Tuesday, April 24, 2007

كوكو حيران

الحلقه اللي فاتت 00
كوكو وقف قدام باب الشقه و جاتله فكره
الحلقه دي 00
كوكو فكر انه لازم يسيب دليل للناس او للبوليس او لأي
حد انه طلع رحله عشان ينقذ ام مكاوك ؛ و لقا كوكو ان احسن طريقه
انه كل شويه يمشيهم يسيب دليل و هما يتبعوه ؛ و فعلا دخل كوكو تاني الشقه و كلم نفسه
بصوت عالي عشان الكاميرات و اجهزة التصنت تسمعه و قال 00
كده يا كوكو يا مش كميل تنسي كيس القمح اللي هتنقر فيه في السكه
و انت رايح لما تجوع 00 و خد كوكو كيس القمح و خرج من الباب تاني
و قرر انه يبدأ من هنا رمي القمح ؛ و رما كوكو شوية قمح قدام باب
الشقه و بعدين حدف كوكو الشنطه من فوق الشجره ؛ و لأول مره من كتير يرفع كوكو
كناحاته الكميله و يحاول يطير و حس كوكو بشعور غريب و هو طاير و نازل للأرض جنب الشنطه
حس ان كناحاته ضعيفه و انه محتاج يمرنها كتير اوي عشان يقدر يرجع يطير تاني ؛
ووصل كوكو جنب الشنطه و شالها علي ضهره بعد ما طلع منها الخريطه عشان يشوف السكه
و لقا اول سهم من عند بيته في اتجاه الشمال ؛ و شد كوكو الرحال في اتجاه الخريطه
و مش ناسي انه طول السكه يرمي القمح علي الأرض عشان يعلم خط سيره ؛
وفضل كوكو في طريقه شويه يطير و كناحاته توجعه و شويه يمشي و رجليه تعيط منه من التعب
و شويه يقعد في نص السكه يريح و ياكل ؛ و بعد مشي طويل لقا كوكو في الصحرا ؛
و خاف اوي من المكان اللي مفيهوش شجره و لا زرع و لا حاجه خالص ؛
و كان عطشان جدا و غرقان في العرق و بيعصر ريشه المبلول من الحر ؛
و كان كوكو بينمنم في الميه عشان ماتخلصش بسرعه ؛
و كل ما كوكو يحس انه تعبان و مش قادر يجيله صوت جواه يقوله
عشان ام مكاوك ؛ فيتشجع كوكو و يجيله قوه و طاقه ؛ و فضل كوكو ماشي
لغاية ما جه عند مكان في مفترق طرق طريق و مقسوم تلاته ؛
و كل طريق عليه سم لون سهم اصفر يمين و سهم اخضر شمال و سهم احمر علي طول
ووقف كوكو وفتح الخريطه و مفهمش منها هو المفروض يدخل انهي طريق
و فضل واقف يفكر لحد ما غلب كوكوهه و قرر انه يجرب بالحظ و هو و نصيبه
و لو لقا نفسه تايه يبقي يرجع و يجرب طريق تاني لحد ما يلاقي البوابه المرسومه علي الخريطه
اللي المفروض ان ام مكاوك هناك ؛ى ووقف كوكو حيران ينقي انهي سهم فيهم الأول
و لما زهق خالص قالي اسألكوا و هو هيدخل الطريق اللي يجي عليه اختيارات اكتر
ياللا قولوا لكوكو و هو واقف في الطريق مستني هتقولوله ايه 00
كاكان

6 comments:

أميرة البلطجية said...

خليه يقول دعاء الاستخارة وبعدين يخش في الطريق الاخضر

صاحب البوابــة said...

ههههههههههه

اضحكتني كثيراً

اسلوبك رائع

وتعبيرك متقن

------------------
صاحب مدونة البوابة

Anonymous said...

السلام عليكم ورحمه الله
ازيك يا كوكو يا كميل
انا تعبان جداا و عندي مشاكل كتير يا ريت تدعيلي ان ربنا يثبتني

سفااااااح الفراخ

Diyaa' said...

ههههههههه
والله مسخرة
قوليله يدخل من اليمين
يلا سلام

SoRsaRaa said...

كوكو دى اول مرة اجى هنا وان شاء الله مش اخر مرة واتمنى تقبلى منى الاعلان دا


اهم الانباء فى عالم التدوين:
ــــــــــــــــــــــــــــــــــــــــــ

"مسابقه افضل موضوع"
http://best-post.blogspot.com/

"من أجل مدونات نظيفة"
http://5fadfada.blogspot.com/2007/04/blog-post_20.html

"تصميمات الشعار وأكوادها"
http://takhareef-sorsaraa.blogspot.com/2007/04/blog-post_21.html

ياريت تشرفونا وتشاركوا معانا فى المواضيع دى

سمسم said...

أحمر

أخضر

أصفر

امممممممممممم

تاني

أحمر

أخضر

أصفر

لأ أحمر

أحسن يرجع وييجي في يوم تاني

تحياتي

ويجعلوعاااااااااااااااااااامر