيره من الارهابيين لا تزال تكمن

safa7_karmooz said...

كوكو...سورى عالكلام اللى برا الحدوتة

بس البوست ده عن الفيلم اللى قولتلك عليه ...

http://meshmesh5000.blogspot.com/2007/04/lake-house.html

§a§a said...

حمد لله على السلامه


انا مش متابع الحلقات فى كام حلقه فاتتنى للاسف هشوفهم واجى

koukawy said...

البلطجيه 00 طب اشربي الشاي بس لغاية ما اقولك الاجابه الحلقه اللي جايه
*************************************
يعقوب 00 لأ و كوكو ما يهنش عليه انك تترفد ؛ ما هو كوكو اصله متعدد المواهب شغال في كله اكشن رومانس كله
*************************************
the groom ..
يا ريت تدعيله و تتابع كمان
و انتوا كمان وحشتوني
**********************************
david ..
oui david c`est vrais
tu es bien venus
*********************************
سفاح كرموز 00 قريته يا سفاح
************************************
ساسا 00 كوكو هيزعل منك لازم تتابع هو احنا عندنا كام كوكو كميل